#10კითხვა - დალი ჩიტალაძე: არაფერს არ შევცვლიდი, ერთი გამონაკლისის გარდა, ბევრ შვილს გავაჩენდი

ერთ-ერთ ყველაზე მოდურ, გემოვნებიან და დახვეწილ ქალზე საუბრისას ბევრ ჩვენგანს, სწორედ დალი ჩიტალაძე გვახსენდება, რომელსაც არამარტო მეგობრები, არამედ ისინი ვინც შორიდან იცნობენ, ძალიან ოპტიმისტ და პროგრესულ პიროვნებად ახასიათებენ.

ეს არის ქალი, რომელიც ყოველთვის მუშაობს საკუთარ თავზე. „ბომონდთან“ საუბრისას აღნიშნა: „ჩემი ცხოვრებისეული გამოცდილებიდან მივხვდი, სიყვარულზე, მეგობრობაზე და კარგ ურთიერთობებზე მეტი სიმდიდრე ნამდვილად არ არსებობს ქვეყანაზე“.

„ბომონდის“ ბლიც ინტერვიუს რუბრიკის სტუმარი, მუდამ მოდური და დახვეწილი ქალბატონი დალი ჩიტალაძეა.

სიყვარული...

- ჩემთვის სიყვარული არის ღმერთისგან ბოძებული ნიჭი, რომელიც ან გაქვს ან არა, სიყვარული
სწორედ ის გრძნობაა, რომელიც ან შეგიძლია ან არა, მეორე ვარიანტის შემთხვევაში, კი უდავოდ ძნელია ცხოვრება.

ადამიანი, რომელმაც შემცვალა...

- ვთვლი, რომ ადამიანები ერთმანეთს არ ცვლიან, ჩემს შემთხვევაში მე ვფიქრობ, როგორიც გავჩნდი, სწორედ ისეთი ვარ, შესაბამისად სრულიად ვეთანხმები იმ მოსაზრებას, რომ ადამიანები არ იცვლებიან, თუმცა მყავს გარშემო ისინი, ვინც ჩემთვის სამაგალითოა მუდამ.

ვნანობ...

- ერთადრეთი რასაც ვნანობ არის ის, რომ არ მყავს ბევრი შვილი.

ჩემთვის ბედნიერება არის...

- ბედნიერება არის როცა სიყვარულით ხარ სავსე, გიყვარს შენი ოჯახი და მეგობრები, ეს ადამიანის ისეთი მდგომარეობაა, როცა გული გაქვს სავსე პოზიტივით, ასხივებ და ანათებ, შესაბამისად შენი სულიერი მდგომარეობის მაღალი ღირებულებები სწორედ ამაზეგადის.

ნივთი, რომლის გარეშეც არ შემიძლია...

- ჩემი მეუღლის ნაჩუქარი ჯვარია, რომლის გარეშეც არსად დავდივარ, ძალიან მიყვარს და განსაკუთრებულად ძვირფასია ჩემთვის, შესაბამისად სულ მუდამ თან ვატარებ.

დროის უკან დაბრუნება რომ შემეძლოს...

- არაფერს არ შევცვლიდი, ერთი გამონაკლისის გარდა, ბევრ შვილს გავაჩენდი და ჩემი და-ძმა მინდა იყოს ცოცხალი, აუცილებლად რამეს მოვიმოქმედებდი, რომ ისინი ცოცხალი მყოლოდა.

მაღიზიანებს...

- უმადურობა.

ვერ ვპატიობ...

- ადამიანებს ვერ ვპატიობ ისევ და ისევ უმადურობას, ვინაიდან თუკი ხასიათში აქვს გამჯდარი, ის აუცილებლად გიღალატებს ყოველთვის და უმადურ ადამიანზე საშინელი კი არაფერია.

საოცნებო ადგილი...

- ჩემი საოცნებო ადგილი კოსმოსში გაფრენაა, რომელსაც მგონია, რომ სიცოცხლეში ვერ მოვიყვან სისრულეში.

ჩემი ცხოვრებისეული დევიზი...

- აკეთე სიკეთე და იყავი ოპტიმისტი.

ლიდია ამარიანი
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.