ჩემი „ბიუთი“ ტრენდი - ირინა ონაშვილი ჯანმრთელობაზე, დიეტასა და სილამაზეზე

სილამაზე მისი თანდაყოლილი მოცემულობაა, სილამაზეზე ზრუნვა კი მისი ყოველდღიურობის ნაწილი.

ირინა ონაშვილი სილამაზის სალონის მფლობელია და ბევრ საინტერესო ინფორმაციას მოგვაწვდის ამ მიმართულებაზე, თავის მოვლის საშუალებებსა და ბიუთი ტრენდებზე, რომელიც მისთვის იდეალურია.

სილამაზე - საქმე

- რამდენიმე წელია, რაც სილამაზის სალონი გავხსენი და ამ მიმართულებას ძალიან კარგად ვიცნობ. საკმაოდ რთული სფეროა და გარკვეულ წინააღმდეგობებს წავაწყდი კიდეც. დიდი ბიზნესგეგმები არ მქონია. ერთადერთი რისი სურვილიც მამოძრავებდა, ეს განსხვავებული, საერთაშორისო სტანდარტის მქონე სალონის შექმნის იდეა იყო. ზოდიაქოს ნიშნით ქალწული ვარ. შესაბა
მისად ხელს რასაც მოვკიდებ, მის სიღრმისელად შესწავლას ვიწყებ. რადგან ეს პასუხისმგებლობა ავიღე საკუთარ თავზე, შევძელი კიდეც ჩემთვის სრულიად უცნობი, თუმცა საყვარელი საქმის ბოლომდე მიყვანა. განსაკუთრებული ყურდაღება დავუთმე უსაფრთხოების ზომებს. რადგან ამ სფეროში სხვადასხვა გადამდები დაავადების გავრცელების რისკია. არ მინდოდა ინსტრუმენტების სტერილიზაციის მოძველებული მეთოდები გამომეყენებინა. განსაკუთრებული ხერხებისთვის არ მიმიმართავს. შევი9ძინეთ სტერილიზაციის თანამედროვე აპარატები. ამდენად, როცა სილამაზის სალონებს მიმართავთ აუცილებლად უნდა იცოდეთ თუ რა უსაფრთხოების ზომებს მიმართავენ და რამდენად დაზღვეული იქნება თქვენი ჯანმრთელობა. შემდეგ უკვე კვალიფიციური სპეციალისტების მოზიდვა ვცადე. ესეც მნიშვნელოვანი ასპექტია, რომ სალონში თავის საქმის პროფესიონალები მუშაობდნენ. დიდი ძალისხმევისა და კარდაკარ მათი ძოების შედეგად კარგი გუნდი შევკრიბე. რაც საკმაოდ რთული პროცესი აღმოჩნდა.

მნიშვნელოვანია...

- პოზიტიური გარემო. თავადაც ხომ მომხმარებელი ვარ. ხშირად წავწყდომივარ სალონში თანამშრომლებს შორის დაძაბულ ურთიერთობას. სალონში ყოველი თანამშრომელი სილამაზის გარდა მომხმარებლის პოზიტიურ განწყობაზე უნდა იყოს ორიენტირებული. რომ სილამაზის სალონში სტუმრობა მხოლოდ დადებით ასოცოაცოებს დაუკავშირდეს. ალბათ ძალიან გამომართლა რომ ჩემს სალონში პერსონალიც და მომხმარებლებიც ძალიან კარგ გარემოს ქმნიან.



თმის მოვლა

- თმის მოვლის არაჩვეულებრივი მეთოდები გვაქვს დანერგილი. სალონში ყველა მიმართულებაზე უმაღლესი ხარისხის მასალას ვიყენებთ. მასალაზე არასდროს ვზოგავ ფინანსებს. როგორც კი ეკონომიურ რეჟიმში გადახვალ და ხარჯების შემცირებას დაიწყებ, უმალვე მომსხაურების ხარისხი დაიწევს. ამდენად ხარისხიანი საშუალებები მნიშვნელოვანია. შეუძლება უცნაურად გეჩვენოთ, მაგრამ სალონის გახსნამდე ბევრად უფრო მეტ დროს ვუთმობდი საკუთარ გარეგნობაზე ზრუნვას. მათ შორის თმის მოვლასაც. ბუნებრივად ხვეული თმა მაქვს. ამდენად, ისეთ ვარცხნილობას ვატარებ, რომ უცებ გამიშრალით გარეთ გასვლა შევძლო. ყოველდღიურად ასე ვატარებ თმას. განსაკუთრებული შემთხვევებისთვის კი ვარცხნილობას ვიკეთებ. თავად თმა დამწვარი არ მაქვს. თუმცა სალონში დავნერგეთ ამღდგენი პროცედურები. ამ მხრივ, სხვისი დაშვებული შეცდომები ხშირად გამოგვისწორებია. ასეთ დროს არაჩვეულებრივი შედეგი აქვს კერატინის და ბოტოქსის პროცედურებს. რომელიც ეფექტურად აღადგენს თმის სტრუქტურას.



ფრჩხილების მოვლა

- ფრჩხილების მოვლა სალონში განსაკუთრებული რიტუალია, რომელიც ძალიან მიყვარს. პედიკიურის გაკეთების შემდეგ განახლების არაჩვეულებრივი გრძნობა მეუფლება. ექსპერიმენტებს არასდროს მივმართავ. არც ლაქის ფერებთან მიმართებაში. რამდენჯერმე ცვადე ცოტა თამამი ტონალობების ტარება, მაგრამ მივხვდი რომ ჩემი არაა. ვატარებ ან მუქ ალუბლისფერ ტონებს, ან ღია, რძისფერ ტონალობებს. სხვაზე მომწონს მაგრამ ჩემზე არა გრძელი ფრჩხილები.

ესთეტიკური მედიცინა

- რაც ინექციური საშუალებები შემოვიდა, მათ მივმართავ. ვხუმრობ კიდეც, რომ იდეალური საშუალებაა ჩემნაირი ზარმაცებისთვის. სახის კანის მოვლას ასე რუტინულად ყოველდღიურად ვერ ვახერხებ. ამიტომ, არაჩვბეულებრივი გამოსავალია ბიორევიტალიზაციის ინექციები. რომესაც წელიწადში სამჯერ მივმართავ. ეს საშუალება ღრმად ატენიანებს სახის კანს. იმდენად რომ საცხის გამოყენებაც რომ ვერ შეძლოთ, კანი მაინც დატენიანებული და მოვლილი იქნება. თავად ზომიერების მომხრე ვარ და იგივეს ვითხოვ თანამშრომლებისგან. ინექციური მეთოდების სწორ გამოყენებას, რაც უნდა გადაჭარბებული რაოდენობა ითხოვოს მომხმარებელმა.მაგალითად, ტუჩის მოცულობის შეცვლა, რომელსაც ჩვენი ექიმი სიფრთხილით ეკიდება.



სხეულის მოვლა

- ვარჯიშის დაწყებას ყოველდღიურად ვგეგმავ და ისევდაისევ სამუშაო გრაფიკის გამო, ვერ ვახერხებ. ვთვლი, რომ სხეულის სიჯანსაღისთვის ვარჯიში აუცილებელია. განსაკუთრებით მშობიარობის შემდეგ, როცა კუნთებს სტიმულირება სჭირდება. სხეულის სიმკვრივისთვის და ტონუსისთვის ვარჯიში უალტერნატივოა. თუმცა ალტერნატიული საშუალებებიც არსებობს. სპორტდარბაზში სიარულს რომ ვერ ვახერხებ, მივმართავ.ე.წ. ელპიჯი მსასჟს. ეს საშუალება არაჩვეულებრივია ცელულიტთან და ზედმეტ ცხიმებთან ბრძოლაში და კარგი შედეგი აქვს. რამდენიმე დღეა რაც ეს პროცედურები დავიწყე და კმაყოფილი ვარ. შედეგი მყისიერად ჩანს. ზედმეტი ცხიმის დაშლასთან ერთად კანს ამკვრივებს. სიასიხარულოა, რომ საქმიანი ადამიანებისთვის ასეთი საშუალება არსებობს, მოკლე დროში ძალიან კარგი შედეგით.

ჯანმრთელობა

- ვერ გეტყვით რომ ჩემს ჯანმრთელობას განსაკუთრებული ზრუნვა სჭირდება. არ გახლავართ იმ ასაკში რომ ვაკონტროლო. ამ მხრივ გათამამებული ადამიანი ვარ. ძალიან იშვიათად რამემ შემ,აწუხოს. რაღაც ეტაპზე ალბათ დამჭირდება ჯანმრთელობის მიხედვა და ზრუნვას დავიწყებ. კვების რაციონიდან გარკვეული პროდუქტების ამოღებით.


დიეტა

- როცა დაძაბული სამუშაო გრაფიკი გაქვს, რთულია კვების სწორი რეჟიმის დაცვა. თავად დღის განმავლობაში ისეთი ადგილის შერჩევას ვცდილობ, სადაც ჯანსაღ პროდუქტს და ახლადმომზადებულ კერძებს შემომთავაზებენ. თუმცა, ყოველთვის არ გამომდის. ბოლო რამოდენიმე დღეა ძალიან მარტივი საკვებით ვიკვებები. ძირითადად კეფირს და ე.წ. „ხლებცის“ მივირთმევ. რამდენიმე კილოგრამი მოვიმატე და ძველ ფორმას მინდა დავუბრუნდე. ზოგადად, გურმანი ვარ. მიყვარს გემრიელი ჭამა, განსაკუთრებით ხორცეული. ამიტომ, ძალიან რთულია წონის გაკოინტროლება. რადიკალური დიეტები არასდროს მქონია. იმასაც აზრი ეკარგება, როცა სამდღიანი დიატის მერე ძველი პორციებით იწყებ ჭამას. ზომიერების დაცვა აქაც აუცილებელია. იდეალურია დღის განმავლობაში გემრიელი მირთმევა და 6 საათის მერე საკვებზე უარის თქმა, რაც არ გამომდის.

ჩემი ბიუთი ტრენდი

- რადიკალური ექსპერიმენტით ვერ გაგაკვირვებთ, რადგან არ მივმართავ. ცხოვრებაში მხოლოდ ერთხელ ძალიან მოკლე ვარცხნილობა გავიკეთე. ჩემგან დიდი მსხვერპლი იყო, ამასთან მაღალი ვარ და სარისკო ნაბიჯიც გახლდათ. შეიძლებოდა არ მომხდომოდა. რაღაც ეტაპზე, ერთხელ მაინც, საინტერესოა ასეთი ექსპერიმენტი. იგივე შეგრძნება მაქვს გრძელ თმაზე. მგონია, რომ ვერასდროს დავუბრუნდები. ამიტომ ახლა ვატარებ ოდნავ მოზრდილ კარეს. მოკლე კარეც მომწონს, მაგრამ ხვეულ თმაზე ვერ მოვუვლი. ისეთი ვარცხნილობა მაქვს, რომ ჩემი ხვეული თმა ბუნებრივად ვატარო და ყოველდღიუირად დავარცხნა არ დამჭირდეს. მაკიაჟს თავად ვიკეთებ და კარგად გამომდის. სპეციალისტს მხოლოდ განსაკუთრებულ შემთხვევებში მივმართავ. მაგალითად, როცა ტელევიზიით ვარ გამოსასვლელი, ან საღამო მიმყავს. აქაც ბუნებრივობის მომხრე ვარ. ბუნებრივ ტონალობებს ვირჩევ. თუ წვეულებაზე მივდივარ, შედარებით მუქ ტონებს ვანიჭებ უპირატესობას. დღისით თუ შეხვედრა არ მაქვს დანიშნული, ყოველდღიურად არ ვიკეთებ მაკიაჟს. შემიძლია დაბანილი სახით გავიდე გარეთ, - უმაკიაჟოდ. ეს გახლავთ ჩემი იდეალური ბიუთი ტრენდი.


ქეთი დარჩია
like
0

კომენტარები

tabagua xatuna
kargi gogoa ,kargia tu mogvawvdis tmis movlis wesebs da saxis
2019-06-12 09:53
qeti
romelia misi saloni ? da sad mdebareobs ?
2019-06-07 12:22

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.