პერსონა

ბელა ჰადიდი: „ინსტაგრამში ვყვები, თუ როგორ უნდა გაუმკლავდეთ მენტალურ პრობლემებს“
მას ყველა აღმერთებს: ცნობილი დიზაინერებისა და ფოტოგრაფებიდან დაწყებული ინსტაგრამის რიგითი გამომწერებით დამთავრებული. ბელა ჰადიდს შეუძლია მოდუნდეს, ისაუბროს ღიად და იცინოს გულიანად. ამაში დარწმუნდებით, როცა გამომცემლობა ELLE-თან მის ინტერვიუს გაეცნობით, რომელიც Dior -თან კონტრაქტს მიეძღვნა.



წამყვანი ჟურნალების გარეკნები, ასობით გადაღებები და პოდიუმზე გამოსვლები, ამ მოვლენების შემდეგ განსაკუთრებით რა დაგამახსოვრდათ Dior -ის გადასაღებ მოედანზე მუშაობისას?

ბელა ჰადიდი: რეკლამის გადაღება ურთულესი პროცესია. თქვენ ვერც კი წარმოიდგენთ მასში რამდენი ნიუანსია. მთელი ჯგუფი ბოლომდე იხარჯება. თუმცა ჩემთვის ყველაზე რთული იყო სამი გადასაღები დღის განმავლობაში მაკიაჟის სრულყოფილად შენარჩუნება 14 საათის განმავლობაში. ამ დროის მანძილზე Dior-ის ლაქის ტონებზე უამრავი რამ შევიტყვე.

კოსმეტიკურ ჩანთაში რის ჩადების უფლება გაქვთ?

ყოველთვის თან ვატარებ Dior Lip Glow-ის ტუჩის ბალზამსა და Dior Addict Lip Maximizer-ის თხევად პომადას. თხევადი პომადის სიყვარული ჯერ კიდევ სკოლაში გამიჩნდა. მას საუკეთესო მეგობარს ვართმევდი. მე კი კოსმეტიკას იშვიათად ვყიდულობდი.
ყოველთვის თავდაჯერებული იყავით, თუ ამაზე მუშაობა მოგიხდათ?
არა, რა თქმა უნდა. სამოდელო კარიერის დაწყებასთან ერთად თავდაჯერებულობა ნელ-ნელა იზრდებოდა. მე ამ ბიზნესში ძალიან ადრე აღმოვჩნდი და მაშინვე მუშაობა დავიწყე. უკან დახევისა და გაჩერების შანსი არ მომცეს - მაშინვე ჩემს დას მადარებდნენ.



ამ შედარებებმა არ დაგღალეს?

მსიამოვნებს, როცა ამბობენ: „ნახეთ, ჰო, ეს ხომ ჯიჯია“, მე კი ვპასუხობ: „აჰა, დიდი მადლობა“. ჩვენ ერთმანეთისგან ძალიან განვსხვავდებით. მე შავგრემანი ვარ, ის ქერა. ეს ხომ უკვე დიდი სხვაობაა, ასე არ არის?! ამიტომ ძალიან ვერთობი ისეთ სიტუაციებზე, როცა ერთმანეთში ვეშლებით. დიახ, მე ამ პროფესიაში 3 წლის დაგვიანებით მოვედი, ვიდრე ის, მაგრამ ჩვენ ორივე შემდგარი მოდელები ვართ.

ოჯახის გარემოცვაში სამოდელო სამყაროს განიხილავთ?

შემიძლია ჩემს დავს აზრი ვკითხო ჯგუფზე, რომელთანაც მუშაობა მომიწევს. ჩემთვის აუცილებელია თითოეულს სახეზე ვცნობდე. ხოლო როცა შოუში ერთად ვიღებთ მონაწილეობას, სასაუბრო ბევრი გვაქვს, პირად საგნებზე ვსაუბრობთ და ბევრს ვიცინით. არ მინდა, რომ სამსახურის გამო ურთიერთობა გაგვიფუჭდეს. ამიტომ ოჯახსა და კარიერას ერთმანეთისგან ვაცალკევებ.

ინსტაგრამზე თქვენი გამომწერების რაოდენობა სულ უფრო მეტად იზრდება: როგორ იზიდავთ მათ?

მე კიდევ ბევრ რამეს ვსწავლობ, მაგრამ განსაკუთრებით დიდი სურვილი მაქვს ჩვენთვის, ყველასთვის ღირებული რამ გავაკეთო. აქ შემიძლია ჩემი ფიქრები გავაზიარო და მაგ: მოვყვე, როგორ უნდა გაუმკლავდეთ მენტალურ პრობლემებს - ეს ხომ ახალი თაობის უბედურებაა. გოგონები ინსტაგრამზე აჩვენებენ როგორი ლამაზი და წარმატებული ცხოვრება აქვთ, სინამდვილეში კი ძალისხმევას უსარგებლოდ ხარჯავენ. ეს მეც გავიარე. ახლა მსურს სხვებს დავეხმარო. ჩემს გამომწერებს ღიად ვეკონტაქტები და მათ რჩევებს ვაძლევ.



ადრეულ ასაკში მითითებები არ გაღიზიანებდათ?

არა, დედის რჩევები გამომადგა. ის მასწავლიდა ჩემი ძალების მერწმუნა, ვყოფილიყავი კეთილი და შრომისმოყვარე. ამბობდა: თუ შენს სამუშაოს არ შეასრულებ, ვიღაც მას შენს ნაცვლად გააკეთებს და შენს ადგილს დაიკავებს. ჩემი მშობლები ჩემი კეთილდღეობისთვის ბევრს შრომობდნენ და მინდა მეც ასევე გადავუხადო.

როგორ ახერხებთ ყველაფრის მოსწრებას და არ კარგავთ ოპტიმიზმს?

არის მომენტები, როცა ვიღლები, საკუთარ თავზე დიდ ზეწოლას ვგრძნობ. როცა დედა ამჩნევს, რომ გამოვიფიტე, წამოიძახებს: „კარგი, გინდა - წადი!“, მე მაშინვე ვპასუხობ: „არა! იყო მოდელი - მხიარულებაა“. და შემდეგი მოგზაურობისთვის ვიწყებ მზადებას. მივხვდი, რომ საჭიროა საკუთარ თავს თვითონვე უბიძგო წინ. მხოლოდ ერთი პირობით, რომ სამსახურისგან სიამოვნებას მიიღებ.


ანა ვერძაძე
ლიზა ფიშერი 26 ივნისს ქართველი მაყურებლის წინაშე წარსდგება
24 ივნისს საქართველოში ”გრემის“ ორგზის მფლობელი ლიზა ფიშერი ჩამოვიდა. ფიშერი წელს რადიო ჰოლდინგ ”ფორტუნას“ ყოველწლიური პროექტის დაჯილდოების ცერემონიალის - „ოქროს ტალღის“ საპატიო სტუმარი იქნება.

უამრავი პრესტიჟული ჯილდოს მფლობელი, ამერიკელი ვოკალისტი ქართველი მსმენელის წინაშე 26 ივნისს, ფილარმონიის დიდ საკონცერტო დარბაზში წარდგება და ნიკოლოზ რაჭველთან და ევგენი მიქელაძის სახელობის საქართველოს ეროვნულ სიმფონიურ ორკესტრთან ერთად, დაუვიწყარ საღამოს აჩუქებს მაყურებელს.



ლიზა ფიშერი, რომლის კარიერა 80-იან წლებში დაიწყო, დღემდე ერთ-ერთ ყველაზე მოთხოვნად არტისტად რჩება. ის წლების მანძილზე ისეთ გენიალურ მუსიკოსებთან ერთად მუშაობდა, როგორებიც არიან ტინა ტერნერი, ლუთერ ვანდროსი, სტინგი, ჯგუფი Rolling Stones და სხვა.

მისი შემოქმედების ერთ-ერთი სიმღერა How Can I Ease the Pain ზედიზედ ორი კვირის განმავლობაში „ბილბორდის“ ჩარტების ლიდერი იყო. ამავე ჰიტით ლიზა Soul Train Music Awards-ის გამარჯებულიც გახდა. მორიგი „გრემი“ ლიზა ფიშერმა 2013 წელს, მორგან ნევილის დოკუმეტური ფილმისთვის - 20 Feet from Stardom მიიღო, რომელიც ბექ ვოკალისტების ცხოვრების შესახებ გადაიღეს. ფილმი „ოსკარის“ რიგით 86-ე ცერემონიის გამარჯვებულიც გახდა.

საქართველოში 26 ივნისს „ოქროს ტალღის“ რიგით მეხუთე საიუბილეო დაჯილდოების სპეციალური სტუმარი - ლიზა ფიშერი ქართველი მსმენელის წინაშე ლეგენდარული ჰიტებით წარდგება.

შიშველი ქარიზმა - ალექსანდრა პაიჭაძის სექსუალური ფოტოსესია “BLACK SEA VIBES” (Video)

“BLACK SEA VIBES” - ქართულ მედია სივრცეში უპრეცედენტო ფოტოპროექტი - ალექსანდრა პაიჭაძის შიშველი ქარიზმა, ჟურნალ “ბომონდის” ივლისის ნომერში.

58 მილიონ დოლარად გაყიდული ძაღლის ქანდაკება
თანამედროვე ხელოვნებაში უამრავ საინტერესო შემოქმედს, კერძოდ, მოქანდაკეს ვხვდებით. დღესდღეობით მასალების მრავალფეროვნება შესაძლებას იძლევა შეიქმნას ახალი და სრულიად წარმოუდგენელი ნიმუშები. ალბათ, გასული საუკუნის მიწურულს ვერავინ წარმოიდგენდა, რომ უბრალო ბუშტის ძაღლი დიდ ქანდაკებად გადაიქცეოდა და უამრავ წამყვან გალერიაში საპატიო ადგილს დაიკავებდა. ყველა მიხვდება, რომ საუბარია ამერიკელ არტისტზე, მოქანდაკე ჯეფ კუნსზე. მას ბანალური ობიექტების დიდოსტატს უწოდებენ. ეს, რა თქმა უნდა, ხუმრობით.



კუნსის შემოქმედება თანამედროვე მოქმედი არტისტებიდან ყველაზე ძვირადღირებულია. მისი ნარინჯისფერი „ბუშტის ძაღლი“  კრისტის აუქციონზე 58,4 მილიონ ამერიკულ დოლარად გაიყიდა, რაც სრული რეკორდია მსოფლიოში. კრიტიკოსების აზრი მისი შემოქმედების მიმართ, ორ ნაწილად არის გაყოფილი. ზოგს ახალი ხედვის დიდოსტატად მიაჩნია, ზოგიც კი არსებულის სარფიანად გამოყენებაში სდებს ბრალს. ასეა თუ ისე, თამამად შეგვიძლია ვთქვათ, რომ ჯეფ კუნსი სრულიად ახალი სახელია თანამედროვე ხელოვნებისა და ქანდაკების ისტორიაში. მისი შემოქმედება ყოველთვის ექსპერიმენტია, საზღვარია განვითარებულ ხელოვნებასა და მასკულტურას შორის, ურთიერთობაა საკუთარ თავსა და სამყაროს შორის.



“ვფიქრობ ხელოვნება იყენებს ყველაფერს, რაც შენს გარშემოა, რაც შენი წარსულია. ჩემმა შემოქმედებამ გააქრო ჩემში ყველა შინაგანი დაბრკოლება და შიში. აი ესაა მთავარი წარმატების გასაღებიც“ – ჯეფ კუნსი


ივანე ქეშიკაშვილი

ალისია ვიკანდერი - ოსკაროსანი შვედეთიდან

ალისია ვიკანდერი შვედური წარმოშობის მსახიობია, სკანდინავიური და ჰოლივუდური კინოს ამომავალი ვარსკვლავი, რომლის დებიუტი დაიწყო დრამით - "ჩემი ბალზამირებული დედა". 2015 წლიდან, ტომ ჰულერის ფილმის, "გოგონა დანიიდან" პრემიერის შემდეგ, რომელმაც მას მეორეხარისხოვანი როლისთვის "ოსკარი" მოუტანა, მსახიობის პოპულარობა ერთიორჯერ გაიზარდა - უამრავ საინტერესო როლზე მიიღო შემოთავაზება.

ალისია დაიბადა 1988 წლის 3 ოქტომბერს, გოტებურგში, მრავალშვილიან ოჯახში. დედა, მარია ფალ-ვიკანდერი გოტებურგის თეატრის წამყვანი მსახიობია, მამა სვანტე ვიკანდერი კი - ფსიქიატრი. მარია მისი მეორე მეუღლე გახლდათ, პირველისგან ხუთი შვილი ჰყავს. სამწუხაროდ, სვანტე მეორე ცოლსაც გაშორდა, სწორედ მაშინ, როცა ალისია ხუთი თვისაც არ იყო.



შვედი ლამაზმანის აზრით, მას შესანიშნავი ბავშვობა ჰქონდა. დედის მხრიდან იგი ერთადერთი შვილი იყო, ამიტომ დედა ქალიშვილს უარს არაფერზე ეუბნებოდა. არც მამა აკლებდა ყურადღებას და როცა მის მრავალშვილიან ოჯახში სტუმრად ჩადიოდა, დიდი სიხარულით ხვდებოდნენ.

დედამ ადრეულ ასაკშივე შეაფასა ქალიშვილის მონაცემები - იგი არტისტული ნიჭით გამოირჩეოდა, ამიტომ ალისია შვედეთის სამეფო საბალეტო სკოლაში მოაწყო. გოგონა გულმოდგინედ სწავლობდა ბალეტს, მაგრამ რამდენიმე ტრავმის შემდეგ იძულებული გახდა, მიეტოვებინა. ამის მერე ჩააბარა სამართლის სკოლაში იურისპრუდენციის შესასწავლად, მაგრამ გული ვერ დაუდო, ამიტომ მალევე გადაწყვიტა, თავის ოცნებას გაჰყოლოდა და მსახიობი გამხდარიყო. თავიდან შვედურ მოკლემეტრაჟიან ფილმებში თამაშობდა, შემდეგ ითამაშა ერთ-ერთ შვედურ სერიალში, "დეკემბრის ოცნება", რომლის წყალობითაც, სკანდინავიაში ცნობილი გახდა. მაშინ ალისია 13 წლის იყო.
საბალეტო სკოლამ უდიდესი გავლენა მოხდინა გოგონაზე - მისი ბუნება გამოაწრთო.



2007 წელს ალისიამ ზედიზედ სამ მოკლემეტრაჟიან ფილმში ითამაშა: "სიბნელის ჭეშმარიტება", "წვიმა" და "ევა ჰიიოკი". ამ სურათებმა ამომავალ ვარსკვლავს ფართომასშტაბიანი პოპულარობა ვერ მოუტანა და შვედეთის ფარგლებს ვერ გასცდა, თუმცა მის კარიერაზე მაინც მნიშვნელოვნად იმოქმედა.

სამი წლის შემდეგ, ძველ მეგობართან შეხვედრის შემდეგ, რომელიც დამწყები რეჟისორი გახლდათ, დრამაში - "სისუფთავე" მთავარი როლი მიიღო. როლმა პირველი სერიოზული წარმატება მოუტანა - ჯილდო "ოქროს ხოჭო" - შვედური კინემატოგრაფის ყველაზე პრესტიჟული პრემია ნომინაციაში "წლის საუკეთესო მსახიობი".



2012 წელს ერთ-ერთ ევროპელ ამომავალ ვარსკვლავად დაასახელეს. ყურადღება მიიპყრო კირა ნაითლისა და ჯად ლოსთან ერთად "ანა კარენინაში" თამაშითაც, სადაც თავისი მსახიობური მონაცემები კიდევ ერთხელ გამოავლინა. სწორედ მაშინ მიიქცია ბრიტანული აკადემიის ყურადღება, როგორც მრავლისმეტყველმა ახალგაზრდა მსახიობმა და იგი სამუშაოდ ლონდონში გადავიდა. იმავე წელს ორ ფილმში ითამაშა - "სამეფო რომანი" და "სამეფო ძვირფასეულობა", რომლებშიც დედოფალ კეროლაინ მატილდეს როლი შეასრულა. ამ როლისთვის ალისიამ დანიური ენა შეისწავლა და ბერლინის კინოფესტივალის პრიზი დაიმსახურა.



2013 წელს ითამაშა ფილმში, "მეხუთე ძალაუფლება", სადაც მთავარი როლი ბენედიქტ კამბერბეჩთან ერთად შეასრულა. მოგვიანებით კიდევ ერთ შვედურ ფილმში, "ოტელი" გამოჩნდა.

2014 წელს ივენ მაკგრეგორთან ერთად მოუწია თამაშმა, ხოლო 2015 წელს ზედიზედ 6 ფილმში გადაიღეს. მისმა თამაშმა დიდი მოწონება დაიმსახურა. ითამაშა ასევე ჯეფ ბრიჯესა და ჯულიანა მურთან ერთად ფილმში, შევენტჰ შონ. დასამახსოვრებელი იყო X Machine, რომელმაც წარმატება მოუტანა და "ოქროს გლობუსის" ნომინაცია დაიმსახურა. შემდეგ ითამაშა გაი რიჩის, The Man From U.N.C.L.E.-ში, ეს გახლდათ 1964 წლის სერიალზე დაფუძნებული ფილმი.



2015 წელს ასევე მონაწილეობდა ფილმში,  Burnt -  ბრედლი კუპერთან ერთად. სცენარი მისთვის დაიწერა, ვინაიდან ფილმის პროდიუსერს ძალიან მოსწონდა ალისია ვიკანდერი.

ნახეთ სრულად ჟურნალი "ბომონდის" ივნისის ნომერში.

Björk-ის პროვოკაციული სასცენო ნიღბები Gucci Garden-ში
Gucci-მ ფლორენციაში თავის სასახლე-მუზეუმში Palazzo della Mercanzia-ში ორი ახალი დარბაზი გახსნა.
დაივიწყეთ ჰარი: რატომ საუბრობს ყველა დანიის პრინც ნიკოლაიზე - რა უნდა იცოდეთ ახალგაზრდა გრაფზე მოდელის აღნაგობით
მას შემდეგ, რაც პრინცმა ჰარიმ მეგან მარკლზე იქორწინა, სამეფო სისხლის მქონე მამაკაცების თაყვანისმცემლებმა ყურადღება დანიის პრინც ნიკოლაიზე გადაიტანეს.
რატომ ოცნებობს ყველა გოგონა პრინც ჰარიზე
მომხიბვლელ პრინც ჰარიზე, ალბათ, პლანეტის ყველა გოგონა მას შემდეგ ოცნებობს, რაც მისმა უფროსმა ძმამ ცხოვრების თანამგზავრად ქეით მიდლტონი აირჩია.
Ria Keburia-ს ახალი „ისტორია“ მერსედეს ბენცის მოდის კვირეულზე
მოგეხსენებათ რამდენიმე დღის წინთბილისში დასრულდა მერსედეს ბენცის მოდის კვირეული, რომელიც ხუთ დღეს მიმდინარეობდა.
შარლიზ ტერონი: „მრავალშვილიანი მშობლების არ მესმის“
გასულ კვირას ახალი ფილმის „Tully” პრემიერა გაიმართა, რომელშიც მთავარ როლს შარლიზ ტერონი ასრულებს.
რატომ დონატელა ვერსაჩე - 1990-იანი წლების მთავარი ხატი
ყველაზე ხმაურიანი წვეულებების ვარსკვლავობიდან ერთ-ერთი ყველაზე მსხვილი მოდის სახლის მმართველამდე - დონატელა ვერსაჩემ მისი ლეგენდარული ძმის ჩრდილიდან გამოსასვლელად გრძელი გზა გაიარა.
ჟან-პოლ ბელმონდოს 5 ქალი
მომხიბვლელმა ჟან-პოლ ბელმონდომ მთელი თავისი კარიერის მანძილზე მოასწრო საკულტო, დიდ მსახიობებთან ერთად მუშაობა, რომლებიც დღემდე აღგვაფრთოვანებენ.