„აი ჩემი მუცელიც!“ - ჯიჯი ჰადიდმა პირველად ისაუბრა ორსულობაზე

მოდელმა გამომწერების დიდხნიანი გაუჩინარების შემდეგ უპასუხა!


პირველი შვილის მოლოდინში 25 წლის ჯიჯი დროს დედის - იოლანდა ჰადიდის აგარაკზე ატარებს, რომელიც პენსილვანიაში მდებარეობს, სუპერმოდელი და მისი მეგობარი მამაკაცი 27 წლის ზეინ მალიკი, სულ მალე  მშობლები გახდებიან, ამის შესახებ მედიაში ინფორმაცია აპრილში გავრცელდა, მას შემდეგ ამ სასიხარულო ამბავის შესახებ ვარსკვლავურ წყვილს კომენტარი არ გაუკეთებია.


რამდენიმე დღის წინ კი ჯიჯიმ პირად ინსტაგრამ გვერდზე პირდაპირი ჩართვა მოაწყო, იმისათვის რომ თავისი თაყვანისმცემლების კითხვებზე პასუხი გაეცა და მოკლედ ესაუბრა ორსულობის პერიოდზეც.


„ამ მომენტში მინდა მთლიანად შევიგრძნო ის

სასიხარულო ამბავი რაც თავს გადამხდა, ამის შესახებ ძალიან ბევრს ვწერ დღიურში... ვცდილობ ყველაფერი დავაფიქსირო, თუმცა ამის გასაჯაროვება სოციალურ ქსელში ნამდვილად არ მსურს, ბევრი მეკითხება თუ რატომ შევწყვიტე ფოტოების და სიახლეების გამომწერებისთვის გაზიარება, პანდემიისა და Black Lives Matter-ის პროტესტის ტალღის ფონზე ჩემი ორსულობა სამყაროში არც ისე მნიშვნელოვანი ამბავია, ამიტომ არ ვთვლი საჭიროდ ჩემი ოჯახისა და მეგობრების გარდა სხვებთან ამ თემაზე საუბარს. არ ვჩქარობ მოვყვე დეტალები და უბრალოდ ვტკბები მომენტით, თუმცა სულ მალე გაიგებთ როგორ მოხდა ეს ყველაფერი. ორსულობისას მინდა თავისუფალი და დიდი ზომის ტანსაცმლის ტარება, როგორც მეუბნებიან კომბინიზონში არ ვჩანვარ ფეხმძიმედ... აი ჩემი მუცელიც!“ - განმარტა მოდელმა.


ლიდია ამარიანი

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.