კიდევ ერთი ცნობილი: როგორ დაინფიცირდა იდრის ელბა

მსოფლიოში ერთ-ერთმა სექსუალურმა მამაკაცმა ოფიციალური განცხადება გააკეთა.
ნიჭიერმა ინგლისელმა მსახიობმა და პრინც ჰარისა და მეგან მარკლის ახლო მეგობარმა ორშაბათს განცხადება გააკეთა, იმის თაობაზე, რომ კორონავირუსზე ტესტმა დადებითი პასუხი აჩვენა. იდრისმა განცხადება ვიდეო მიმართვის სახით გაავრცელა და თავის ოფიციალურ Twitter-ის გვერდზე გამოაქვეყნა. ბრიტანელმა აღნიშნა, რომ არავითარი სიმპტომები არ აღენიშნება ამ დრომდე, თუმცა ამავდროულად ყველას მოუწოდა ხელების რეგულარულად დაბანისა და სოციალური დისტანცირებისაკენ. 



"დღეს დილით ჩემი ტესტი COVID-19 დადებითი აღმოჩნდა, - დაწერა ელბამ. - თუმცა მინდა დაგამშვიდოთ, თავს კარგად ვგრძნობ, არავითარი სიმპტომები არ ამეღნიშნება, მაგრამ
იზოლაციაში დავრჩები იმ დრომდე, როგორც საკარანტინო ვადა ითვალისწინებს".
ტესტის ჩატარება გადაწყვიტა მას შემდეგ, რაც გაიგო, რომ ადამიანი რომელთანაც კომუნიკაცია ჰქონდა დაინფიცირებულია და თავისი სურვილით მოახდინა თვითიზოლაცია. 



47 წლის ვარსკვლავი ისეთი ცნობლი სერიალებიდან როგორიცაა "მოსმენა" და "ლუთერი", ოფიციალურად აღიარებულია ყველაზე სექსუალურ მამაკაცად პლანეტაზე და საუკეთესო დიჯეიდ ამავდროულად, რომელიც მიწვეული იყო მეგანისა და ჰარის ქორწილშიც. 



იდრისმა აქვე აღნიშნა, რომ მის მეუღლეს საბრინა დაურე ელბას ჯერ არ ჩაუბარებია ტესტი, თუმცა "მას ყველაფერი კარგად აქვს." "თუკი თავს ცუდად გძნობთ, ან ჰაერის უკმარისობა გჭირთ, მიმართეთ შესაბამის ზომებს, ეს ძალიან მნიშვნელოვანია. - დასძინა მსახიობმა. - ახლა ის დროა აღმოვუჩინოთ ერთმანეთს სოლიდარობა და დავფიქრდეთ ერთმანეთზე."

ლიდია ამარიანი
like
0