მარიამ ხორგუაშვილი მოგზაურობაზე, საყვარელ ადგილებსა და თავგადასავლებზე

ჩემი პირველი მოგზაურობა საფრანგეთსა და პარიზს უკავშირდება. ბედნიერი ვიყავი, რომ ულამაზესი ქალაქი ვნახე, მოვიარე ულამაზესი ადგილები, გავიცანი სასიამოვნო ადამიანები. ეს მოგზაურობა ალბათ ყოველთვის მემახსოვრება.

- ქვეყანა, რომელმაც დაუვიწყარი მოგონებები დაგიტოვათ?

- იტალია ულამაზესია. ვერ აღწერთ იმდენად შთამბეჭდავია... და რომი ჩემთვის ერთ-ერთი საუკეთესო ადგილია მთელ დედამიწაზე. დაუვიწყარ მოგონებებს უკავშირდება ჩემთვის იტალია და რომი.



- რომელი კონტინენტი გაინტერესებთ და რატომ?

- მაინტერესებს და მსურს ამერიკაში მოხვედრა. ზოგადად, ექსტრემის მოყვარული ვარ და ვფიქრობ, რომ ამერიკა არის ის კონტინენტი, რომელიც ერთდოულად შიშსაც იწვევს და
სიამოვნებასაც. მსურს მანქანით ისეთ ადგილებში ვიმოგზაურო, სადაც გარეული ცხოველების ახლოს ნახვა შემეძლება. ახლოს გავეცნო სხვადასხვა ტომის ცხოვრებას და გავიცნო ის ადამიანები, ვინც ასეთ გარემოში ცხოვრობენ. მგონია, რომ ვინც ამერიკის ამ ეგზოტიკურ მხარეებშია ნამყოფი, დაუვიწყარი შთაბეჭდილებებით ბრუნდებიან შინ.

- რომელი ქვეყანაში არ ყოფილხართ და მისი მონახულების დიდი სურვილი გაქვთ?

- ბევრ ქვეყანაში არ ვარ ნამყოფი. წავიდოდი ისევ ამერიკაში, თუმცა შეერთებულ შტატებში. ყველაზე თანამედროვე ქვეყანაა, მასშტაბური და შთამბეჭდავი.

- როგორ ემზადებით წსასვლელად?

- მიუხედავად იმისა, რომ მზადებას ერთი თვით ადრე ვიწყებ, ჩანთის ჩალაგება მაინც ბოლო დღეს მიწევს. ემოციურადაც გაცილებით ადრე ვემზადები სამოგზაუროდ, მაგრამ აბსოლუტურად ყველაფერზე ფიქრს ბოლო დღეს ვახერხებ.

- გაქვთ თუ არა აქსესუარები, რომელიც მოგზაურობისას ყოველთვის დაგაქვთ?

- არ მაქვს ერთი რომელიმე ნივთი, რომელსაც ყველგან ვატარებ.



- ზღვა თუ მთა?

- ალბათ უფრო ზღვა, მიუხედავად იმისა, რომ მთაში ყოფნა ძალიან მიყვარს, სადაც თავს მშვიდად ვგრძნობ.

- ადგილი, რომელიც ძალიან გიყვართ და ყოველთვის უბრუნდებით...

- მეორედ არც ერთი ის ადგილი არ მომინახულებია, სადაც აქამდე ვყოფილვარ. ვიცი, რომ იტალიას აუცილებლად დავუბრუნდები. უახლოეს პერიოდში ჩემს შვილთან ერთად მინდა ვეწვიო ამ ქვეყანას.

- სად იცხოვრებდით?

- ვამბობ ხოლმე, რომ ვიცხოვრებდი ამერიკაში, იმდენად ჩემია, მაგრამ სადაც უნდა ვიყო, საქართველოში მინდება დაბრუნება. ზუსტად ვიცი, რომ საქართველოა ის ქვეყანა, სადაც კარგად ვგრძნობ თავს.

- წიგნი, რომელსაც ყველგან წაიღებდით?

- ყველგან წავიღებდი სტივენ კინგის "მწვანე მილს".



- რომელი ქვეყნის სამზარეულო გიყვართ?

- ძალიან მომწონს აზიური სამზარეულო.

- მოგზაურობის თავგადასავალი თუ გაქვთ?

- ამ მხრივ რომელიმე მოგზაურობის გამოყოფა გამიჭირდება. სადაც დავდივარ, ყველა მოგზაურობას მოაქვს თავგადასავლის განცდა. მიღებული შთაბეჭდილებები და ემოციები ყოველთვის ახალია და გამორჩეული.

ქეთი დარჩია
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.