ჯენიფერ ლოურენსმა ნიშნობასთან დაკავშირებით წვეულება გამართა ნიუ-იორკში

28 წლის ოსკაროსანი და ერთ-ერთი ყველაზე მაღალანაზღაურებადი მსახიობი ქალი ფორბსის სიის მიხედვით - ჯენიფერ ლოურენსი დაინიშნა 34 წლის კუკა მარონიზე, რომელიც ნიუ-იორკის არტ-გალერიის დირექტორია.
მსახიობმა გადაწყვიტა ნიშნობასთან დაკავშირებით დახურული წვეულების გამართვა ნიუ-იორკში, სადაც პაპარაცებმა დააფიქსირეს საქმროსთან ერთად. ჯენიფერმა არჩევანი შეაჩერა L. Wells-ისპასტელურ ყავისფერ კაბაზე, ღრმა დეკოლტეთი. რომანტიკულ ჩაცმულობის სტილს ავსებდა Casadei-ის ფეხსაცმელი, Roger Vivier-ის ჩანთა და Fred Leighton-ის სამკაულები, ხოლო მის ლუქს ასრულებდა მსუბუქად შეკრული თმა და მაკიაჟი ნუდის სტილში.



ლოურენსის რჩეული მამაკაცი კლასიკურ მუქ-ლურჯ კოსტიუმსა და თეთრ პერანგში გამოწყობილი
გამოჩნდა, რომელსაც ზამშის ლოფერები ასრულებდა.
მსახიობის ვიზაჟისტი ფულვია ფავოლიმ ინსტაგრამ გვერდზე გამოაქვეყნა წვეულებაზე ბედნიერი სახით მიმავალი ჯენიფერი, რომელიც ყვავილებით მორთულ ბაღში მიაბიჯებს.

„როგორი ბედნიერებაა, ასეთი ჯადოსნური მომენტის მონაწილე რომ ხარ, აი ისიც! ჩვენ ძალიან ბედნიერები ვართ ჯენიფერის გამო, ის მალე „მისის მარონის“ სტატუსს მოირგებს. მშვენიერი საღამო იყო!“-წერს ვიზაჟისტი თავის გვერდზე.

ნიშნობამდე რამდენიმე ხნით ადრე, ჯენიფერის თითზე პაპარაცებმა ნიშნობის ბეჭედი შენიშნეს, წყვილი ერთმანეთს ხვდებოდა გასული წლის ზაფხულიდან, თუმცა პაპარაცებმა მალე ახადეს ფარდა მათ ფარულ ურთიერთობას, რომლის გასაჯაროვებასაც არ ცდილობდა არცერთი მხარე, როგორც აღმოჩნდა მარონი ბიორკის ახლო მეგობარი და ნიუ-იორკის არტ გალერისტია.


ლიდია ამარიანი
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.