რა ვიცით მაიმუნა ნდიაიზე - კანის კინოფესტივლის ჟიურის წევრი და ყველაზე მოდური გარდერობის მფლობელი

წელს, კანი 72-ე კინოფესტივლის ჟიურის წევრებს შორის, ალეხანდრო გონსალეს ინიარიტუს, ელ ფენინგისა და კინოს სამყაროს სხვა წარმომადგენლების გარდა მოხვდა სენეგალელი მსახიობი მაიმუნა ნდიაიე.

ყველა წითელ ხალიჩაზე, საღამოს წვეულებებსა და ფოტო გადაღებეზე ფერადი კაბებისა და ვარცხნილობის წყალობით, გოგონა საყოველთაო ყურადღებას იქცევდა. მის გარდერობში შედის - გრძელი ფირუზისფერი კაბა, ეფექტური ოქროსფერი კოსტიუმები და ალისფერი ნაკრები. ეთნიკური მოტივები ტრადიციულ სახეს ჰმატებს - ნიჟარბიანი ბეჭდები, საყურეები, სამაჯურები. მაიმუნა მსგავსი წვრილმანების დიდი თაყვანისმცემელია. კინოში მუშაობის გარდა, გოგონა სამკაულების დამზადებითაა გატაცებული.

ჩვენს ქვეყანაში მას თითქმის არ
იცნობენ, მაგრამ მსახიობი ძალიან პოპულარულია საფრანგეთსა და აფრიკის ქვეყნებში. ის პარიზში დაიბადა, მამა სენეგალელი ჰყავს, დედა კი ნიგერიელი - საკუთარ ეფექტურ გარეგნობას მაიმუნა სწორედ მათ უნდა უმადლოდეს. სამსახიობო ოსტატობას ის სორბონში დაეუფლა.

იმუშავა ისეთ ცნობილ ფრანგ რეჟისორთან, როგორიცაა ჟან რუშე და სცენარისტ მიშელ ოსელოსთან. საფრანგეთში მრავალწლიანი მოღვაწეობის შემდეგ , მსახიობმა ბურკინა-ფასოში გადასახლება მოისურვა, რათა კინემატოგრაფია აფრიკის კონტინენტზეც განევითარებინა.

დღესდღეობით მაიმუმა კანის კინოფესტივლის ჟიურის წევრი და ფრანგული რივიერის მთავარი მოდური ქალია.


ანა ვერძაძე
like
0