„იყავი სხვისი ხმა“ - ჯიჯი ჰადიდმა ცრემლმორეულმა ბელას სთხოვა ტირილი შეეწყვიტა

23 წლის სუპერმოდელს ჯიჯი ჰადიდს ამერიკულმა გამოცემა Variety-მ Power of Women-ის ჯილდო გადასცა.

სიტყვით გამოსვლის დროს მოდელმა ისაუბრა სოციალური მედიის ძალაზე, მექანიზმზე, რომელიც მან ბანგლადეშში მოგზაურობისას გამოიყენა, სადაც დევნილთა ბანაკებს ეწვია. ამ თემაზე საუბრისას ჯიჯის ცრემლიც კი მოადგა.



„ხანდახან სოციალურ მედიაზე ძალიან ვბრაზდები, მაგრამ როცა UNICEF-თან ერთად ჩემი მოგზაურობა აღიბეჭდა და გავრცელდა, მაშინ მისი ჭეშმარიტი ღირებულება, რომ ვიღაც ისმენს, დავინახე. იყო სხვისი ხმა, მხარი დაუჭირო ვინმეს, გაამხნევო, უთხრა, თუ რამდენად შთაგაგონებენ ისინი. უარყოფით კომენტარებს, ცუდ ენერგეტიკას, ცრუ ვარაუდებს არ უნდა
მივცეთ უფლება ხელი შეგვიშალოს ვაკეთოთ ის კარგი, რაც შეგვიძლია“ - განმარტა ჰადიდმა.
საუბრისას მან მადლობა გადაუხადა მის ცხოვრებაში არსებულ ქალებსაც, რომლებმაც გზა გაუკვალეს - დედასა და ბებიას. ასევე მოიხსენია დები: ბელა, მარიელე და ალანა ჰადიდები.



ჯიჯის განსაკუთრებით ახლო ურთიერთობა აქვს უმცროს დასთან, ბელა ჰადიდთან, რომელიც ამ ღონისძიებაზე მისი მთავარი მხარდამჭერი იყო. „მადლობა იმ სიყვარულისა და მხარდაჭერისთვის, რასაც ყოველდღიურად ვიღებ“ - და თავად ცრემლმორეულმა ბელას სთხოვა ტირილი შეეწყვიტა.

„თქვენ ხართ ნიჭიერები, შრომისმოყვარეები, კრეატიულები, კეთილები, ერთგულები, გულწრფელები, ნამდვილები და თქვენ ყველა თქვენებურად ხართ ჩემი შთაგონების წყარო“ - განაცხადა ჯიჯიმ.

ანა ვერძაძე

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.