რას კითხულობს ფრანგი მოდის კერპი - ინეს დე ლა ფრესანჟი

წიგნების "შორთ-ლისთი", რომელიც შეგიძლიათ თვითიზოლაციის პერიოდში წაიკითხოთ...

 

 
ფრანგი ლამაზმანის, დიზაინერის და მოდელის, აგრეთვე წიგნ „პარიზელი და მისი სტილის“ ავტორი ინეს დე ლა ფრესანჟის ბიბლიოთეკაში ეროვნული კლასიკაც მოიპოვება, თუმცა არც დალაი-ლამას წიგნები უდევს მოშორებით.

პოეზია თუ რომანი? – „რა თქმა უნდა რომანი, ოღონდ არ უთხრათ ჩემს პარტნიორს, რომელიც არაგონის და ბოდლერის ციტირებას ახდენს დღის განმავლობაში ექვსჯერ მაინც“ - აღნიშნა ირენმა. მის საყვარელ ავტორთა სიის სათავეში ფრანსუაზა საგანი და მისი შემოქმედებაა.


1. ბავშვობის წიგნი: ჰექტორ მალო „ოჯახის გარეშე“ – „მახსოვს, როგორ ვკითხულობდი

მთელი ბავშვობა, ეს ისე დიდი ხნის წინ იყო!“


 


2. წიგნი, რომელმაც ცხოვრება შეცვალა: დალაი-ლამა „ბედნიერების ხელოვნება“ – „ეს იმისათვის, რომ ავარიდო თავი „ოჯახურ“ წიგნებს.“





3. წიგნი, რომელიც ვერ წავიკითხე ბოლომდე: ფრანსუა რენე შატობრიანი „საფლავისქვეშეთის წერილები“ – „ჩემი აზრით ნამდვილი შედევრია, არ მეთანხმებით?“


 


4. წიგნი რომელიც ყველაზე მარტივად ერთი ამოსუნთქვით წავიკითხე: ელენა ფერანტე „ჩემი გენიალური დაქალი“ – „როგორც ყველა, მეც ერთი ამოსუნთქვით წავიკითხე ელენის ნაწარმოები, თუმცა მეორე ნაწილსაც გავეცანი.“





5. წიგნი, რომლის წაკითხვის შემდეგაც თავს კარგად გრძნობ: პარამაჰანსა იოგანანდა „იოგის ავტობიოგრაფია“ – „სტივ ჯობსმა გარდაცვალების შემდეგ სწორედ ეს წიგნი დაუტოვა თავის ყველა მეგობარს.“


 


6. წიგნი, რომელსაც მეგობრებს ვაჩუქებდი: დევიდ ჰერბერტ ლოურენსი „ლედი ჩატერლის საყვარელი“ – „სხვათაშორის, საკმაოდ გვიან წავიკითხე ემილი ბრონტეს „ქარიშხლიანი უღელტეხილი“, რომელიც მაჩუქა ერთ-ერთმა თაყვანისმცემელმა. მე თვითონაც მზად ვარ გავაჩუქო ეს წიგნი. კიდევ ძალიან მიყვარს მარიო ვარგას ლიოსას „ცუდი გოგოს ოინები“, ხოლო დევიდ ჰერბერტ ლოურენსის წიგნი მგონია, რომ ბევრს არ წაუკითხავს, ამიტომ ჩემი არჩევანი სწორედ „ლედი ჩატერლის საყვარელზე“ ჩერდება.





7. საყვარელი მწერალი: ფრანსუაზა საგანი „გამარჯობა მწუხარებავ. რომანები“ - „საკმაოდ დიდხანს ვამბობდი, რომ შტეფან ცვაიგი იყო საყვარელი მწერალი, თუმცა ახლა ვიტყოდი, რომ საქმე არა ავტორებში არამედ ნაწარმოებებშია. ვიტყოდი, რომ მე ფრანსუაზა საგანმა არასდროს გამიცრუა იმედები.“

 

ლიდია ამარიანი

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.