სილამაზის, წარმატებისა და ბედნიერების 8 საიდუმლო მირანდა კერისგან

სუპერმოდელი, Victoria’s Secret-ის ანგელოზი, მირანდა კერი, ერთ-ერთია იმ ქალებიდან, რომელმაც ნამდვილად იცის ბედნიერი ცხოვრების საიდუმლო. ის იდეალურად უთავსებს ერთმანეთს ოჯახურ ცხოვრებასა და კარიერას ამასთანავე საკუთარი ბიზნესიც აქვს.



მირანდა თავის გვერდზე გამომწერ გოგონებს სილამაზის, წარმატებისა და ბედნიერების 8 საიდუმლოს უზიარებს.

1. მოდელის კანის მოვლის რუტინა ორი ნაბიჯისგან შედგება - დილის და ღამის რუტინა, რომელსაც ის არასოდეს არღვევს. იყენებს ბუნებრივი პროდუქტებისგან დამზადებულ კოსმეტიკურ საშუალებებს და რეკომენდაციას უწევს თავისივე ბრენდის, Kora Organics-ის პროდუქტებს. „ამ კოსმეტიკური საშუალებების წყალობით მე ვიღებ იმ შედეგს, რომელიც მჭირდება.
ვიყენებ დამატენიანებელ კრემს პრაიმერის ფუნქციით, მაკიაჟის გაკეთებამდე“
, - ამბობს მირანდა.



2. მის ცხოვრებაში დიდი ადგილი უკავია იოგას - „ხშირად ვკავდები იოგით და ხშირად ვსეირნობ სუფთა ჰაერზე. სეირნობის, ან იოგის შემდეგ თავს ყოველთვის უკეთესად ვგრძნობ“.

3. მან იცის კარგი ფოტოების გადაღების საიდუმლო - „ფოტოდან დადებითი ენერგია და ემოცია უნდა მოდიოდეს. არ აქვს მნიშვნელობა რამდენად ლამაზი ხარ. თუ შენი ენერგია და ემოციები პოზიტიურია და ნამდვილი, ფოტო აუცილებლად კარგი გამოვა“.



4. ჯანსაღი ცხოვრების წესი, ბედნიერების გასაღები სწორედ ესაა - მირანდა მიიჩნევს, რომ მთავარია ჯანსაღი ცხოვრების წესი, რომელიც ადამიანს ბევრ სარგებელს აძლევს და თვლის, რომ ცხოვრებაში ბედნიერებას ის ადამიანები პოულობენ, რომლებიც ცდილობენ ჯანსაღად იცხოვრონ.

5. ყოველდღიური აფირმაციები - „მე ნამდვილად მჯერა, რომ თუ შევძლებთ შევიცვალოთ ჩვენივე ფიქრები და აზრები, შევძლებთ ცხოვრების შეცვლასაც. ყოველ დღე ვეუბნები ჩემს თავს: მე ვკაშკაშებ, მიყვარს და მადლობელი ვარ. მე სიყვარულს ვანაწილებ მთელ სხეულზე, ეს უმნიშვნელოვანესია“, - ამბობს კერი.



6. მირანდას უყვარს კრისტალები - სუპერმოდელი ატარებს ვარდისფერ კვარცს, რომელიც, როგორც ამბობს, თვითრწმენის განმტკიცებაში ეხმარება.

7. უპირატესობას ანიჭებს მაკიაჟს ბუნებრივი ფერებით - მაკიაჟზე უარს არ ამბობს, თუმცა ცდილობს, ვიზუალი რაც შეიძლება ბუნებრივად გამოიყურებოდეს.

8. მირანდა კერის უყვარს ყველაფრის წინასწარ დაგეგმვა, გაწერა, არ ცხოვრობს სპონტანურად - „ყველაფერს ვგეგმავ, თითოეულ წუთს - სამსახურის საკითხებს, დროს განტვირთვისთვის, ოჯახისთვის, შვილებისთვის, სამოქმედო გეგმა ყოველთვის გაწერილი მაქვს, შესაძლოა, გიჟურად ჟღერს, მაგრამ რეალურად ძალიან მეხმარება, რომ დღის განმავლობაში ბევრი რამის გაკეთება მოვასწრო“ - ამბობს სუპერმოდელი.

ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.