პერსონა

"ყველგან Versace" - ვარსკვლავების საყვარელი ბრენდი
ვერსაჩე ყველა ვარსკვლავის საყვარელი ბრენდია. ბრენდისადმი სიყვარული სხვადასხვა დაჯილდოების წითელი ხალიჩიდანაც ჩანს ხოლმე, როცა ათეულობით ვარსკვლავი ვერსაჩეს კაბებში და კოსტიუმებში იწონებს თავს. დონატელას ბოლო კოლექციის ერთ-ერთი ლუქი საკმაოდ წარმატებული აღმოჩნდა. ის უამრავმა ცნობილმა სახემ მოირგო, ასევე ვერსაჩეს ამ კომბინიზონს უამრავი ცნობილი გამოცემის ყდაზე და ფურცლებზე ვიხილავთ. კოსტიუმი გასულ ღამეს ახალგაზრდა მომღერალ Dua Lipa-საც ეცვა ნიუ იორკში. ასევე CFDA-ის წითელ ხალიჩაზე მოდელი ჯიჯი ჰადიდიც იწონებდა თავს.

ნახეთ ვარსკვლავების გალერეა:

დუა ლიპა



ჯიჯი ჰადიდი



სერენა ვილიამსი



ნაომი ქემპბელი



Vogue   ესპანეთი



ELLE ბრაზილია





AVTANDIL - როცა სამოსში სქესი იკითხება
AVTANDIL - ერთ-ერთი სტაბილური სახელი და ქართული მოდის ისტორიაში ყველაზე მნიშვნელოვანი ბრენდია. მისი ისტორია ინდუსტრიის განვითარებასთან ერთად იწერებოდა. პატარა სახელოსნოში დიდი სიყვარულით დაწყებული საქმე მასშტაბურ წარმოებად გადაიქცა. როგორც დიზაინერი ავთო ცქვიტინიძე აღნიშნავს, "ავთანდილის" წარმატების საიდუმლო მის მუდმივ მოძრაობასა და განვითარების სურვილშია.



- ავთო, მიხარია, რომ ისევ შევხვდით ერთმანეთს თქვენს მარკაზე სასაუბროდ. როგორ ვითარდება მარკა "AVTANDIL" და რა სიახლეა თქვენს საქმიანობაში?

- წარმატებისა და წინსვლის უმთავრესი პრინციპი განვითარება, მუდმივი მოძრაობაა. არ უნდა გაჩერდე. სულ უნდა აგრძელებდე ძიებას და მარკის მენეჯმენტი სწორად უნდა გათვალო. მარკის მეორე ხაზი განვითარების პროცესშია. სიახლეა, რომ ამ ხაზის რებრენდინგი მიმდინარეობს - დარჩება მხოლოდ ქუჩის მოდა და სპორტული შიკი. გლამურული სამოსი კი მთლიანად პირველში, ანუ პრეტ ა პორტეს ხაზში გადაინაცვლებს. პარალელურად, მეორე ხაზს დაემატება მამაკაცის ხაზი. მამაკაცის ხაზსაც იგივე დატვირთვა ექნება, როგორიც ქალისას, გათვლილია ნებისმიერი გემოვნებისთვის. ორი წელია ამ პროცესების სწორად გათვლაზე ვმუშაობთ.



ვეძებთ სპეციალისტებსაც. მოლაპარაკებებს ვაწარმოებთ ფაბრიკებთან. სამუშაო, პრაქტიკულად დავასრულეთ და მარკა მზად არის მამაკაცის ხაზის გამოსაშვებად. მიუხედავად დიდი არჩევანისა, ქართველი მომხმარებელი პრეტენზიულია, განსაკუთრებით მამაკაცი. ქართველი მამაკაცი ყველაფერს არ იცვამს, ტონებიც მის გემოვნებას უნდა მიუსადაგო. იმავე საფასო პოლიტიკის მასმარკეტში, სხვაგან ასეთ წვრილმანებს არ ითვალისწინებენ. ამ შემთხვევაში ჩვენ შევჩერდით ფეშენმიმართულებით უფრო რეალიზებად, ქართულ ხასიათს მორგებულ მოდელებზე. ეს იმას არ ნიშნავს, რომ მოდის მიმდევარი მამაკაცები ამ სტილს ვერ მოირგებენ, ეს ხაზი ყველა სეგმენტზეა გათვლილი. ეს იქნება კაფსულა კოლექციები. ჯერჯერობით არ შევიტანთ კლასიკურ ხაზს. გოგონებისა და ბიჭების მოდელებში იქნება სტილი უნისექსი. მინდა, რომ ეს ხაზი სპორტ-შიკთან გაერთიანდეს და ერთი ხასიათის პროდუქტი მივიღოთ. ქალების ხაზი გაიყოფა. გლამური, როგორც აღვნიშნე პირველ ხაზში, ანუ ლუქსში გადავა.

- იმ კოლეციებს, რომელზეც ბოლო წლებში იმუშავეთ, ერთი ხაზი თუ აერთიანებს?

- ამ კოლექციებისთვის საერთო ხასიათი და ფერთა გამაა, ის სილუეტები, კონსტრუირება, რომელიც ძალიან ჩემია. ეს კონსტრუქციები მეორე ხაზში შედარებით გამარტივებული, ხოლო პირველ ხაზში შედარებით რთულია. პირველი ხაზი მხოლოდ ფრანგული ქსოვილით იკერება და ამიტომაცაა განსაკუთრებული. ქსოვილებს პარიზში ვიძენთ. ვთანამშრომლობთ რამდენიმე კომპანიასთან. მომავალი სეზონის ქსოვილს წინასწარ ვუკვეთთ. შესაბამისად, ქსოვილიც ტენდენციური და ტრენდულია.



- რა შეიცვალა მოდაში, რამდენად საინტერესო გახდა თანამედროვე ადამიანისთვის?

- მოდა ნელა, მაგრამ მაინც იცვლება... ნელ-ნელა ისევ ქალის სილუეტსა და ქალურობას უბრუნდება, რაც ძალიან მახარებს. დღემდე უნისექსი ითვლება ტრენდად, თუმცა დაბრუნდა შედარებით ვიწრო ქვედაბოლოები, ვიწრო შარვლები. თავისუფალი სამოსი და მძიმე ფეხსაცმელი ნელ-ნელა ტოვებს ტენდენციებს.

- როგორ ფიქრობთ, რა პროცესებმა გამოიწვია ეს ცვლილება?

- ეს უფრო ფსიქოლოგების თემაა. ამასთან, არ დაგვავიწყდეს, რომ მოდას პეპელასავით ხანმოკლე სიცოცხლე აქვს. დიდმა და ფართო ტანსაცმელმა ძალიან დიდხანს დაიპყრო მოდის სამყარო. როგორც ჩანს, საზოგადოებამ ამოწურა ეს სტილი, რომელიც მარტივი შესაკერია და გაცილებით პრაქტიკულიც. ასეთი სტილის სამოსი არ გაიძულებს, რომ მუდმივად ფორმაში იყოთ, უხეშად რომ ვთქვათ, მუდმივად თითის წვერებზე იდგეთ, რასაც ვერ ვიტყვით სხეულზე მომდგარ კონსტრუქციაზე. ქალური, წელში გამოყვანილი კაბა, ფაქტობრივად, ინდივიდუალური თარგით იკერება, მისი ტარება კი გარკვეულ მომზადებას უკავშირდება.



- მოდასთან ერთად თქვენი კოლექციებიც იცვლებოდა, მაგრამ ბოლომდე ქალურობის ერთგული დარჩით...

- არ მიყვარს, როცა სამოსში სქესი არ იკითხება. ასე მგონია, გაპრანჭვა ქალური ბუნებისთვისაა დამახასიათებელი. ის მხოლოდ მამაკაცისთვის არ იპრანჭება, საკუთარ თავსაც ეპრანჭება. ქალები სულ კოხტაობენ, ისინიც კი, რომლებიც არ მისდევენ მოდას და მიაჩნიათ, რომ მოდისგან განყენებულად ცხოვრობენ. სამსახურში არიან, მეგობრების წრეში თუ პურის საყიდლად, გაპრანჭვა არ ავიწყდებათ. მუდმივად მობილიზებულები არიან. ჩემი მოსაზრებით, ქალის არსებობა დედამიწას აბედნიერებს, სწორედ ამ მისიით შეიქმნა. დიდი როლი აქვს ქალს საზოგადოებასა და კაცობრიობის ისტორიაში და მამაკაცის ცხოვრებაშიც. მოდა ძალიან ჩამოჰგავს მის ცვალებად ხასიათს, ამიტომაც იცვლება ხშირად სილუეტიც, თმის ტენდენციებიც და ფერთა გამაც. მთელი ინდუსტრიები ჩართულია ამ პროცესში. ფეხსაცმლისა და ჩანთის ფორმებზეც კი არ წყდება მუშაობა. ამ ვნებამ ესთეტიკური მედიცინის მიმართულებითაც გადაინაცვლა. აქტუალური გახდა სავარჯიშო დარბაზები, შესაბამისად ფორმის შენარჩუნება. ბოლო წლებია, ხელმისაწვდომი და ტენდენციური გახდა გაახალგაზრდავება. ადამიანს არ უნდა დაბერება.



- სწორედ ეს ტრენდულობა და ვნება იწვევს გარკვეულ დრამასაც...

- გააჩნია, რამდენად ჯანმრთელად მიუდგები ამ საკითხს, რამდენად ძლიერი ხარ, რომ მსხვერპლად არ იქცე, ინფორმაციის ოვერდოზი არ მოგივიდეს. ყველაფერმა დანევროზებულ არსებად არ უნდა გაქციოს: მოკლე თმაა მოდაში და თმა შეიჭრა, მერე დაიბერო ტუჩები და ცხვირი აიპრიხო... ტენდენციების მიხედვით იცვალო მკერდისა და დუნდულების ფორმები. თუ ვარდისფერია ტენდენციური და შენ მწვანე გაცვია, ამით არაფერი შავდება.

- მოდის ისტორიაში ყველაზე საინტერესო პერიოდად რომელს თვლით?

- არც ერთს. პერიოდი ნაკლებად საინტერესოა. უფრო ინდივიდუალურად განვიხილავ დიზაინერებს. გენიალური იყო მაქქუინის პერიოდი. ასევე საინტერესო და განსაკუთრებული _ რალფ სიმონსის. ახლა დემნა გვასალიას დროა... ეს დიზაინერები ერთმანეთისგან რადიკალურად განსხვავდებიან.



- რაში ვლინდება თქვენთვის თანამედროვე მოდის ინდუსტრიაში დემნა გვასალიას ფენომენი?

- დემნა მსოფლიომ აიტაცა და ალბათ ყველაზე პოპულარული ბრენდი აქვს. "ბალენსიაგას" გაყიდვებმა ყველა მოდის სახლისას გადააჭარბა. საზოგადოების მოწონება-არმოწონებაზე არაა ლაპარაკი. ეს დიზაინერი ყველაზე აღიარებული და მოთხოვნადია მსოფლიოში. ის თავის მოვალეობას საუკეთესოდ ასრულებს. მეორე საკითხია, მის სამოსს თქვენ ატარებთ თუ არა.

- მე უფრო მეორე საკითხი მაინტერესებს... როცა საქმე უძვირეს და ყველაზე პროვოკაციულ პროდუქციას ეხება..

- ასეთ თემებს არ ვუღრმავდები. დემნამ საჭირო დროს საჭირო განაცხადი გააკეთა, ამაზე იმოქმედა სხვა მოდის სახლებში მიღებულმა უდიდესმა პრაქტიკამ, სწორმა ადგილმაც და სწორმა მენეჯმენტმაც... სწორად აგორებულმა სკანდალებმაც, პროვოკაციამ და იუმორმაც და ეს ყველაფერი უმაღლეს დონეზეა შეფუთული და მოწოდებული.



- თქვენი ბოლო ნამუშევრებიდან რომელ კოლექციას გამოარჩევდით, რომელია მათ შორის თქვენი ფავორიტი?

- ყოველი კოლექცია ჩემთვის გამორჩეული და ინდივიდუალურია. ყოველ კოლექციას თავისი დრო, ხასიათი და ემოცია აქვს. ტენდენციების მსხვერპლი ნამდვილად არ ვარ. თუკი ვიცი წინასწარ, რომელი ფერთა გამაა მოდური, შემიძლია ამ გამაზე უარი ვთქვა, ან საზოგადოებას საკუთარ ინტერპრეტაციებს ვთავაზობ. ვფიქრობ, მოდა ასე უფრო საინტერესოა და საზოგადოებასაც უფრო მოსწონს. ასეთ მონსტრ პირობებში, როცა ნებისმიერი საფასო პოლიტიკის ნაწარმის კონკურენციაა, როცა მონსტრი კომპანიების ერთმანეთთან ბრძოლა მიმდინარეობს და ჩემი მარკა ისევ არ კარგავს აქტუალურობას, ეს სასიხარულოა. ისიც სასიხარულოა, როცა არა მარტო ქართულ ბაზარზე, არამედ ევროპულზეც გთვლიან საინტერესო ბრენდად, რომლის პროდუქციასაც სიამოვნებით ატარებენ და რომ ჩემი მარკის სამოსის მომხმარებელი ძალიან გაახალგაზრდავდა. 16-17 წლის გოგონები სიამოვნებით იმოსებიან. ვფიქრობ, ეს მარკის დიდი გამარჯვებაა. ამ ტენდენციას მუდმივი სიახლით, მუდმივი განვითარებით ვხსნი. ასევე მნიშვნელოვანია, რომ ჩემს საქმეს გულით ვაკეთებ. ეს კოლექციები დიდი სიყვარულით კეთდება და არასდროს ვატყუებ მომხმარებელს.



- როგორ შეიძლება დიზაინერმა მოგვატყუოს?

- იოლად გამოვძვრე. ჩვენს ბაზარზე უამრავი ასეთი შემთხვევაა: თვალსა და ხელს შუა ფუჭდება საუკეთესო კვების ობიექტები. როგორც კი ვითარდებიან ქსელები, პროდუქციას აფუჭებენ, ძალისხმევას აკლებენ. ასეთი რამ არ უნდა იკადრო. საქმეში გული, სიყვარული უნდა ჩადო.

- თქვენს ბოლო კოლექციაზე, რომელიც მოდის კვირეულზე წარმოადგინეთ, როგორ იმუშავეთ?

- ეს ეხებოდა ადამიანის შინაგანი სამყაროს გამოტანას, სხვებისთვის ჩვენებას, ან პირიქით - დამალვას. შესაბამისად, შიდა, ფერად სარჩულებზე ბევრი ვიმუშავე. ვთვლი, რომ საზოგადოება ადამიანს სტერეოტიპებით აღიქვამს. მაგალითად, შენ ჩემთვის ხარ ერთ ფერთა გამაში. მე არ ვუღრმავდები და არც შენ მაჩვენებ, რა ფერები მოგწონს სინამდვილეში. ფასადს მიღმა რა სამყაროს ატარებ. ამიტომ, ამ კოლექციის სამოსი, გარედან ერთ ტონალობაში გადავწყვიტე, ხოლო ტანსაცმლის სარჩული ფერადი იყო. სარჩული ზოგან ნაწილობრივ ჩანდა, ზოგან მთლიანად, ან დახურული იყო. იცვლებოდა იმის მიხედვით, როგორ იღებს ადამიანს საზოგადოება, ან თავად ადამიანი როგორ აჩვენებს მას თავს. წამყვანი თემა იყო შავი პიჯაკი, რომელსაც ჭრელი სარჩული მივუსადაგე. პიჯაკი ორმხრივია. სურვილისამებრ ფერადი სარჩულის გამოჩენა და ღილით დამაგრებაა შესაძლებელი. ღილს ამ შემთხვევაში სიმბოლური დატვირთვა აქვს.



- თქვენთან რა შინაგან ცვლილებას უკავშირდება ამ თემით დაინტერესება?
- ყოველივე შეიძლება ასაკმა ან ემოციურმა ფონმა განსაზღვრა. ყველა ადამიანს აქვს ასეთი პერიოდი. ავთანდილს თვლიან სერიოზულ, წარმატებულ, მდიდარ, მოვლილ მამაკაცად. ტელევიზიის საშუალებით შეიძლება იციან, რომ იუმორის გრძნობაც მაქვს, რომ ჩემთან იოლია ურთიერთობა და არ ვარ ქედმაღალი. ამის იქით რას ვგრძნობ, რა ნიუანსებისგან შედგება ჩემი პიროვნება, არ იციან. არც არის საჭირო, ყველაფერი იცოდნენ. მხოლოდ რამდენიმე პიროვნებას აქვს ჩემი შინაგანი სამყაროს დანახვის უფლება. ჩემი ბოლო კოლექციის მთავარი თემა ეს იყო.

- ეს საინტერესო საკითხია, რაც ალბათ, ყველა თქვენს თაყვანისმცემელს აინტერესებს... ვინ არიან ეს ადამიანები და როგორ ირჩევთ მეგობრებს?

- ესენი არიან ოჯახის წევრები, ჩემი მეუღლე და უახლოესი მეგობრები. მათთან უკვე წლები მაკავშირებს. 17-20 წლის ასაკში ეს თემა არ დაგაინტერესებს, რადგან ამ დროს სხვა თემები შემოდის, სხვა საზრუნავი გაქვს. მას შემდეგ ბევრი რამ იცვლება, ადამიანებით იმედგაცრუებაც არცთუ იშვიათია... და, როგორ ქრებიან შენი ცხოვრებიდან ისინი... რას ნიშნავს "ქრებიან" და არაფერს განვიცდი? _ ქრებიან ნიშნავს, რომ ისე ქრებიან, რომ არც განვიცდი. თუ განვიცდი, მაშინ არ გამქრალან. ეს ნიშნავს, რომ ამ ადამიანთან კომუნიკაცია შევწყვიტე. ასეთებიც მომხდარა. რაც უფრო გავიზარდე, უფრო ვისწავლე თავდაცვა. ადამიანებიც აღარ ქრებიან, რადგან ზედმეტად აღარავის ვუშვებ ახლოს. გამარჯობის თქმიდან უკვე ვიცი, რა დამაკავშირებს ამა თუ იმ ადამიანთან. ჩემთვის ახალი ადამიანი ახალი შთაბეჭდილების, კომუნიკაციის საშუალებაა. ისიც აღარ მახსოვს, ბოლო პერიოდში ვინ დავიახლოვე და ამაში ადამიანებისგან მოყენებულ ტკივილს სულაც არ ვგულისხმობ. გავიზარდე და დროს აღარ ვხარჯავ ასეთ კომუნიკაციებზე.



- თუ გაქვთ რაიმე სიმბოლო, რომელიც კოლექციიდან კოლექციაში გადადის?

- ეს გახლავთ ოლეგ ტიმჩენკოს "ჯარისკაცი~, რომელიც სხვადასხვა სახით გადადის კოლექციებში. უცვლელად გადაგვაქვს მისი სილუეტი და ყოველთვის განსხვავებული ხასიათით "გვეჩითება". ჩემთვის სიმბოლურია ეს ჯარისკაცი, ვერ ამოვწურე. დიდი ხნის სიცოცხლე აქვს.

- ჩვენ ვსაუბრობთ ლუქსხაზზე. როგორ იწარმოება მეორე ხაზი და რა სიახლეს გვპირდება?

- წინასწარ გვაქვს გათვლილი, როგორ სილუეტზე იქნება მოთხოვნა. რაც ფერთა გამასაც ეხება. რადგან ჩვენი მომხმარებელთა ნაწილი უცხო ქვეყნის მოქალაქეა, ფერთა გამაში არ ვიზღუდავ თავს.



- მასმარკეტის მთავარი პრინციპი რა არის?

- კოლექცია ყველასთვის მისაღები, პრაქტიკული უნდა იყოს. ამ სამოსში მაღალი მოდის ელემენტები არ უნდა იკითხებოდეს. ფეშენზე არ უნდა იყოს გათვლილი, რადგან ასეთი სამოსი მაინც ძვირად ღირებულია. რატომ უნდა შევთავაზო ის მეორე ხაზის მომხმარებელს თუ არსებობს პირველი, ლუქს ხაზი? მეორე ხაზში რჩება ჯინსიც. ის ყოველთვისაა ჩემს კოლექციებში. იცვლება მისი ფორმები, ტექნოლოგიები, იხეხება კიდეც... ამ თვალსაზრისით ყველაზე უცვეთელი, საინტერესო, მოდური სამოსია.

- კომპანიის რებრენდინგის შემდეგ რას გეგმავთ?

- ჯერჯერობით რებრენდინგია ჩვენი უმთავრესი საზრუნავი. სწორი გათვლები უნდა დავდოთ. ვაგრძელებთ მუშაობას. მოდა ბრუნავს და სულაც არ ჰგავს ისეთ ბიზნესს, რომელსაც ერთხელ ჩაუშვებ და დასრულებული სახე აქვს. ყოველ 6 თვეში სამ სხვადასხვა კოლექციაზე ვმუშაობ. ამას მე-4, მამაკაცის ხაზი დაემატა. ჩემი მარკის სამოსს მსოფლიოს მრავალ ქვეყანაში იხილავთ, მათი ჩამოთვლაც კი შორს წაგვიყვანდა. ალბათ, მხოლოდ აფრიკაში ვერ წააწყდებით. ეს სქემა უკვე აწყობილია. ჩვენგან ინფორმაცია მიწოდებული აქვს მილანისა და პარიზის შოურუმების სათავო ოფისებს, საიდანაც ეს ინფორმაცია სხვადასხვა ქვეყანაში ნაწილდება. დახურული ინფორმაცია შეიცავს ბაიერების სიასაც.


ქეთი დარჩია
მისი უდიდებულესობა ფრანჩესკო რისო
მარნი იტალიური ბრენდია, რომელიც ქალის, მამაკაცისა და ბავშვის სამოსს, ფეხსაცმელსა და აქსესუარებს ქმნის. უშვებს ასევე პარფიუმერიასაც. იგი 1994 წელს ცოლ-ქმარმა - კონსუელო და ჯანი კასტილიონებმა დააარსეს.



კონსუელო კასტილიონი შვეიცარიელია. მას შემდეგ, რაც იგი ცოლად გაჰყვა ბეწვეულის კომპანიის Giwi Furs-ის პრეზიდენტს, ტანსაცმლის საკუთარი მარკის ჩამოყალიბება გადაწყვიტა.
მარნი კასტილიონების ოჯახური ბიზნესია. 2014 წლისთვის ბრენდის კრეატიული დირექტორი კონსუელო გახლდათ, ხოლო ჯანი კომპანიის აღმასრულებელი დირექტორია. მათი ქალიშვილი, კაროლინა სპეცპროექტებსა და ონლაინმაღაზიებზე მუშაობს, ვაჟიშვილი ჯოვანი კი საცალო ვაჭრობის განყოფილებას უძღვება.

თავდაპირველად მარნის კოლექცია მხოლოდ ბეწვისგან მზადდებოდა, მაგრამ მოგვიანებით კონსუელომ საკუთარი სტილი იპოვა, რაც მომგებიანი გამოდგა ახალგაზრდა ბრედისთვის. შედეგად მივიღეთ ქალებისთვის განკუთვნილი გამორჩეული სამოსი, რომელიც შესრულებულია მეოცე საუკუნის 70-იანი წლების სულისკვეთებით. ტანსაცმლის თავისუფალი სილუეტი ბრენდის დამახასიათებელი ნიშანია.



მეგობრული, თავისუფალი და კაშკაშა ქეჟუალი - ასე შეიძლება დავახასიათოთ მარნის თითოეული კოლექცია. ელეგანტური კოსტიუმები დანახვისთანავე იპყრობს ყურადღებას.

2017 წელს, მილანის მოდის კვირეულის განმავლობაში, ხმა დაირხა, რომ მარნის 2017 გაზაფხული-ზაფხულის კოლექცია კონსუელო კასტილიონის ბოლო ჩვენება იქნებაო. ინფორმაცია მალევე დადასტურდა - კასტილიონმა კრეატიული დირექტორის მოვალეობები მოიხსნა და ამ პოზიციაზე ფრანჩესკო რისო მოიწვია.

ახალ მთავარ დიზაინერზე, ფრანჩესკო რისოზე, ბევრი არაფერია ცნობილი: ვიცით მხოლოდ ის, რომ სწავლობდა პოლიმოდას ფლორენციულ კოლეჯში, ნიუ-იორკის მოდის ტექნოლოგიის ინსტიტუტში და ლონდონის სენ მარტინის კოლეჯში, თუმცა ესეც საკმარისია, რომ მისი ტალანტი ვირწმუნოთ.



ფრანჩესკო რისომ თავისი კარიერა Blumarine-ში დაიწყო, შემდეგ მუშაობდა Alessandro Dell'acqua-სა და Anna Molinari-ში, 2008 წლიდან კი საქმიანობდა Prada-ში -  ქმნიდა ქალის სამოსის კოლექციებს და დაკავებული იყო ბრენდის სპეციალური პროექტებით.

მარნის პირველი კოლექცია ფრანჩესკო რისოს, ახალი კრეატიული დირექტორის ხელმძღვანელობით მოდის მესვეურებმა იხილეს 2017 წლის შემოდგომა-ზამთრის კოლექციების ჩვენებაზე.

რაც შეეხება კონსუელო კასტილიონის, მან საკუთარი ბრენდის კრეატიული დირექტორის პოსტი პირადი მიზეზების გამო დატოვა.



- ჩემთვის სულისშემძვრელად სასიამოვნო იყო განვლილი 20 წელი. ამ ხნის განმავლობაში ჩამოვაყალიბე ბრენდი, რომელსაც უკვე თავისი ხელწერა აქვს. ჩვენი სამოსის დიზაინს დღეს ყველა ცნობს. ამ ყველაფერს კი ჩემი დიდი ოჯახის თანადგომით მივაღწიე. და აი, ახლა დადგა დრო, როცა პირად ცხოვრებას მივხედო. მადლობა მინდა გადავუხადო ყველა იმ ადამიანს, რომლებსაც ჩემი სჯეროდათ და ამ ფანტასტიკურ წლებში გვერდით დამიდგნენ. ბრენდის ისტორიას კი ფრანჩესკო რისო გააგრძელებს, რომელიც გამოცდილი დიზაინერია და ჩვენს იმედებს აუცილებლად გაამართლებს. ჩვენ გვჯერა მისი. - განაცხადა დიზაინერმა.

ბრწყინვალე სტილი, ბრწყინვალე პოზიცია
დიზაინერმა და ქალის თანამედროვე მოდური სამოსის ხაზის დამფუძნებელმა მაქს აზრიამ აშშ-ის მოდის ბაზრის დაპყრობა თავისუფლად შეძლო.
რიგით 91-ე ოსკარის დაჯილდოების ნომინაციები ცნობილია!
გუშინ გახდა ცნობილი კინოაკადემია ოსკარის ნომინანტების სრული სია. დაჯილდოება 24 თებერვალს ტრადოციულად დოლბის კინოთეატრში, ჰოლივუდში გაიმართება. დაჯილდოებაზე გამოვლინდება 2018 წელს გადაღებული საუკეთესო ფილმები.



წლის მთავარ დაჯილდოებაზე ყველაზე მეტი 10-10 ნომინაცია მიიღეს ფილმებმა „ ROMA” და “The Favorite”-მა. ასევე 8-8 ნომინაცია მიიღეს ფილმებმა „A Star is Born” და “Vice”.



აღსანიშნავია ის ფაქტიც, რომ უცხოენოვანმა ფილმმა “ROMA“-მ მიიღო ყველა წამყვან კატეგორიაში ნომინაცია, რომელსაც კრიტიკოსები წარმატებას უწინასწარმეტყველებენ.

ასევე მომღერალმა და მსახიობმა ლედი გაგამ მიიღო ორი ნომინაცია საუკეთესო ქალი მსახიობისა და საუკეთესო სიმღერის ნომინაციაში ფილმისთვის „ A Star is Born” და გახდა ერთადერთი მსახიობი ოსკარის ისტორიაში, რომელმაც მიიღო ერთდროულად ამ ორ კატეგორიაში ნომინაცია.



წელს საუკეთესო ფილმის ნომინაციაში 8 კინოა წარდგენილი. ყველას გაოცება გამოიწვია იმ ფაქტმა რომ „Black Panther”-მა მიიღო 7 ნომინაცია დაჯილდოებაზე.



გთავაზობთ ნომინანტების სრულ სიას:

BEST PICTURE

"Black Panther"
"BlacKkKlansman"
"Bohemian Rhapsody"
"The Favourite"
"Green Book"
"Roma"
"A Star Is Born"
"Vice"

ACTRESS IN A SUPPORTING ROLE

Amy Adams, "Vice"
Marina de Tavira, "Roma"
Regina King, "If Beale Street Could Talk"
Emma Stone, "The Favourite"
Rachel Weisz, "The Favourite"

ACTOR IN A SUPPORTING ROLE

Mahershala Ali, "Green Book"
Adam Driver, "BlackKKlansman"
Sam Elliott, "A Star Is Born"
Richard E. Grant, "Can You Ever Forgive Me"
Sam Rockwell, "Vice"

FOREIGN LANGUAGE FILM

"Capernaum"
"Cold War"
"Never Look Away"
"Roma"
"Shoplifters"

DOCUMENTARY (SHORT)

"Black Sheep"
"End Game"
"Lifeboat"
"A Night at the Garden"
"Period. End of Sentence."

DOCUMENTARY FEATURE

"Free Solo"
"Hale County This Morning, This Evening"
"Minding the Gap"
"Of Fathers and Sons"
"RBG"

ORIGINAL SONG

"All The Stars" - "Black Panther"
"I'll Fight" - "RBG"
"Shallow" - "A Star Is Born
"The Place Where Lost Things Go" - "Mary Poppins Returns"
"When A Cowboy Trades His Spurs For Wings" - "The Ballad of Buster Scruggs"

ANIMATED FEATURE FILM

"Incredibles 2"
"Isle of Dogs"
"Mirai"
"Ralph Breaks the Internet"
"Spider-Man: Into the Spider-Verse"

ADAPTED SCREENPLAY

"The Ballad of Buster Scruggs"
"BlacKkKlansman"
"Can You Ever Forgive Me?"
"If Beale Street Could Talk"
"A Star Is Born"

ORIGINAL SCREENPLAY

"First Reformed"
"Green Book"
"Roma"
"The Favourite"
"Vice"

ACTOR IN A LEADING ROLE

Christian Bale, "Vice"
Bradley Cooper, "A Star Is Born"
Willem Dafoe, "At Eternity's Gate"
Rami Malek, "Bohemian Rhapsody"
Viggo Mortensen, "Green Book"

ACTRESS IN A LEADING ROLE

Yalitza Aparicio, "Roma"
Glenn Close, "The Wife"
Lady Gaga, "A Star Is Born"
Olivia Colman, "The Favourite"
Melissa McCarthy, "Can You Ever Forgive Me?"

DIRECTOR

Spike Lee, "BlacKkKlansman"
Pawel Pawlikowski, "Cold War"
Yorgos Lanthimos, "The Favourite"
Alfonso Cuarón, "Roma"
Adam McKay, "Vice"

PRODUCTION DESIGN

"Black Panther"
"The Favourite"
"First Man"
"Mary Poppins Returns"
"Roma"

CINEMATOGRAPHY

"Cold War"
"The Favourite"
"Never Look Away"
"Roma"
"A Star Is Born"

COSTUME DESIGN

"The Ballad of Buster Scruggs"
"Black Panther"
"The Favourite"
"Mary Poppins Returns"
"Mary Queen of Scots"

SOUND EDITING

"A Quiet Place"
"Black Panther"
"Bohemian Rhapsody"
"First Man"
"Roma"

SOUND MIXING

"Black Panther"
"Bohemian Rhapsody"
"First Man"
"Roma"
"A Star Is Born"

ANIMATED SHORT FILM

"Animal Behaviour"
"Bao"
"Late Afternoon"
"One Small Step"
"Weekends"

LIVE ACTION SHORT FILM

"Detainment"
"Fauve"
"Marguerite"
"Mother"
"Skin"

ORIGINAL SCORE

"Black Panther"
"BlacKkKlansman"
"If Beale Street Could Talk"
"Isle of Dogs"
"Mary Poppins Returns"

VISUAL EFFECTS

"Avengers: Infinity War"
"Christopher Robin"
"First Man"
"Ready Player One"
"Solo: A Star Wars Story"

FILM EDITING

"BlacKkKlansman"
"Bohemian Rhapsody"
"Green Book"
"The Favourite"
"Vice"

MAKEUP AND HAIRSTYLING

"Border"
"Mary Queen of Scots"
"Vice"
ომარ სი: 8 ფაქტი ფრანგების ყველაზე საყვარელ მსახიობზე
ფილმიდან „ხელშეუხებელნი“მომხიბვლელი დრისი, ცხოვრებისადმი მისი სიყვარულისთვისმთელმა მსოფლიომ შეიყვარა.
შავი ფერი ცხოვრების ყველა შემთხვევისთვის: კოკო როშას ორი ჩაცმულობა პარიზში
კოკო როშამ პარიზის მოდის კვირეული ვერ გამოტოვა: ის მამაკაცის სამოსის რამდენიმე ჩვენებას დაესწრო დ შოუებს შორის პრეზენტაციებზე დასწრებაც მოასწრო.
7 ლამაზმანი, რომლებსაც სიყვარულში არ გაუმართლათ

ამ ფანტასტიურ ლამაზმანებს, რომლებიც ბევრი ქალისთვის ნამდვილი მუზები არიან, პირად ცხოვრებაში ქრონიკულად არ უმართლებთ.

როგორ განთავისუფლდეთ მუწუკებისგან? რჩევები ქენდალ ჯენერის დერმატოლოგისგან
გასული წელიწადი ქენდალ ჯენერისთვის რთული აღმოჩნდა. „ოქროს გლობუსზე“ მისი გამოჩენის შემდეგ სოც.ქსელში მხოლოდ მოდელის სახეზე გამონაყარის შესახებ წერდნენ, რაც ტონალური კრემის სქელმა ფენამაც კი ვერ დაფარა.
კემპბელის შემდეგ ისტორიაში მეორე აფროამერიკელი, რომელმაც Prada-ს ჩვენება გახსნა
სად და როგორ იმკვიდრებენ 21-ე საუკუნეში ვარსკვლავები სამოდელო ბიზნესში თავს? რა თქმა უნდა, ინსტაგრამზე. ერთადერთი პოსტის წყალობით უბრალო სტუდენტი დიზაინერებისა და ბრენდების საყვარელი მოდელი გახდა.

აშშ-ში გოგონა 2000 წელს, დევნილის სტატუსით მოხვდა, მისი ოჯახი სუდანში გენოციდს გაექცა. ისინი ჯერ ეგვიპტეში მოხვდნენ, შემდეგ კი ნიუ-გემპშირში, სადაც 5 წელი საერთო საცხოვრებელში გაატარეს. ანოკის მშობლები დღეში 16 საათს მუშაობდნენ, რათა შვილებს მანჩესტერში სწავლა შესძლებოდათ.

ანოკ იაი

იაი არ თვალთმაქცობს. ის მართლაც ოცნებობდა პოდიუმების დაპყრობაზე, რადგან აღმერთებდა მოდას, ხელოვნებას. გეშინოდეთ საკუთარი ოცნებების! როგორც ჩანს სამყარომ ახალგაზრდა ანოკის სურვილი შეისმინა - ის ვირუსული პოსტი Next Management -ის პრეზიდენტმა, კაილ ჰაგლერმა შენიშნა და გოგონას მის სააგენტოსთან კონტრაქტის გაფორმება შესთავაზა.

გასულ წელს 19 წლის ბიოქიმიის ფაკულტეტის სტუდენტი სთრითსტაილ-ფოტოგრაფმა, სტივენ ჰოლმა შენიშნა. მან სოც.ქსელში ანოკის კადრი განათავსა,
რამდენიმე წუთში კი პოსტს 19 ათასი მოწონება და ათასობით აღფრთოვანებული კომენტარი ჰქონდა.
მეგან მარკლის ახალი გამოსვლა: ჰერცოგინია H&M-ის კაბაში
მეგან მარკლი ერთ ადგილას არ ჩერდება: ჯერ კიდევ ფეხმძიმობის პირველ თვეებში ჰერცოგინიამ განაცხადა, რომ მუშაობას, რაც შეიძლება დიდხანს აპირებს. ამიტომ მისი დღის განრიგი ისეთი დატვირთულია, როგორც არასდროს: ცოტახნისწინ, ელიზაბეთ II-მ მეგან მარკლს ოთხ საქველმოქმედო ორგანიზაციაში ჩართვა დაავალა: ლონდონის ეროვნული თეატრი, უნივერსიტეტების ასოციაცია, ცხოველთადამცველი ორგანიზაცია Mayhew და ფონდი Smart Works Charity.

ამჯერად მეგანი Mayhew-ს ეწვია. მისთვის ეს განსაკუთრებით მნიშნელოვანი ორგანიზაციაა. მეგანმა ძაღლთა თავშესაფრიდან ორი ძაღლი აიყვანა, როცა სამეფო ოჯახი ამ საქმეში აქამდე არასდროს ჩართულა, ის ყოველთვის აქტიურად აფიქსირებს საკუთარ აზრს ცხოველთა უფლებებზე. Mayhew-ში სტუმრობისთვის ჰერცოგინიამ კრემისფერი სამოსი შეარჩია: H&M-ის დემოკრატიული კაბა, Emporio Armani-ის ქიშიმირის კაბა და Stella McCartney-ის ჩანთა. აქსესუარები შემთხვევით არ შერჩეულა: დიზაინერი სტელაც აქტიურად იბრძვის ცხოველთა უფლებებისთვის, ამიტომ კოლექციებისთვის არ იყენებს ბუნებრივ ტყავსა და ბეწვს.

ანა ვერძაძე
დაბერდი ლამაზად: იზაბელა როსელინის 6 რჩევა
65 წლის მსახიობი იზაბელა როსელინი ცნობილია არა მხოლოდ სამსახიობო ნამუშევრებით, არამედ კოსმეტიკურ გიგანტთან Lancome, მრავალწლიანი თანამშრომლობითაც.