პერსონა

დევიდ და ვიქტორია ბექჰემები საზოგადოებას წითელ ხალიჩაზე ერთად გამოეცხადნენ!
ყველასათვის საყვარელი წყვილი 30 აგვისტოს მონაკოში Champions League-ს ცერემონიაზე ერთად გამოცხადნენ. დევიდს საღამოზე სპეციალური ჯილდო UEFA President’s Award გადასცეს, ფეხბურთში შეტანილი წვილილისთვის, პროფესიონალიზმისთვისა და სამაგალითო თვისებებისთვის.



არ დააყოვნა ვიქტორიას პოსტმაც ინსტაგრამზე წარწერით, სადაც დიზაინერი მეუღლე ულოცავს: „ გილოცავ დევიდ! ძალიან გვიყვარხარ და ამაყები ვართ შენით. X.O.”

5 უცნობი ფაქტი ბექჰემების ყველაზე მორცხვ შვილზე - ვიღაცას ძალიან გაუმართლებს
1 სექტემბერს რომეო ბექჰემს 16 წელი შეუსრულდა. ახლობლებმა კი დღესასწაულის წინასწარ აღნიშვნა გადაწყვიტეს და რომეოს სიურპრიზი მოუწყვეს - იუბილარს რესტორანში ტორტი მიართვეს. მიუხედავად სახელგანთქმული გვარისა და ინსტაგრამზე 1.4 მლნ გამომწერისა, დევიდის შუათანა ვაჟზე ბევრი არაფერია ცნობილი. გაიგეთ მის შესახებ მეტი და ის, თუ რატომ დაიკავებს ძალიან მალე ბრიტანეთის ყველაზე სასურველი სასიძოს სტატუსს?

1. შესაძლოა ჩგბურთის მომავალი ვარსკვლავი

მამის შემდეგ, ბექჰემებს შორის ყველაზე სპორტული რომეოა. ადრეული ასაკიდან ის ჩოგბურთითაა დაკავებული და მწვრთნელები მას დიდ მომავალს უწინასწარმეტყველებენ. დევიდ ბექჰემი შვილის არჩევანის გამო განაწყენებული იყო, რადგან იმედი ჰქონდა, რომ რომეო ფეხბურთს აირჩევდა. ამბობენ, ბიჭს საოცრად სწრაფი რეაქციის უნარი აქვს. ახლა მოზარდი მთელ თავისუფალ დროს ჩოგბურთს უთმობს და ყოველდღე ვარჯიშობს. მისი ყველაზე დიდი ოცნებაა გახდეს უიმბილდონის გამარჯვებული. რომეოს კიდევ ერთი სპორტული გატაცებაა - ბოქსი.

2. მისი ნათლია ელტონ ჯონია

ლეგენდარული კომპოზიტორი და მუსიკოსი სერ ელტონ ჯონი უკვე მრავალი წელია ბექჰემების ოჯახთან მეგობრობს. მისი და დევიდის მეგობრობა კი 25 წელს ითვლის. ყოფილი ფეხბურთელი მუსიკოსს ხუმრობით ბიძია ელტონს ეძახის. ელტონი და მისი პარტნიორი დევიდ ფერნიში რომეოს ნათლიები არიან. ბიჭს დაბადების დღე პირველებმა სწორედ მათ მიულოცეს.

3. ის აღმერთებს თავის დას, ჰარპერს

დასთან ყველაზე მეტ დროს რომეო ატარებს. ეს ოჯახურ ფოტოებსა და ვიდეოებზეც ჩანს. ცოტა ხნის წინ ბექჰემების დასვენების პერიოდში გამოჩნდა ამაღელვებელი ფოტო, რომელზეც რომეო აუზში ჩახტომას დიდი სიმაღლიდან აპირებს, გოგონა კი ცდილობს ძმას ეს „საშიში“ იდეა გადააფიქრებინოს. აშკარაა, რომ რომეო მზრუნველი მამა და ქმარი იქნება, ქალებს ხომ ის განსაკუთრებული ყურადღებითა და სინაზით ეპყრობა.

4. უყვარს კერძების მომზადება

ცნობილ მამას რომეო ბევრ რამეში ჰგავს. მათ შორის კულინარიის მიმართ ინტერესში. ცოტა ხნის წინ მან მოამზადა პიცა, შოკოლადის პასტითა და ბანანით. მოზარდი სოც.ქსელში ხშირად აქვეყნებს მის მომზადებულ კერძებს და ცნობილ მზარეულსა და მამის მეგობარს ირონიით მიმართავს: ეს როგორ მოგწონს, გორდონ რამზი?

5. ის ბრიტანეთის ყველაზე სასურველი სასიძო იქნება

რომეო ვარსკვლავური წყვილის საუკეთესო ასლია. მოდური ჟურნალები მას უკვე მოიხსენიებენ, როგორც ქვეყნის ყველაზე გემოვნებიან მოზარდს. ამას დაუმატეთ კეთილი გული, მოკრძალებულობა, ხასიათი და მიზანსწრაფულობა. ვიღაცას ძალიან გაუმართლებს. ჯერჯერობით მოზარდის გულის საიდუმლოებებზე ცნობილი არაფერია, მაგრამ რომეოს ხშირი ურთიერთობა აქვს და დიდი ხანია მეგობრობს გორდონ რამზის ქალიშვილთან. ორივე ოჯახი არდადეგებს ერთად ხშირად ატარებს. ამიტომ, შესაძლოა ეს მეგობრობა უფრო დიდ გრძნობაში გადაიზარდოს.

ანა ვერძაძე
მარწყვის ტორტი და Jacquemus-ის კაბა: ვენსან კასელისა და ტინა კუნაკის მორიგი წვეულება
გასულ პარასკევს, 24 აგვისტოს ზაფხულის ყველაზე გახმაურებული ქორწილი შედგა - ახლო მეგობრების გარემოცვაში ვენსან კასელმა და ტინა კუნაკმა იქორწინეს. წყვილის ქორწინებამ სოც.ქსელში დიდი აჟიოტაჟი გამოიწვია - ცერემონია საიდუმლოდ გაიმართა და ნამდვილი სენსაცია გახდა.

ოლო დღეებს შეყვარებულები ატლანტიკის სანაპიროზე მეგობრებთან ერთად ატარებენ, მათი ქორწინების აღსანიშნავად კი მორიგი წვეულება მოაწყვეს. ფოტოზე, რომელიც სოც.ქსელში ფრანგმა დიზაინერმა სიმონ პორტ ჟაკმიუმმა გამოაქვეყნა, აღბეჭდილია ვენსანი და ტინა მარწყვის ტორტის გაჭრისას.
დღესასწაულისთვის კუნაკმა Jacquemus-ის მარგალიტის, ბრეტელებიანი კაბა შეარჩია. კაბა კასელის მეუღლის შეუდარებელ სხეულს წარმოაჩენდა. მოდელმა სამოსს მასიური საყურეები შეუხამა, ვარცხნილობის სახით კი მაღალი კუდი გაიკეთა.

ანა ვერძაძე
ყველაფერი რაც სინდი კროუფორდის შესახებ უნდა იცოდეთ!
მისი სიმაღლე 177 სმ-ია, ყავისფერი თვალები და წაბლისფერი თმა აქვს. პარამეტრები - 86-66-89.
1980-1990 წლებში ყველაზე პოპულარულ სუპერმოდელთა სიაში ირიცხებოდა და არაერთი ჟურნალის გარეკანზე ჩნდებოდა, იყო პოდიუმების დედოფალი და მოდური
კომპანიების სახე. 1989 წელს კი "რევლონის" სახეც გახდა. ლაპარაკია სინდი კროუფორდზე, ამერიკელ მოდელზე. ის პირველი სუპერმოდელია, რომელმაც ჟურნალ "ფლეიბოისთვის" გაიხადა ფოტოგრაფ ჰერბ რიცთან მუშაობისას. სინდი კროუფორდი მსოფლიოში თითქმის 600 ჟურნალის გარეკანს ამშვენებდა, მათ შორის, ისეთებს, როგორიცაა:Vogue, W, People, Harper’s Bazaar, ELLE, Cosmopolitan და Allure.



საყვარელი საჭმელი: ყველი და შოკოლადი
ჰობი: მოგზაურობა, ვარჯიში, კითხვა, ცხობა
საყვარელი კოქტეილი: "მარგარიტა"
საყვარელი მუსიკა: 90-იანების
საყვარელი ბრენდი: პრადა და გუჩი,
საყვარელი ქალაქი: მალიბუ
შეყვარებულები: Robert De Niro, John Enos III (1994), Jon Stewart (1994), John Kennedy Jr. (1995), Jon Bon Jovi (1995), Val Kilmer (1996),
ქმრები: Richard Gere (1987-1995) და Rande Gerber (1997-dRemde)
შვილები: ორი

ვენეციის კინოფესტივალი გახსნილია!
გუშინ იტალიაში ყოველწლიური ვენეციის კინოფესტივალი გაიხსნა. ფესტივალი 75-ედ იმართება და 8 სექტემბერს დასრულდება. წელს ჟიურის პრეზიდენტი მექსიკელი კინორეჟისორი გილერმო დელ ტოროა. საფინალო დაპირისპირებისთვის ჟიურიმ 21 წლის საუკეთესო ფილმი შეარჩია.

ჩვენთვის არანაკლებად საინტერესოა კინოფესტივალის წითელი ხალიჩა, სადაც უამრავი მსახიობი თუ ცნობილი სახე იყრის თავს და პოზირებს უამრავი ფოტოგრაფის წინ. გთავაზობთ გახსნის ცერემონიიდან საუკეთესოდ ჩაცმულ ვარსკვლავებს, სადაც ფილმ “First Man”-ის პრემიერა შედგა.

გთავაზობთ საუკეთესო ლუქებს წითელი ხალიჩიდან:





Gabrielle Wilde



Sara Sampaio



Claire Foy



Izabel Goulart



Annabelle Belmondo



Gaia Weiss






Barbara Palvin



Naomi Watts



Ryan Gosling



Fiammeta Cicogna



Olivia Hamilton



ასევე დაგაინტერესებთ:

საუკეთესო ლუქები MMVA-ს წითელი ხალიჩიდან!
ნაომი ქემპბელს “შავი გოგონების“ სპეციალური ჯილდო გადასცეს!
ბექჰემები და ჯონები არდადეგებს ერთად ატარებენ!
ინტერნეტში გავრცელდა ფოტოები, სადაც ბრიტანელი პოპ ლეგენდა ელტონ ჯონი, იახტაზე დევიდ ბექჰემთან ერთადაა. გავრცელდა ინფორმაცია, რომ ვიქტორია და დევიდ ბექჰემები არდადეგებს ფრანგულ რივიერაში მომღერალ ელტონ ჯონთან და მის მეუღლე დევიდ ფურნიშთან ერთად ატარებენ.



ფეხბურთელმა ვარსკვლავმა პირად ინსტაგრამზე გაავრცელა თავისი და ელტონის ფოტო, სადაც ისინი ხელიხელგადახვეულები სხედან და კომენტარი გაუკეთა: „ ბიძია ელტონი... ჩვენ ვიცნობთ ერთმანეთს 25 წელია... მხიარული დრო ერთმანეთთან <3“

საუკეთესო ლუქები MMVA-ს  წითელი ხალიჩიდან!
რამდნეიმე დღის წინ კანადის ქალაქ ტორონტოში 2018 წლის iHeartRadio MMVA-ს დაჯილდოება გაიმართა. დაჯილდოება ყოველწლიურად გამოავლენს წარმატებულ მომღერლებს სხვადასხვა კატეგოტიაში და გადასცემს ჯილდოს. ცერემოანიაზე ყველაზე მეტი ნომინაცია ახალგაზრდა შემსრულებელს შონ მენდესს ჰქონდა და სწორედ ის გახდა დაჯილდოების ტრიუმფატორიც. მომღერალმა 8 ნომინაციიდან 4-ში მოიპოვა გამარჯვება, რომელმაც წლის საუკეთესო არტისტის ნომინაციაშიც გაიმარჯვა.



რა თქმა უნდა ყოველთვის საინტერესოა ამა თუ იმ დაჯილდოების წითელი ხალიჩა და ვარსკვლავების ლუქები. გთავაზობთ საუკეთესო ლუქებს წითელი ხალიჩიდან:



Halsey



Tyra Banks 



Jenni “JWoww” Farley



Ashlee Simpson 
და Evan Ross.



Anne-Marie 



 Alessia Cara



Sonequa Martin-Green 



Shawn Mendes






Madison Beer



Bebe Rexha



Kristin Cavallari



Sofi Tukker



Chloe Wilde 



Ralph 
TOP 3 ყველაზე ლამაზი შავრგვრემანი ქალი მსოფლიოში
აც არ უნდა გასაკვირის იყოს, "მის მსოფლიოსა" და "მის სამყაროზე გამარჯვებული გოგონების უმრავლესობა შავრგვრემანია. საზოგადოება თვლის, რომ შავრგვრემან ქალბატონს განსაკუთრებული ეშხი აქვს. წარმგიდგენთ მსოფლიოში TOP 3 ყველაზე მიმზიდველ შავგვრემან ქალბატონს

Victoria’s secret-ის ყველაზე სექსუალური ანგელოზი, ადრიანა ლიმა მსოფლიოს პირველობას არავის უთმობს. მისი ფორმები გამაოგნებლად ქალურია, მუქი თმა და ღია თვალები კი ანგელოზს უფრო მეტ მომხიბვლელობას მატებს. ადრიანა მსოფლიოს ერთ-ერთ ყველაზე სასურველ ქალად ითვლება.

შავგვრემანი მსახიობი ერთ დროს, სექსუალური ქალის როლს ირგებდა, ახლა კი კარიერულ წინსვლას აგრძელებს და თან, ერთ-ერთი ყველაზე გავლენიანი კაცის, მილიონერი მეცენატის და კოლექციონერის, ფრანსუა-ანრის მეუღლეა. წლების მატებასთან ერთად, ცნობილი მსახიობი უფრო მეტად მიმზიდველი და სასურველი ხდება.
მსახიობი არა მხოლოდ ინდოეთშია აღიარებული ლამაზმანად, არამედ მთელს მსფოლიოში. აიშვარია 1994 წელს მის მსოფლიოც გახდა. პრიალა კანი, ღია თვალები და ყავისფერი თმა მსახიობს განსაკუთრბეულ მომხიბვლელობას ანიჭებს და მიუხედავად იმისა, რომ მსახიობმა ბოლო ორსულობის დროს 30 კილო მოიმატა, ის მაინც პლანეტის ერთ-ერთ ყველაზე ლამაზ ქალად დარჩა.


დაკოტა ჯონსონის „ სუპერმარკეტის სტილი“ – GUCCI, GUCCI, GUCCI
„ვიკენდებზე“ შოპინგი ძალიან ბევრი ვარკსვლავის საყვარელი რუტინაა. ერთ-ერთი მათგანი დაკოტა ჯონსონია, რომელიც პაპარაცებმა მალიბუში დააფიქსირეს. მსახიობის ყოველდღიური ლუქი დადებითად შეაფასეს მოდის კრიტიკოსებმა - სპორტული სტილისა და ვინტაჟის ესთეტიკას GUCCI-ის 60-იანი წლებით შთაგონებული ჩანთა და ამავე ბრენდის ფეხსაცმელი (Classic soccer shoe) ყოველდღურ ლუქს სრულყოფილს ხდიდა.
უცვლელი სტილი - ემანუელ ალტი
პარიზული Vogue-ს რედაქტორი, 51 წლის ფრანგი ქალბატონი, ემანუელ ალტი - დახვეწილი, უზადო და განუმეორებელი, პარიზის ბოჰემურ ჟურნალში ჯერ კიდევ კარინ როიტფელდის რედაქტორობის დროს გამოჩნდა. კარინმა იგი Mixte Magazine-დან გადაიბირა და თავისთან გადაიყვანა. ემანუელ ალტი პარიზული Vogue -ს რედაქტორი 2011 წლის თებერვალში გახდა.



ალტმა მოდის სფეროში საქმიანობა ახალგაზრდობაში დაიწყო, მაშინ მხოლოდ 17 წლის იყო. იგი მუშაობდა Fashion ELLE-ში. გარდა ამისა, მოდელიც იყო, სამჯერ მიიღო მონაწილეობა ჟან პოლ გოტიეს სამოსის ჩვენებაში.

მოგვიანებით ფრანგული Vogue-ის მთავარი რედაქტორი ემანუელ ალტი Saint Laurent -ის შთაგონების წყარო გახდა. სახელგანთქმულმა დიზაინერმა თავისი ბრენდის ჩანთის ერთ-ერთ მოდელს Emmanuelle დაარქვა. ტევადი ჩანთა ნებისმიერ ლუქს უხდება.

როგორია ემანუელი? გარდა იმისა, რომ რედაქტორია, სტილისტიცაა. იგი გახლდათ კონსულტანტი ისეთი ცნობილი ბრენდებისა, როგორიცაა Balmain და Isabel Marant.
ვარჯიშით, იოგათი და სპა-პროცედურებით დიდად დაინტერესებული არ არის, მეტიც, არასოდეს ყოფილა ტრენაჟორების დარბაზში.



როდესაც პარიზული Vogue-ის მთავარი რედაქტორის თანამდებობაზე კარინ როიტფელდი შეცვალა, ემანუელ ალტმა თქვა, რომ რადიკალურ ცვლილებებს ჟურნალში არ გაატარებდა. როცა ჰკითხეს, თქვენს საფირმო როკ-ენ-როლის სტილს თუ დანერგავთო, განაცხადა, რომ ამ სტილს შეინარჩუნებდა, მაგრამ ჟურნალში ყველაფერი როკ-ენ-როლის გავლენით არ დაიწერებოდა.
გაამართლა თუ არა მისმა დაპირებამ? რა თქმა უნდა, ჟურნალი კვლავაც ისეთივე მრავალფეროვანია, როგორიც ადრე იყო, მაგრამ ემანუელ ალტმა თავის ანდროგენულ, როკ-ენ-როლით შთაგონებულ სტილს ვერ უღალატა.

ალბათ ყველასთვის საინტერესოა, როგორია მისი ჩაცმისა და ცხოვრების სტილი. ამიტომაც, მოდი, პერსონალურად განვიხილოთ. ტყუილად კი არ უწოდებენ მას დიზაინერების მუზასა და მოდური ტენდენციების კანონმდებელს.



როგორ იცვამს? ერთი შეხედვით მოგეჩვენებათ, თითქოს მისი გარდერობი ერთფეროვანია, მაგრამ მთლად ასე არ არის.
უყვარს Topshop -ის ჯინსები. მისი სავიზიტო ბარათია ვიწრო ჯინსი, პიჯაკი, მაისურები, ქიშმირის ჯემპერები და ქუსლიანი ფეხსაცმელი. მთავარი ისაა, რომ ნებისმიერ სამოსში მოდურად და აქტუალურად გამოიყურება. მიუხედავად იმისა, რომ ხშირად ხვდება ფოტოგრაფების ობიექტივში, მას კაბით იშვიათად ნახავთ. არ უყვარს ღია ფერები და დაპრინტული სამოსი. არც აბრეშუმის ქსოვილს სწყალობს დიდად.

აბა, რას იცვამს მოდური ჟურნალის რედაქტორი? გადავხედოთ მის გარდერობს:
ყველაზე დამახასიათებელი მისი სტილისთვის ასეთი ლუქია: ჯინსი, თავისუფალი სპორტული მაისური, მაღალმხრიანი ჟაკეტი და ქუსლიანი ბოტილიონები. ხანდახან ჯინსს შორტითა და მინიქვედაბოლოთი ანაცვლებს. ხანდახან კი ჟაკეტის ნაცვლად თავისუფალი სტილის პერანგი აცვია.
შემოდგომა-ზამთრის სეზონზე ემანუელი ტყავის ან დუბლირებული ტყავის ქურთუკებს ირჩევს, რომელიც ბეწვითაა გაწყობილი. როცა პალტო აცვია, აუცილებლად მილიტარული სტილის უნდა იყოს. რაც მთავარია, მაღალ მხრებს არასდროს ღალატობს.



ერთი სიტყვით, ემანუელის გარდერობი თამამად შეიძლება მოვიაზროთ ეტალონად ნებისმიერი თანამედროვე ქალაქელი მოდური ქალბატონისთვის.
მის გარდერობში სამი ფერის ჯინსს შეხვდებით - ლურჯს, ნაცრისფერსა და შავს.
ალტს უყვარს მოტკეცილი ტყავის შარვლები, ოღონდ ხელით შეკერილი და არა ფაბრიკული წარმოების. არც ოვალურ შარვლებსა და კარგო-შარვლებზე ამბობს უარს, განსაკუთრებით მაშინ, როცა ერთფეროვნება ჰბეზრდება.

ნატურალური მაკიაჟი, ბუნებრივი ვარცხნილობა მისი იმიჯის განუყრელი ნაწილია. მისი ჩაცმულობის მიხედვით ვერ განსაზღვრავთ, თითქოს მოდით ძალიან იყოს დაინტერესებული. მიუხედავად იმისა, რომ ყოველთვის გემოვნებით აცვია, ემანუელ ალტი არასოდეს ტოვებს Fashionista-ს შთაბეჭდილებას, არასოდეს აგერევათ ანა დელო რუსოში. სამაგიეროდ, ვერავინ ატარებს Balmain-ის პიჯაკს მასზე უფრო მოხდენილად.



ბევრს ასეთი ჟურნალის რედაქტორის უპრეტენზიო სტილი შეიძლება უცნაურადაც მოეჩვენოს, თუმცა მისასალმებელია მისი მკვეთრად გამოხატული ინდივიდუალიზმი. ჩაცმულობით ალტის ცნობა ზურგიდანაც კი შეიძლება, რაც ბევრს ნიშნავს. როცა ემანუელ ალტზე საუბრობ, ყოველთვის წარმოიდგენ მის საყვარელ Topshop-ის ჯინსებს და გამოკვეთილ მხრებს. ამ უკანასკნელზე აქცენტის გაკეთება ალტის ჩაცმულობას ძალიან უხდება, რასაც ბევრ მოდურ ქალბატონზე ვერ ვიტყვით...

ემანუელის სტილის ეს კომპონენტი ბოლო პერიოდში ისევ იქცა დიზაინერების აკვიატებულ იდეად. რამდენიმე წლის წინ სწორედ Bალმაინ-ი იყო ერთ-ერთი პირველი, რომელმაც მოდაში მაღალი მხრები დააბრუნა. მალე მას არა მხოლოდ დემოკრატიულმა ბრენდებმა, მოდის ცნობილმა სახლებმაც მიჰბაძეს. ტრენდის ესთეტიკურ მხარეზე დაუსრულებლად შეიძლება მსჯელობა. ერთი რამ უდავოა _ აქცენტი მხრებზე ზოგადად ჩაცმულობას ძალიან შესამჩნევს ხდის.

რაც შეეხება ფეხსაცმელს, ალტს თითქმის ყოველთვის ქუსლიანი აცვია. გარდა ბოტილიონებისა, მაღალყელიან ჩექმაშიც ხშირად ნახავთ.
ასე რომ, მისი ჩაცმულობა შეიძლება ასეთი ჩამონათვალით შევავსოთ:

მაღალმხრებიანი ჟაკეტები, ტყავის ქურთუკები, მაისურები და პულოვერები პრინტებისა და მკვეთრად გამოხატული ფერების გარეშე, ზოლიანი ჯემპერები, ჯინსები, ტყავის ვიწრო შარვლები, ქუსლიანი ბოტილიონები, ნატის მაღალყელიანი ჩექმები.



ალბათ იფიქრებთ, დიდი ამბავი, ასეთი რამეები ჩემს გარდერობშიც უხვად მოიპოვება, მაგრამ არავის უთქვამს ჩემთვის, როგორ მოდურად გამოიყურებიო. მაშ, რატომ მაინცდამაინც ემანუელის ლუქებია თვალში საცემი? ისინი ხომ ძალიან უბრალო და სადაა? მნიშვნელოვანი ის არის, როგორ ადგას სამოსი ადამიანს ტანზე.
იმისთვის, რომ სწორი არჩევანი გააკეთოთ, ალტის რამდენიმე რჩევას მოუსმინეთ:

_ როცა ჯინსს ირჩევთ, არაა აუცილებელი, მაინცდამაინც მოტკეცილი იყოს თეძოებზე _ იგი არც ლეგინსებია და არც კოლჰოტი. საუკეთესო ვარიანტია, თქვენი მოსაწონი მოდელი ერთი ზომით დიდი შეარჩიოთ, რომელიც გაცილებით თავისუფლად მოგადგებათ თეძოებზე.

_ ჟაკეტი მხოლოდ ისეთი უნდა იყიდოთ, რომელიც იდეალურად მოგერგებათ. ეს ეხება როგორც ვიწრო, ისე თავისუფალ ჟაკეტებს. მთავარია, ზურგისა და მხრების ხაზები იყოს იდეალური სიმეტრიის.

_ როცა ტყავის ნივთებს ირჩევთ, ქურთუკი იქნება თუ ფეხსაცმელი, პრიალა ფაქტურას მოერიდეთ. ყველაზე მარტივი საშუალებაა არ აირჩიოთ ლაკირებული ტყავის მასალა. და კიდევ: თუკი ნატის ფეხსაცმელს ირჩევთ, ყურადღება მის ხარისხზე გაამახვილეთ.

_ ბოროტად ნურასდროს გამოიყენებთ სტილისტურ დეტალებს. მაგალითად, მილიტარული სტილის არჩევისას სასურველია, ერთი ტონალობის სამოსზე შეაჩეროთ ყურადღება.

_ შალის სვიტერების ან ბეწვით გაწყობილი პალტოს შეძენისას ლაკონიური ფორმები ამჯობინეთ.

როგორც ხედავთ, ემანუელ ალტის სტილში სიძნელე არაფერია, არც გამოუცნობი საიდუმლოებანი. მთავარი პრინციპია _ მკვეთრი ფერის სტილისტიკური განსაკუთრებულობანი ერთი სადა სამოსით შეცვალოთ.
ვენსან კასელის გულწრფელი აღიარება: „ თინასთან შეხვედრამდე ჩემი ცხოვრება ცარიელი იყო...“
24 აგვისტოს 51 წლის მსახიობის, ვენსან კასელისა და 21 წლის მოდელის, თინა კუნაკის ქორწილი შედგა, რომელიც საფრანგეთის სამხრეთ-დასავლეთ ნაწილში მდებარე პატარა ქალაქ ბიდარტში გაიმართა. ქორწილამდე რამდენიმე დღით ადრე წყვილმა იტალიურ გამომცემლობას Vanity Fair ინტერვიუ მისცა, სადაც მათ სიყვარულზე ისაუბრეს - ყველაზე საინტერესო მომენტები ინტერვიუდან, რაც განქორწინებისა და მონიკა ბელუჩისთან ამჟამინდელ ურთიერთობასაც ეხება, მოცემულია სტატიაში.

„ვფიქრობდი: დაქორწინებული ვიყავი, ორი ქალიშვილი მყავს, ყველაფერი გავაკეთე, რაც უნდა გამეკეთბინა. ვცხოვრობდი თავისუფალი კაცის ცხოვრებით. ეს სახალისოა, მაგრამ რაღაც მომენტში მივხვდი, რომ ჩემი ცხოვრება ცარიელი იყო. ვინმესთან შეხვედრის იმედიც კი არ მქონდა, მაგრამ ეს მოხდა. ეს ქალი კი იმაზე ბევრად ახალგაზრდაა, ვიდრე წარმომედგინა“ - განაცხადა კასელმა Vanity Fair -თან ინტერვიუში და აღნიშნა, რომ „ჩვენ არ ვირჩევთ, ვინ შევიყვაროთ. ეს თავისთავად ხდება“.

ასელსა და კუნაკს შორის ასაკობრივი სხვაობა 30 წელია. თინას ასაკის გაგებისას, ვენსანი გაოცებული იყო.
„გაცნობიდან მეორე დღეს (წყვილმა ერთმანეთი 2015 წელს გაიცნო, როცა კუნაკი 18 წლის იყო) არა მარტო თინას ასაკი გავიგე, არამედ ისიც, რომ გასულ საღამოს მამამისი ძალიან ინერვიულა, რადგან მისი ქალიშვილი სახლში ჩვეულებრივზე გვიან დაბრუნდა. მაშინ მე მას შევთავაზე, რომ ყველანი ერთად ლანჩზე წავსულიყავით. და იმ წამსვე გავიფიქრე, რომ ეს სიგიჟე იყო - ჩვენ ხომ ერთმანეთი მხოლოდ გუშინ გავიცანით. თუმცა გულის კარნახს მივყევი და ეს მაინც გავაკეთე“ - ჰყვება მსახიობი.
მამის გარდა ლანჩზე მიწვეული იყო მოდელის ძმაც - შეხვედრის დროს მათ ბევრი ისაუბრეს ყველაფერზე და შესანიშნავი დრო გაატარეს, რის შემდეგაც მიუხედავად ასაკობრივი სხვაობისა, წყვილის რომანი ძალიან სწრაფად განვითარდა.
საკუთარ ინტერვიუში ვენსან კასელი თინა კუნაკს ახასიათებს, როგორც „ინტელექტუალსა და თავისუფალს“, გოგონა კი გამოტყდა, რომ მისი საყვარელი მამაკაცი - „ჯენლტმენი, ძალიან ნიჭიერი და სექსუალურია“.
მათ ურთიერთობაში მთავარ დაბრკოლებას კი თინა ხუმრობით ასახელებს ვენსანის მუსიკალურ გემოვნებას - მას უყვარს ბრაზილიური სიმღერა, რაც თინას საერთოდ არ მოსწონს. მაგრამ ორივეს უყვარს ცხოველები - რამდენიმე თვის წინ მსახიობმა საყვარელ ქალს კატა სფინქსი აჩუქა, რაზეც თინა 15 წლიდან ოცნებობდა.
„როცა რამდენიმე თვის წინ მან ცოლობა მთხოვა, გაურკვევლობაში ვიყავი. მანამდე ამაზე არასდროს გვისაუბრია. მაშინ ვერაფერი ვუპასუხე, რადგან არ ველოდი“ - განაცხადა თინა კუნაკმა ინტერვიუში.
„ქორწინება ეს პირობაა, რის მიცემაც ერთმანეთისთვის მანამ შეგვიძლია, ვიდრე ნამდვილი ოჯახი გავხდებით“ - აღნიშნავს კასელი და ხაზს უსვამს, რომ მზადაა მამა კიდევ ერთხელ გახდეს: „შვილები საუკეთესო რამაა ამ სამყაროში. ჩემი ქალიშვილების წყალობით ჭეშმარიტად შევიცანი მთელი სამყარო, ისინი დამეხმარნენ საკუთარი თავის შეცნობაშიც“.

შეგახსენებთ, რომ მონიკა ბელუჩისთან ქორწინებიდან კასელს ორი ქალიშვილი ჰყავს.
Vanity Fair-თან ინტერვიუში ვენსანმა მონიკა ბელუჩისთან ურთიერთობაზეც ისაუბრა, რომელსაც 2013 წელს დაშორდა: „მონიკას ცუდს არასდროს გავუკეთებ. მე ის მიყვარს და პატივსვცემ, თუ მას ოდესმე ჩემი დახმარება დასჭირდება, მასთან ქვეყნიერების მეორე კუთხიდან მივალ. ჩვენს შორის კონფლიქტი არ არის“.
მონიკა ბელუჩისა და ვენსან კასელის ქორწინება 14 წელს გაგრძელდა.

ანა ვერძაძე
ნაომი ქემპბელს “შავი გოგონების“ სპეციალური ჯილდო გადასცეს!
48 წლის სუპერმოდელ ნაომი ქემპებლს გასულ ღამეს ნიუ-ჯერსიში „Black Girl Magic Award” გადასცეს, გაწეული საქმიანობისთვის სამოდელი ბიზნესში. დაჯილდოება ყოველწლიურია და გამოავლენს საუკეთესო ფერადკანიან ქალბატონებს სხვადასხვა ნომინაციებში. წლევანდელი დაჯილდოების წამყვანი ამერიკელი მსახიობი ქვინ ლატიფა იყო. ცერემონიაზე ჯილდოები ასევე გადასხეს მომღერლებს მერი ჯეი ბლაიჯს და ჯანეტ ჯექსონს, რომლებმაც სპეციალური პერფორმანსებით პატივი მიაგეს სოულის დედოფალს, ცოტა ხნის წინ გარდაცვლილ არეთა ფრანკლინს. შოუ სატელევიზიო ეთერში 9 სექტემბერს გავა BET ეთერში.



ნაომი ქემპბელი Calvin Klein-ის კაბაში



მერი ჯეი ბლაიჯი Roberto Cavalli-ის კაბაში



სიარა Balmain-ის კაბაში



ჯანეტ ჯექსონი Christian Siriano-ს კაბაში