დევონ აოკი - მოდელი, რომელმაც 2000-იანების სტილი ჩამოაყალიბა

უმაღლესი მოდის ჩვენებების, Chanel-ის ვარსკვლავი და Depop-ის მიმდევრების მთავარი მუზა ამ სეზონზე.

„მე, მოდელების სკაუტმა შემამჩნია ჯგუფ Rancid-ის კონცერტზე ნიუ-იორკში 1995 წელს და შემომთავაზა Interview-ის ჟურნალისთვის გადაღება, კულისებში შესასვლელი ბარათის სანაცვლოდ“ - საკუთარ ისტორიას სწორედ ასე ყვება დევონ აოკი. სწორედ იმ იღბლიანი ღამის შემდეგ დევონმა მშობლიური კალიფორნია დატოვა და გადავიდა საცხოვრებლად ლონდონში, სადაც 10 წელი გაატარა და ერთი ჩვეულებრივი სკოლის მოსწავლისგან 2000-იანების ყველაზე მოთხოვნადი მოდელი გახდა.



„სამოდელო ბიზნესში დიდი ბიძგი ჩემთვის იყო, Chanel-ისთვის, 1998 წელს, კარლ ლაგერფელდთან მუშაობა. ჩემი უკან
გაგზავნა უნდოდათ კალიფორნიაში, როცა სტუდიაში შევედი ჩანთით და წიგნებით, იმ მომენტში კარლმა შემამჩნია და დაინახა ჩემში ის რაც ვერავინ შენიშნა. მისი მადლიერი ვიქნები ყოველთვის.“
- აღნიშნავს აოკი.



სწორედ ამის შემდეგ დაიწყო მოდურ სახლთან დევონის თანამშრომლობა, მათი სინთეზი და ერთობლივი მუშაობა სრული ჰარმონია იყო. აოკიმ Chanel-ის შემდეგ Comme des Garçons, Paco Rabanne და Jeremy Scott-თან თანამშრომლობდა. მოდელის ინტუიციური პერსონალური სტილი პოდიუმის გარეთ მას მეტ დრამატულობას მატებდა, ხოლო მისი ტანისამოსი ინტერნეტის ეპოქაში მცხოვრები ახალგაზრდა თაობისთვის აქტუალური გახდა.



საუბარი სწორედ დაბალწელიან შარვლებზე და გრაფიკულ ტოპებზეა კიბერპოპის სტილში. იმ პერიოდში დევონის ჩაცმულობა კალიფორნიული პროტესტი იყო 1990-იანების ევროპაში დომინირებული ახალგაზრდული კულტურის წინააღმდეგ. მოდელი ვარდისფერი სათვალეების ერთგული ბოლომდე დარჩა. „როცა ლონდონში გადმოვედი საცხოვრებლად, მე და ქეით მოსმა ჯგუფ Primal Scream-ის სიმღერისთვის Kowalski, მუსიკალურ კლიპში მივიღეთ მონაწილეობა ავტომობილების გამტაცებლების როლში. ეს იყო ერთგვარი მოთელვა სიუკის როლისთვის „ორმაგ ფორსაჟში“ - განმარტავს მოდელი.
მეტი ინსპირაციისთვის კი შეგიძლიათ დევონის რეტრო არქივი დაათვალიეროთ.





ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.