10 კითხვა ქართველ შოპაჰოლიკს | გიორგი გოგოხია

17 წლის იყო, როდესაც პირველად მოსინჯა საკუთარი ძალები სამოდელო ბიზნესში და შეიძლება ითქვას, საკმაოდ წარმატებული სტარტიც აიღო "ic model management"-ის სააგენტოში.

უახლოეს მომავალში გეგმავს სამსახიობო პროფესიის დაუფლებას, ამიტომ უარის თქმა მოუწია ჩინეთის და ესპანეთის სამოდელო საგენტოებთან თანამშრომლობაზე.

„ბომონდის“ რუბრიკის "ბლიცინტერვიუს" სტუმარია წარმატებული ქართველი მოდელი გიორგი გოგოხია. 



მოტივაციას მაძლევს...

ბევრი რამ მაძლევს მოტივაციას: საყვარელი ადამიანების თანადგომა, ან თუნდაც სრულიად უცხო ადამიანის ჩემი მისამართით სოციალურ ქსელში პოზიტიური გამოხმაურება.

ვარ საკმაოდ...

კრიტიკული ჩემი თავის მიმართ. უმეტეს შემთხვევაში უკმაყოფილოვარ საკუთარი თავით, მაგრამ ეს არ
მზღუდავს, პირიქით სტიმულსაც მმატებს ხშირად.

მინდა ვიყო...

ძალიან მომწონს კვენტინ ტარანტინოს შემოქმედება, შესაბამისად მისი რეჟისორობით სიამოვნებით მოვირგებდი მის ფილმში ერთ-ერთი პერსონაჟის როლს.


ნივთი რომლის გარეშეც არ შემიძლია...

"მილენიალების პრობლემა" - სამწუხაროდ სმარტფონზე მიჯაჭვულივარ, ფაქტობრივად შეიძლება ითქვას ერთი დღეც კი წარმოუდგენელია გავძლო ტელეფონის გარეშე.

მიყვარს…

მოგზაურობა და ახალი თავგადასავალები,უცხო ქალაქების ქუჩებში სეირნობა და ხალხის გაცნობა. მიყვარს სხვადასხვა კულტურის აღმოჩენა და კერძების დაგემოვნება. ყველა ქვეყანა მიტოვებს ახალ ემოციებს და მოგონებებს, ეს ყველაფერი კი პიროვნულ განვითარებაში ძალიან მიწყობს ხელს.



ჩემი ცხოვრების მიზანია...

ვიყო წარმატებული ჩემს კარიერაში.

ჩემი სამი უარყოფითი თვისება...

ეგოისტი, მოუთმენელი, შოპაჰოლიკი. არის შემთხვევები, როდესაც ვყიდულობ ტანსაცმელს, რაზეც წინასწარ ვიცი რომ არასდროს ჩავიცვამ.




რომ არა მოდელი...

ვიქნებოდი მსახიობი. ბავშვობიდან ჩემი მიზანი მსახიობობა იყო და უახლოეს მომავალში ამ სფეროში განვითარებას ვგეგმავ საზღვარგარეთ.

სიყვარული თუ კარიერა...

ვფიქრობ ერთი მეორეს ხელს არ უშლის.არასდროს მეყოლება ისეთი პარტნიორი, რომელიც ამ გადაწყვეტილების წინაშე დამაყენებს.

ჩემი ცხოვრების იდეალი...

ჩემი მშობლები. ისინი ჩემთვის ყველაზე სამაგალითო პიროვნებები არიან.

  • წინა
like
2

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.