ყველაფერი ლეგენდარული კერი ბრედშოუს პარიზულ სტილზე

წითელი კაბა შავი კოპლებით, ტანზე გამოყვანილი ლაბადა, თეთრი „ნავები“ - სერიალ „სექსი დიდ ქალაქში“-ს გმირის პარიზული სტილის კვინტესენცია.

 


თუკი ამ ლეგენდარული სერიალისა და გმირების ფანი ხართ, მაშინ აქტიურად იქნებით ჩართული იმაში თუ რა იყო დაქალების საყვარელი ფრაზები ფილმიდან, როგორია საცურაო კოსტიუმები მათი ინსპირაციით, რომელია სეზონის აქტუალური სამკაულები. დღეს კი ვისაუბრებთ მთავარი გმირის ბოლო ორ სერიაზე, რომელსაც კერი პარიზში ატარებს და ცდილობს საბოლოოდ გაერკვეს პირად ცხოვრებაში.

ნიუ-იორკიდან გამგზავრებისთვის კერი საგულდაგულოდ მოემზადა, არ დაავიწყდა Versace-ს მოცულობითი ნაცრისფერი-მწვანე კაბა, ზოლიანი შავ-თეთრი კოსტიუმი

Sonia Rykiel-ისგან, კრისტალებით გაწყობილი ბიუსტჰალტერი Betsey Johnson-ისგან და Christian Dior-ის ვინტაჟური ჩანთა. თუმცა არის კიდევ ერთი დეტალი რომელზეც დღეს ვისაუბრებთ - ჟოლოსფერი კაბა შავი კოპლებით, კერი მასში გამოწყობილი პარიზის წვიმიან ქუჩებში დადიოდა, ფეხზე კი თეთრი ფეხსაცმელი ეცვა.


კოსტიუმის მხატვარმა და სტილისტმა პატრიცია ფილდმა მოახერხა და ბრედშოუსთვის იდეალური პარიზული ლუქი შექმნა, რომელიც საკონდიტრო Ladurée-ს რთულ დესერტს ჰგავდა. სიყვარულის ქალაქში სასეირნოდ კერიმ Christian Lacroix-ისგან თეთრი მანჟეტებით დაბოლოვებული შავი მოსაცმელი აირჩია, Balenciaga-ს წითელი კაბა შავი დიდი კოპლებით ჩაიცვა, ხოლო კაბის ქვეშ მოცულობის მისანიჭებლად მწვანე წულის ქვედაბოლო მოირგო. მოსაცმელზე მსახიობმა ყვავილებიანი ბროში გაიკეთა, რომელიც გაწყობილი იყო კრისტალებით და რა თქმა უნდა ამ პარიზულ ანსამბლს ასრულებდა Christian Louboutin-ის თეთრი ნავები.

ლიდია ამარიანი

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.