ჩაიცვი ყველაზე ტრენდულად - ვიქტორია ბექჰემის სტილის საიდუმლო

ბექჰემების ოჯახის გავლენა მოდის სამყაროში ძალიან ძლიერია-დევიდისა და ვიქტორიას ქუჩის სტილი მილიონობით ადამიანის ყურადღებას იქცევს და ძალიან ბევრი ქალბატონი ცდილობს, პოპულალური დიზაინერის ჩაცმულობა საკუთარ გარდერობში გადმოიტანოს.

სწორედ ამიტომ, ჩვენ ვიქტორიას სტილის ექვს დეტალს გაგიზიარებთ.

1. აკეცილი ჯინსები

დავიწყოთ ყველაზე მარტივით. ვიქტორიას ყოველდღიური ლუქი ხშირად ჯინსის ფართო შარვლისგან შედგება. კლასიკური ცისფერით დაწყებული, შავი ჯინსით დამთავრებული, ბრიტანელი დიზაინერი ფართო ტოტებიან შარვლებს ყოველთვის უკეცავს ბოლოებს. სადა მაისურისა და მაღალქუსლიანი ფეხსაცმელის დახმარებით, ძალიან მარტივად შეგიძლიათ დახვეწილი, „ბეკჰემური“ ლუქის შემნა.


2. კომბინიზონი და მაღალქუსლიანი ფეხსაცმელი

ცნობილი ბიზნესვუმენი პაპარაცების ობიექტში ძალიან ხშირად კომბინიზონში გამოწყობილი ხვდება, რომელიც იდეალურია ნებისმიერი ხასიათის შეხვედრისთვის. ვიქტორიას კომბინიზონის გლამურულად მორგებაში მაღალქუსლიანი ფეხსაცმელი და სწორად შერჩეული ხელჩანთა ეხმარება. არ დაგავიწყდეთ ქამარიც, რადგან აუცილებელია წელის გამოკვეთა.


3. ასიმეტრიული კაბები

მოდის სამყაროს უყვარს ასიმეტრიული კაბები და ამას კარგი მიზეზიც აქვს- მარტივად მოსარგები და სხვებისგან განსხვავებული. ეს სტილი შეგიძლიათ მოირგოთ როგორც წვეულებებზე, ასევე ოფიციალურ შეხვედრებზეც. ლუქის შესაქმნელად მხოლოდ სწორად შერჩეული კაბა და აქსესუარები დაგჭირდებათ.


4. გრძელი პალტო და როლინგი

ვიქტორიას სტილის ეს ნაწილი ნოემბერში განსაკუთრებით გამოგადგებათ. საკმაოდ სადა, მაგრამ დახვეწილი ლუქით დრამატული ელემენტების შეტანა შეგიძლიათ თქვენს გარდერობში. ბეკჰემი ამ სტილს ძირითადად მუქ ფერებში არჩევს, რაც მაღალ, გამოკვეთილ სილუეტს ქმნის. მაღალქუსლიან ფეხსაცმელს აუცილებლად შეუხამეთ ფართო ტოტებიანი შარვალი და მუქი ტონის სათვალეები.


5. ქვედაბოლო პრინტებით

ბიზნესვუმენს ხშირად უწევს საქმიან შეხვედრებზე სიარული, ამიტომ ვიქტორიას გარდერობში ქვედაბოლოების დიდ კოლექციას ნახავთ. მისი მთავარი საიდუმლო პრინტებია- ერთ ფერში გადაწყვეტილ ზედასა და ფეხსაცმელს იგი ფერად, ცხოველების პრინტებით გაწყობილ ქვედაბოლოებს უხამებს და შედეგად მდიდრულ, გამორჩეულ ლუქს იღებს. რა თქმა უნდა, ყოველთვის თან აქვს დიდი ზომის სათვალეები და ხელჩანთა.


6. შარვალ-კოსტიუმი

მასკულინური, ძლიერი ხასიათის სამოსი ბეკჰემისთვის უცხო არ არის, ამიტომ პაპარაცები მას ხშირად ხედავენ შარვალ-კოსტუმში გამოწყობილს. მთავარი დეტალი აქ ფერებია- სწორად შერჩეული ფერი საუკეთესო ლუქის გარანტია და ამ აზრს ვიქტორიაც ეთანხმება. მისი ქუჩის სტილი მოიცავს წითელი, ჭაობისფერი და ღია იასამნისფერი ტონების ლუქებს. აქვე დავამატებ, რომ ოფიციალურ ლუქის მორგებისას იგი კლასიკურ წესებს მიჰყვება და ძირითადად თეთრ პერანგზე აკეთებს არჩევანს.
like
0

კომენტარები

თამარი
რა უბედურებაა შარვალ-კოსტუმი. სიტყვაკოსტუმი შარვალსაც გულისხმობს. სირცხვილია.........
2019-11-22 13:44

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.