ლიკუნა ხაჭაპურიძე: საქართველოს სამგზის ჩემპიონი ვარ "კუნფუში"

ლიკუნა ხაჭაპურიძე - ლამაზი, განსხვავებული და გამორჩეული მოდელი. მოდურ ექსპერიმენტებს არ ერიდება, რაზეც მისი ვარცხნილობისა და ჩაცმის სტილიც მოწმობს.

სილამაზეზე, სპორტი, კანის მოვლა

ლიკუნა თავად გვიამბობს, რაში მდგომარეობს მისი სილამაზის საიდუმლო.

PHOTO - SHOTIE BLACKMORE

- როგორ იწყება შენი დილა?

- დილას ვიწყებ შხაპით, სახეს ფორეო-ს სახის გამწმენდი აპარატით ვიწმენდ. პირველ რიგში ვიყენებ დამატენიანებელს,რათა კანმა მთელი დღის განმავლობაში ჯანმრთელი იერი შეინარჩუნოს.

- ყოველდღიურად მაკიაჟს თუ იკეთებ?

- დღისით მაკიაჟს არ ვიკეთებ, მხოლოდ იმ შემთხვევაში თუ სადმე მივდივარ.

- სულ რამდენიმე წუთი
რომ გქონდეს მაკიაჟისთვის, რას გაიკეთებდი?

- პომადას წავისვამდი. ტუშს არ ვხმარობ, რადგან წამწამებს ვიგრძელებ.

- საყვარელი პომადის ფერი?

- საყვარელი პომადის ფერიც მაქვს და ბრენდიც. ვისვამ MAC-ის წითელ პომადას, ძალიან მომწონს და სხვას არც ვეკარები.

- კანს როგორ უვლი?

- აქტიურად ვიყენებ კანის დამატენიანებლებს, იგივე TOPICREM-ს, NUXE-ს, AVENE-ს. სულ ერთი და იგივე პროდუქცია მაქვს. ექსპერიმენტებს არ ვატარებ. ძალზე მშრალი კანი მაქვს და დღეში ორ-სამჯერ ვიტენიანებ. ასევე მომწონს ტანის შიმერები, ზეთები. რუჯს უხდება.

PHOTO - SHOTIE BLACKMORE

- სოლარიუმში დადიხარ?

- ხშირად. სულ რუჯი მაქვს, დამცავებსაც არ ვიყენებ, ამიტომაც მიშრება კანი. ამ ბოლო დროს გადავწყვიტე, კანის დაფერვას მივმართო. ვნახოთ, როგორ გაამართლებს.

- პლასტიკური ჩარევებისთვის მიგიმართავს?

- არა, არ მიმიმართავს. ერთადერთი ტუჩის ფილერს ვიკეთებ წელიწადში ერთხელ ან ორჯერ, ისიც მცირე რაოდენობთ. ასევე ტუჩზე მცირე კორექცია მაქვს გაკეთებული...

- ახლა, რაც შეეხება შენს თმას…

- ყველამ იცის, რომ თმას არტურ ავაკოვთან ვიჭრი, თვალდახუჭული ვანდობ მას თავს. ყველა ფერის თმა მქონია და ყველანაირ ვარცხნილობა, რაც კი არსებობს. როცა ქერა ვარ, შავი მინდა ვიყო. როცა მწვანე ვარ, ლურჯი, ცოტა დავიღალე. ამ ბოლო დროს კი თმის გაზრდა გადავწყვიტე.

- როგორ უვლი თმას?

- დამწვარი მაქვს, მაგრამ რაც მე თმას ვიღებავ, იმასთან შედარებით ბევრად უარესად უნდა მქონდეს. სალონურ ბალზამებს, შამპუნებს, თმის მოვლის საშუალებებს აქტიურად ვიყენებ.

PHOTO - SHOTIE BLACKMORE

- იყო პერიოდი, როდესაც ჩვეულებრივი გრძელთმიანი გოგო იყავი?

- დიახ, იყო ასეთი პერიოდი, თუმცა მაშინაც სულ ვიღებავდი თმას. პირველი ექსპერიმენტი არტურის ინიციატივა იყო. დამაჯერა, ყველაფერი გიხდება, ლამაზი ხარ, კარგი ხარო და მეც ვირწმუნე. მანამდე არ მჯეროდა თუ ლამაზი ვიყავი. ადრეც ვგიჟდებოდი თავის მოვლაზე, სალონში ჯდომაზე ჭკუა მეკეტებოდა.

- როგორც ვიცი, სპორტით აქტიურად იყავი დაკავებული...

- კი, საქართველოს სამგზის ჩემპიონი ვარ "კუნფუში", ამას რომ ვამბობ, ყველას ეცინება, მაგრამ ასეა. მერე აღარ გავაგრძელე, ზედმეტად არაქალური იყო ჩემთვის. არის დღეები, როდესაც ძალიან ქალური ვარ, ზოგჯერ კი - ბიჭური. ამის მიხედვით ვიცვამ კიდეც. თავის მოვლა პირველ რიგში ჯანმრთელობით უნდა დავიწყოთ, დავლიოთ ბევრი წყალი, ვივარჯიშოთ და ასე შემდეგ. ვცდილობ, არ დავარღვიო, რამდენად გამომდის არ ვიცი. სწორი კვება ყველაფრის მკურნალია. ამ ბოლო დროს წონის პრობლემა დამეწყო და ექვსი საათის მერე აღარ ვჭამ, თანაც ვვარჯიშობ, ოღონდ არა რეგულარულად.

- კომპლექსები თუ გაქვს შენს გარეგნობასთნ დაკავშირებით და თუ გიფიქრია რამის შეცვლა?

-კი, ბევრი კომპლექსი მაქვს და რაღაცებს შევცვლიდი, პირველ რიგში წონას. სხვა რამეზე არ მინდა, ყურადღება გავამახვილო.

PHOTO - SHOTIE BLACKMORE

- ტატუებიც გიყვარს...

- უამარავი ტატუ მაქვს და ვფიქრობ, 10-15 წლის მერე რომ არ მომეწონოს, რა ვქნა? ზოგჯერ მბეზრდება, მაგრამ როგორც კი ახალ ტატუს ვიკეთებ, მაშინვე ისევ მიყვარდება ყველა. ყველა ტატუ სიმბოლურია ჩემთვის. პირველი ტატუ რომ გავიკეთე, 16 წლის ვიყავი და ეს იყო თავისუფლების სიმბოლო.

- რა არის შენთვის ქალის გარეგნობაში მნიშვნელოვანი?

- ყველა ქალს აქვს რაღაც ლამაზი, მთავარია ვიცოდეთ, როგორ წარმოვაჩინოთ ეს სილამაზე. ჩემთვის ყველაზე მნიშვნელოვანი მაინც თვალები და შინაგანი მდგომარეობაა. ბედნიერი ქალი სულ ლამაზია. ვბრწყინავთ ბედნიერი ქალები.


ხათუნა კორთხონჯია
like
0

კომენტარები

o
o
2019-10-31 13:46
a
a
2019-10-31 13:45
hajime
როგორ არ სრცხვენია
2019-10-31 13:41
Harumafuji
usircxvilo, qarTvel qals eg ar SeSvenis.
2019-10-25 10:40

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.