"თუკი გოგოს არაფრის ნიჭი არ აქვს, უმჯობესია გათხოვდეს და შვილები გააჩინოს" კარლ ლაგერფელდი მოდაზე, სტილსა და ქალზე

კარლ ლაგერფელდმა მოდის ინდუსტრია თავდაყირა დააყენა, ყველას დაამახსოვრა თავი საკუთარი ეპატაჟური დეფილეებით და მოდის ინდუსტრიაში დამსახურებული ღვაწლით. ის ცნობილია არამარტო მოდის სამყაროს სრულყოფაში არამედ ბევრი სკანდალური განცხადებების გაკეთებაშიც. ჩვენ კი მაესტროს ყველაზე თამამ გამონათქვამებს მოვუყარეთ თავი.

"ერთადერთი სიყვარულის სახეობა, რომლისაც ნამდვილად მწამს - ეს არის დედის სიყვარული შვილებისადმი."

"არომატები რთული ასახსნელია და სწორი არც არის მათი ახსნა. სუნამოს შემადგენლობა - ეს არის განსაკუთრებული განწყობა და ატმოსფერო და არა კომპონენტების ერთობლიობა."



"5 რამ რაც ყველას უნდა ჰქონდეს გარდერობში: თავისუფალი მაისური, თეთრი
პერანგი, მოსაცმელი, რომელიც იდეალურად ზის, დენიმები და ქვედაბოლო რომელიც სილუეტს მომგებიანად წარმოაჩენს."


"თუკი გოგოს არაფრის ნიჭი არ აქვს, უმჯობესია გათხოვდეს და შვილები გააჩინოს. ნიჭის განვითარება შესაძლებელია, მაგრამ მისი არქონის შემთხვევაში ვერაფერს იზავ."



"ჭკვიანი გოგო პოტენციური საქმროსთვის ბევრად საინტერესოა, ვიდრე ის ვისაც გათხოვება უნდა. თუკი ცუდი განათლება გაქვს მიღებული, სულაც არ ღირს რთული ლიტერატურით სიტუაციის გამოსწორება, დაიწყე "ანნა კარენინადან."

"წითელი ტუჩსაცხი მატყუარა რამ არის. მას შეუძლია როგორც ლამაზად წარმოაჩინოს ქალი ისე გააფუჭოს მისი ვიზუალი. თუკი ღამის კლუბში წითელი ტუჩსაცხით გადაწყვიტე წასვლა, კარგი მაკიაჟი გაიკეთე, წინააღმდეგ შემთხვევაში ყველა დეფექტი სახეზე მარტივად გამოჩნდება."



"ვერ ვიტან ინტელექტუალურ საუბრებს ჭკვიანებთან. ერთადერთი აზრი, რომელიც მაინტერესებს - ჩემი საკუთარი აზრია."

"მე  საკუთარი თავის კარიკატურა ვარ და ეს ძალიან მომწონს, ეს არის ნიღბის ტარების მსგავსი შეგრძნება - ჩემთვის ვენეციური კარნავალი მთელი წლის განმავლობაში გრძელდება."



"მე არ მაქვს დრო დარბაზში სასიარულოდ. ეს მათ სჭირდებათ ვინც ბევრს იკვებება, ეს კი მე არ მეხება."

"რატომ უნდა შევწყვიტო მუშაობა? თუკი ამას ვიზავ, მოვკვდები და ყველაფერი დასრულდება."

ლიდია ამარიანი
like
0

კომენტარები

multfilmebi qartulad
multfilmebi da animaciebi qartulad
https://multfilmebi.ru/
2020-03-12 12:58

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.