“ვეტმანი შევქმენი იმის გამო, რომ მოდა მომბეზრდა” - დემნა გვასალია ვეტმანს ტოვებს

ქართველმა დიზაინერმა დემნა გვასალიამ ვეტმანი 5 წლის წინ შექმნა.

ამ ბრენდის გაგონებისას თითოეული ადამიანის გონებაში განსხვავებული, კრეატიული და იდეურად საკმაოდ დატვირთული სამოსი მოდის. დემნა გვასალიას უსაზღვრო ნიჭი და ულევი ინსპირაცია გახდა ვეტმანის წარმატების მთავარი ფუნდამენტი. სწორედ ბრენდის ასეთმა აღიარებამ განსაზრვრა დემნას კრეატიულ დირექტორად დანიშვნა ბალენსიაგას მოდის სახლში, სადაც მოღვაწეობას ისევ აგრძელებს და პარიზის მოდის კვირეულის დასკვნით დღეს 29 სექტემბერს 2020 წლის გაზაფხული/ზაფხულის კოლექციას წარადგენს.

„ვეტმანი შევქმენი იმის გამო, რომ მოდა მომბეზრდა. მოდა შეიცვალა ერთხელ და სამუდამოდ მას შემდეგ რაც ვეტმანი
გამოჩნდა და კარი გაუხსნა სხვა ძალიან ბევრ დიზაინერს. ვგრძნობ, რომ ამ ბრენდში ჩემი მისია კონცეპტუალური და ინოვაციური დიზაინით შევასრულე. ვეტმანი ჩამოყალიბდა ისეთ კომპანიად, რომელსაც შეუძლია განავითაროს და გარდაქმნას მისი კრეატიული მემკვიდრეობა ახალ ძალიან მნიშვნელოვან დასაწყისად.“
. - დემნა გვასალია.

2015 წლის პარიზის მოდის კვირეულიდან მოყოლებული ვეტმანის ჩვენებები ყველასგან გასხვავებულ არაორდინალურ გარემოსა და ატმოსფეროში ტარდებებოდა , 2016 წელს გაზაფხული/ზაფხულის კოლექცია ჩინურ რესტორანში წარადგინეს, ხოლო 2020 წლის გაზაფხულის კოლექცის ჩვენება მაკდონალდსში გაიმართა გასულ ზაფხულს.

მოდელები გამოირჩეოდნენ არასტანდარტული უცხო გარეგნობით, სწორედ ამიტომ ჩვენება არ გავდა არც ერთ სხვა დანარჩენს და ყოველთვის საკმაოდ დიდ აჟიოტაჟს იწვევდა. სულ მალე მისი ჰუდები ისეთმა ცნობილმა ადამიანებმა მოირგეს როგორებიც არიან: ქანიე ვესტი და ჯერედ ლეტო, რის შემდეგაც ბრენდის ტანისსამოსის ფასმა $800-ს მიაღწია. ამ 5 წლის განმავლობაში ვეტმანის ციებცხელებამ მოიცვა სელებრითების უმეტესობა, ბლოგერები და ინფლუენსერები.

2018 წლის 1 ივლისს დემნა გვასალიამ 2019 წლის გაზაფხული/ ზაფხულის კოლექცია მთლიანად საქართველოს მიუძღვნა. ჩვენებაზე გამოტანილი იყო არაერთი მწვავე საკითხი, სოხუმის დაკარგვა, 90-იანების საქართველო და ღამის კლუბებში რეიდების ჩატარება 2018 წლის მაისში.

ქურთუკი საქართველოს დროშით, სამოსზე გაკეთებული წარწერები ქართული ალფაბეტით მალევე გახდა წლის ტრენდი.

2019 წლის პირველ ნახევარში ვეტმანი რეიტინგით მეცხრე ბრენდი გახდა ყველაზე აქტუალურ ბრენდებს შორის. მიუხედავად იმისა, რომ ჩვენების ბოლოს არასდროს გამოდიოდა სტუმრებისათვის მისასალმებად და მადლობის გადასახდელად დემნა გვასალია ვეტმანის მთვარი საყრდენია.

„ახლა ვეტმანისთვის ახალი ერა იწყება, ერა გაზრდისა და მასობრივი გაფართოებისთვის. ახალი პროქტები და კოლაბორაციები ახლო მომავალში გახდება ცნობილი“.

მიუხედავად იმისა რომ სიახლემ ძალიან სწრაფად მოიცვა ინტერნეტსივრცე გურამ გვასალია დასმულ შეკითხვებს ციურიხში ასე პასუხობს.

დემნა გვასალიამ ბრენდი 2014 წელს ციურიხში დაარსა, რომელმაც საერთაშორისო ასპარეზზე საკმაოდ ფართო გზა გაუხსნა.


დეა კოლოტაური
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.