მეგან მარკლმა ქალს, რომელიც მსოფლიოს მოდას კარნახობს სურვილი გაუჩინა გარდერობს გადაეხედა

ანა ვინტური გამოტყდა, რომ ჰერცოგინიას კოსტიუმების მიმართ გულგრილი არ არის.
ამერიკული Vogue-ის მთავარმა რედაქტორმა, ანა ვინტურმა თინა ბრაუნის სამიტში „Women in the World“ მიიღო მონაწილეობა. ღონისძიებაზე ის მის ცნობილ სტილში - გრძელ კაბაში, შავ სათვალეებსა და მასიურ სამკაულებში გამოწყობილი მივიდა.

როცა საუბარი დაიწყო საქმიანი ქალის უნიფორმაზე, Vogue-ის რედაქტორმა განაცხადა, რომ ეს ხერხი დროს საგრძნობლად შეამცირებდა, მაგრამ შემდეგ საკუთარ თავს შეუსწორა.

„შესაძლოა, ბევრად მარტივია ყოველდღიურად ერთი და იმავე სამოსის ტარება, როცა ასაღელვებლად ზედმეტი მიზეზი არ გაქვს. მაგრამ ეს მაინც მოსაწყენია და
ცვლილების დრო დგება. აი, მაგალითად მე, ბოლო დროს კოსტიუმების მორგებაზე დავფიქრდი, ასე რომ... მადლობა სასექსის ჰერცოგინიას“ - განაცხადა ანა ვინტურმა.

მისი თქმით, მეგან მარკლის სტილი „უდავოდ, განუმეორებელია“. ვინტური ჰერცოგინიას მანამდეც დადებითად მოიხსენიებდა, ამჯერად კი განსაკუთრებით აღნიშნა მისი ვიზიტი ავსტრალიასა და ახალ ზელანდიაში, როცა ოფიციალური გამოსვლებისთვის მეგანმა ნაკლებად ცნობილი ადგილობრივი ბრენდები შეარჩია.

„მაგრამ ასე მგონია, ყველაზე მნიშვნელოვანი ისაა, რომ ის სამეფო ოჯახს თანამედროვეობას ჰმატებს და ამით შთამაგონებს“.

  • წინა
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.