ლედი გაგამ მეთ გალას რეკორდები მოხსნა

მანჰეტენში გამართული მეთ გალას მთავარი პიროვნება ლედი გაგა აღმოჩნდა. ცნობილი პოპ მომღერალი წლევანდელი გალას საპატიო სტუმარი იყო, სწორედ ამიტომ, წითელი ხალიჩა ანა ვინტურის მერე სწორედ მან გაიარა.


ვარსკვლავი ხალიჩაზე ბრენდონ მაქსველის ვარდისფერი კაბით გამოჩნდა. მას თან ახლდა დიზაინერი და მოცეკვავეები, რომლებიც მომღერალს კაბის გადაადგილებაში ეხმარებოდნენ, მაგრამ ოსკაროსან არტისტს სიურპრიზი ჰქონდა მომზადებული. რამდენიმე წუთში, წითელ ხალიჩაზე გაგამ ვარდისფერი კაბა გაიხადა, რომლის შიგნითაც შავი, ასევე ბრენდონის შეკერილი კაბა ეცვა.



ამ ლუქს მომღერალმა აქსესუარად ქოლგა შეუხამა. ყველასთვის მოულოდნელი იყო ის, რომ შავი კაბის
შიგნით მას კიდევ ერთი, ვიწრო კაბა ეცვა, რომლითაც მან მინი პერფორმანსი დადგა და კრისტალებით გაწყობილი ტელეფონით ხელში, დატვირთული, გლამურული გოგონას როლი ითამაშა. საბოლოოდ გაგამ კაბაც გაიხადა და ბოლო როლი თითქმის შიშველმა ითამაშა.



გაგას გამოსვლას ინტერნეტში საოცარი რაოდენობის გამოხმაურება მოჰყვა. მასზე დაახლოებით 600 000 პოსტი დაიწერა მხოლოდ თვითერზე. რაც შეეხება მომღერლის 4 ლუქიან პერფორმანსს, მან რამდენიმე რეკორდი მოხსნა მეთ გალას ისტორიაში. ლედი გაგას ყველაზე დიდი დრო დაეთმო წითელ ხალიჩაზე, 15 წუთიანი გამოსვლისას წითელი ხალიჩა სხვა ვარსკვლავებისთვის ჩაკეტილი იყო. ასევე მომღერალმა ერთ ღამეში ყველაზე ბევრი, 4 სხვადასხვა ლუქი მოირგო და საკმაოდ დამსახურებულად ღამის დედოფლის ტიტულიც მიიღო.



აღსანიშნავია, რომ პერფორმანსს ანა ვინტურიც უყურებდა და როდესაც ჰკითხეს, შეძლებდა თუ არა ვინმე გაგას დაჩრდილვას, ანამ დაიყვირა „შეუძლებელია“.

ბაკა ალავიძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.