პერსონა

დაკოტა ჯონსონის „ სუპერმარკეტის სტილი“ – GUCCI, GUCCI, GUCCI
„ვიკენდებზე“ შოპინგი ძალიან ბევრი ვარკსვლავის საყვარელი რუტინაა. ერთ-ერთი მათგანი დაკოტა ჯონსონია, რომელიც პაპარაცებმა მალიბუში დააფიქსირეს. მსახიობის ყოველდღიური ლუქი დადებითად შეაფასეს მოდის კრიტიკოსებმა - სპორტული სტილისა და ვინტაჟის ესთეტიკას GUCCI-ის 60-იანი წლებით შთაგონებული ჩანთა და ამავე ბრენდის ფეხსაცმელი (Classic soccer shoe) ყოველდღურ ლუქს სრულყოფილს ხდიდა.
უცვლელი სტილი - ემანუელ ალტი
პარიზული Vogue-ს რედაქტორი, 51 წლის ფრანგი ქალბატონი, ემანუელ ალტი - დახვეწილი, უზადო და განუმეორებელი, პარიზის ბოჰემურ ჟურნალში ჯერ კიდევ კარინ როიტფელდის რედაქტორობის დროს გამოჩნდა. კარინმა იგი Mixte Magazine-დან გადაიბირა და თავისთან გადაიყვანა. ემანუელ ალტი პარიზული Vogue -ს რედაქტორი 2011 წლის თებერვალში გახდა.



ალტმა მოდის სფეროში საქმიანობა ახალგაზრდობაში დაიწყო, მაშინ მხოლოდ 17 წლის იყო. იგი მუშაობდა Fashion ELLE-ში. გარდა ამისა, მოდელიც იყო, სამჯერ მიიღო მონაწილეობა ჟან პოლ გოტიეს სამოსის ჩვენებაში.

მოგვიანებით ფრანგული Vogue-ის მთავარი რედაქტორი ემანუელ ალტი Saint Laurent -ის შთაგონების წყარო გახდა. სახელგანთქმულმა დიზაინერმა თავისი ბრენდის ჩანთის ერთ-ერთ მოდელს Emmanuelle დაარქვა. ტევადი ჩანთა ნებისმიერ ლუქს უხდება.

როგორია ემანუელი? გარდა იმისა, რომ რედაქტორია, სტილისტიცაა. იგი გახლდათ კონსულტანტი ისეთი ცნობილი ბრენდებისა, როგორიცაა Balmain და Isabel Marant.
ვარჯიშით, იოგათი და სპა-პროცედურებით დიდად დაინტერესებული არ არის, მეტიც, არასოდეს ყოფილა ტრენაჟორების დარბაზში.



როდესაც პარიზული Vogue-ის მთავარი რედაქტორის თანამდებობაზე კარინ როიტფელდი შეცვალა, ემანუელ ალტმა თქვა, რომ რადიკალურ ცვლილებებს ჟურნალში არ გაატარებდა. როცა ჰკითხეს, თქვენს საფირმო როკ-ენ-როლის სტილს თუ დანერგავთო, განაცხადა, რომ ამ სტილს შეინარჩუნებდა, მაგრამ ჟურნალში ყველაფერი როკ-ენ-როლის გავლენით არ დაიწერებოდა.
გაამართლა თუ არა მისმა დაპირებამ? რა თქმა უნდა, ჟურნალი კვლავაც ისეთივე მრავალფეროვანია, როგორიც ადრე იყო, მაგრამ ემანუელ ალტმა თავის ანდროგენულ, როკ-ენ-როლით შთაგონებულ სტილს ვერ უღალატა.

ალბათ ყველასთვის საინტერესოა, როგორია მისი ჩაცმისა და ცხოვრების სტილი. ამიტომაც, მოდი, პერსონალურად განვიხილოთ. ტყუილად კი არ უწოდებენ მას დიზაინერების მუზასა და მოდური ტენდენციების კანონმდებელს.



როგორ იცვამს? ერთი შეხედვით მოგეჩვენებათ, თითქოს მისი გარდერობი ერთფეროვანია, მაგრამ მთლად ასე არ არის.
უყვარს Topshop -ის ჯინსები. მისი სავიზიტო ბარათია ვიწრო ჯინსი, პიჯაკი, მაისურები, ქიშმირის ჯემპერები და ქუსლიანი ფეხსაცმელი. მთავარი ისაა, რომ ნებისმიერ სამოსში მოდურად და აქტუალურად გამოიყურება. მიუხედავად იმისა, რომ ხშირად ხვდება ფოტოგრაფების ობიექტივში, მას კაბით იშვიათად ნახავთ. არ უყვარს ღია ფერები და დაპრინტული სამოსი. არც აბრეშუმის ქსოვილს სწყალობს დიდად.

აბა, რას იცვამს მოდური ჟურნალის რედაქტორი? გადავხედოთ მის გარდერობს:
ყველაზე დამახასიათებელი მისი სტილისთვის ასეთი ლუქია: ჯინსი, თავისუფალი სპორტული მაისური, მაღალმხრიანი ჟაკეტი და ქუსლიანი ბოტილიონები. ხანდახან ჯინსს შორტითა და მინიქვედაბოლოთი ანაცვლებს. ხანდახან კი ჟაკეტის ნაცვლად თავისუფალი სტილის პერანგი აცვია.
შემოდგომა-ზამთრის სეზონზე ემანუელი ტყავის ან დუბლირებული ტყავის ქურთუკებს ირჩევს, რომელიც ბეწვითაა გაწყობილი. როცა პალტო აცვია, აუცილებლად მილიტარული სტილის უნდა იყოს. რაც მთავარია, მაღალ მხრებს არასდროს ღალატობს.



ერთი სიტყვით, ემანუელის გარდერობი თამამად შეიძლება მოვიაზროთ ეტალონად ნებისმიერი თანამედროვე ქალაქელი მოდური ქალბატონისთვის.
მის გარდერობში სამი ფერის ჯინსს შეხვდებით - ლურჯს, ნაცრისფერსა და შავს.
ალტს უყვარს მოტკეცილი ტყავის შარვლები, ოღონდ ხელით შეკერილი და არა ფაბრიკული წარმოების. არც ოვალურ შარვლებსა და კარგო-შარვლებზე ამბობს უარს, განსაკუთრებით მაშინ, როცა ერთფეროვნება ჰბეზრდება.

ნატურალური მაკიაჟი, ბუნებრივი ვარცხნილობა მისი იმიჯის განუყრელი ნაწილია. მისი ჩაცმულობის მიხედვით ვერ განსაზღვრავთ, თითქოს მოდით ძალიან იყოს დაინტერესებული. მიუხედავად იმისა, რომ ყოველთვის გემოვნებით აცვია, ემანუელ ალტი არასოდეს ტოვებს Fashionista-ს შთაბეჭდილებას, არასოდეს აგერევათ ანა დელო რუსოში. სამაგიეროდ, ვერავინ ატარებს Balmain-ის პიჯაკს მასზე უფრო მოხდენილად.



ბევრს ასეთი ჟურნალის რედაქტორის უპრეტენზიო სტილი შეიძლება უცნაურადაც მოეჩვენოს, თუმცა მისასალმებელია მისი მკვეთრად გამოხატული ინდივიდუალიზმი. ჩაცმულობით ალტის ცნობა ზურგიდანაც კი შეიძლება, რაც ბევრს ნიშნავს. როცა ემანუელ ალტზე საუბრობ, ყოველთვის წარმოიდგენ მის საყვარელ Topshop-ის ჯინსებს და გამოკვეთილ მხრებს. ამ უკანასკნელზე აქცენტის გაკეთება ალტის ჩაცმულობას ძალიან უხდება, რასაც ბევრ მოდურ ქალბატონზე ვერ ვიტყვით...

ემანუელის სტილის ეს კომპონენტი ბოლო პერიოდში ისევ იქცა დიზაინერების აკვიატებულ იდეად. რამდენიმე წლის წინ სწორედ Bალმაინ-ი იყო ერთ-ერთი პირველი, რომელმაც მოდაში მაღალი მხრები დააბრუნა. მალე მას არა მხოლოდ დემოკრატიულმა ბრენდებმა, მოდის ცნობილმა სახლებმაც მიჰბაძეს. ტრენდის ესთეტიკურ მხარეზე დაუსრულებლად შეიძლება მსჯელობა. ერთი რამ უდავოა _ აქცენტი მხრებზე ზოგადად ჩაცმულობას ძალიან შესამჩნევს ხდის.

რაც შეეხება ფეხსაცმელს, ალტს თითქმის ყოველთვის ქუსლიანი აცვია. გარდა ბოტილიონებისა, მაღალყელიან ჩექმაშიც ხშირად ნახავთ.
ასე რომ, მისი ჩაცმულობა შეიძლება ასეთი ჩამონათვალით შევავსოთ:

მაღალმხრებიანი ჟაკეტები, ტყავის ქურთუკები, მაისურები და პულოვერები პრინტებისა და მკვეთრად გამოხატული ფერების გარეშე, ზოლიანი ჯემპერები, ჯინსები, ტყავის ვიწრო შარვლები, ქუსლიანი ბოტილიონები, ნატის მაღალყელიანი ჩექმები.



ალბათ იფიქრებთ, დიდი ამბავი, ასეთი რამეები ჩემს გარდერობშიც უხვად მოიპოვება, მაგრამ არავის უთქვამს ჩემთვის, როგორ მოდურად გამოიყურებიო. მაშ, რატომ მაინცდამაინც ემანუელის ლუქებია თვალში საცემი? ისინი ხომ ძალიან უბრალო და სადაა? მნიშვნელოვანი ის არის, როგორ ადგას სამოსი ადამიანს ტანზე.
იმისთვის, რომ სწორი არჩევანი გააკეთოთ, ალტის რამდენიმე რჩევას მოუსმინეთ:

_ როცა ჯინსს ირჩევთ, არაა აუცილებელი, მაინცდამაინც მოტკეცილი იყოს თეძოებზე _ იგი არც ლეგინსებია და არც კოლჰოტი. საუკეთესო ვარიანტია, თქვენი მოსაწონი მოდელი ერთი ზომით დიდი შეარჩიოთ, რომელიც გაცილებით თავისუფლად მოგადგებათ თეძოებზე.

_ ჟაკეტი მხოლოდ ისეთი უნდა იყიდოთ, რომელიც იდეალურად მოგერგებათ. ეს ეხება როგორც ვიწრო, ისე თავისუფალ ჟაკეტებს. მთავარია, ზურგისა და მხრების ხაზები იყოს იდეალური სიმეტრიის.

_ როცა ტყავის ნივთებს ირჩევთ, ქურთუკი იქნება თუ ფეხსაცმელი, პრიალა ფაქტურას მოერიდეთ. ყველაზე მარტივი საშუალებაა არ აირჩიოთ ლაკირებული ტყავის მასალა. და კიდევ: თუკი ნატის ფეხსაცმელს ირჩევთ, ყურადღება მის ხარისხზე გაამახვილეთ.

_ ბოროტად ნურასდროს გამოიყენებთ სტილისტურ დეტალებს. მაგალითად, მილიტარული სტილის არჩევისას სასურველია, ერთი ტონალობის სამოსზე შეაჩეროთ ყურადღება.

_ შალის სვიტერების ან ბეწვით გაწყობილი პალტოს შეძენისას ლაკონიური ფორმები ამჯობინეთ.

როგორც ხედავთ, ემანუელ ალტის სტილში სიძნელე არაფერია, არც გამოუცნობი საიდუმლოებანი. მთავარი პრინციპია _ მკვეთრი ფერის სტილისტიკური განსაკუთრებულობანი ერთი სადა სამოსით შეცვალოთ.
ვენსან კასელის გულწრფელი აღიარება: „ თინასთან შეხვედრამდე ჩემი ცხოვრება ცარიელი იყო...“
24 აგვისტოს 51 წლის მსახიობის, ვენსან კასელისა და 21 წლის მოდელის, თინა კუნაკის ქორწილი შედგა, რომელიც საფრანგეთის სამხრეთ-დასავლეთ ნაწილში მდებარე პატარა ქალაქ ბიდარტში გაიმართა. ქორწილამდე რამდენიმე დღით ადრე წყვილმა იტალიურ გამომცემლობას Vanity Fair ინტერვიუ მისცა, სადაც მათ სიყვარულზე ისაუბრეს - ყველაზე საინტერესო მომენტები ინტერვიუდან, რაც განქორწინებისა და მონიკა ბელუჩისთან ამჟამინდელ ურთიერთობასაც ეხება, მოცემულია სტატიაში.

„ვფიქრობდი: დაქორწინებული ვიყავი, ორი ქალიშვილი მყავს, ყველაფერი გავაკეთე, რაც უნდა გამეკეთბინა. ვცხოვრობდი თავისუფალი კაცის ცხოვრებით. ეს სახალისოა, მაგრამ რაღაც მომენტში მივხვდი, რომ ჩემი ცხოვრება ცარიელი იყო. ვინმესთან შეხვედრის იმედიც კი არ მქონდა, მაგრამ ეს მოხდა. ეს ქალი კი იმაზე ბევრად ახალგაზრდაა, ვიდრე წარმომედგინა“ - განაცხადა კასელმა Vanity Fair -თან ინტერვიუში და აღნიშნა, რომ „ჩვენ არ ვირჩევთ, ვინ შევიყვაროთ. ეს თავისთავად ხდება“.

ასელსა და კუნაკს შორის ასაკობრივი სხვაობა 30 წელია. თინას ასაკის გაგებისას, ვენსანი გაოცებული იყო.
„გაცნობიდან მეორე დღეს (წყვილმა ერთმანეთი 2015 წელს გაიცნო, როცა კუნაკი 18 წლის იყო) არა მარტო თინას ასაკი გავიგე, არამედ ისიც, რომ გასულ საღამოს მამამისი ძალიან ინერვიულა, რადგან მისი ქალიშვილი სახლში ჩვეულებრივზე გვიან დაბრუნდა. მაშინ მე მას შევთავაზე, რომ ყველანი ერთად ლანჩზე წავსულიყავით. და იმ წამსვე გავიფიქრე, რომ ეს სიგიჟე იყო - ჩვენ ხომ ერთმანეთი მხოლოდ გუშინ გავიცანით. თუმცა გულის კარნახს მივყევი და ეს მაინც გავაკეთე“ - ჰყვება მსახიობი.
მამის გარდა ლანჩზე მიწვეული იყო მოდელის ძმაც - შეხვედრის დროს მათ ბევრი ისაუბრეს ყველაფერზე და შესანიშნავი დრო გაატარეს, რის შემდეგაც მიუხედავად ასაკობრივი სხვაობისა, წყვილის რომანი ძალიან სწრაფად განვითარდა.
საკუთარ ინტერვიუში ვენსან კასელი თინა კუნაკს ახასიათებს, როგორც „ინტელექტუალსა და თავისუფალს“, გოგონა კი გამოტყდა, რომ მისი საყვარელი მამაკაცი - „ჯენლტმენი, ძალიან ნიჭიერი და სექსუალურია“.
მათ ურთიერთობაში მთავარ დაბრკოლებას კი თინა ხუმრობით ასახელებს ვენსანის მუსიკალურ გემოვნებას - მას უყვარს ბრაზილიური სიმღერა, რაც თინას საერთოდ არ მოსწონს. მაგრამ ორივეს უყვარს ცხოველები - რამდენიმე თვის წინ მსახიობმა საყვარელ ქალს კატა სფინქსი აჩუქა, რაზეც თინა 15 წლიდან ოცნებობდა.
„როცა რამდენიმე თვის წინ მან ცოლობა მთხოვა, გაურკვევლობაში ვიყავი. მანამდე ამაზე არასდროს გვისაუბრია. მაშინ ვერაფერი ვუპასუხე, რადგან არ ველოდი“ - განაცხადა თინა კუნაკმა ინტერვიუში.
„ქორწინება ეს პირობაა, რის მიცემაც ერთმანეთისთვის მანამ შეგვიძლია, ვიდრე ნამდვილი ოჯახი გავხდებით“ - აღნიშნავს კასელი და ხაზს უსვამს, რომ მზადაა მამა კიდევ ერთხელ გახდეს: „შვილები საუკეთესო რამაა ამ სამყაროში. ჩემი ქალიშვილების წყალობით ჭეშმარიტად შევიცანი მთელი სამყარო, ისინი დამეხმარნენ საკუთარი თავის შეცნობაშიც“.

შეგახსენებთ, რომ მონიკა ბელუჩისთან ქორწინებიდან კასელს ორი ქალიშვილი ჰყავს.
Vanity Fair-თან ინტერვიუში ვენსანმა მონიკა ბელუჩისთან ურთიერთობაზეც ისაუბრა, რომელსაც 2013 წელს დაშორდა: „მონიკას ცუდს არასდროს გავუკეთებ. მე ის მიყვარს და პატივსვცემ, თუ მას ოდესმე ჩემი დახმარება დასჭირდება, მასთან ქვეყნიერების მეორე კუთხიდან მივალ. ჩვენს შორის კონფლიქტი არ არის“.
მონიკა ბელუჩისა და ვენსან კასელის ქორწინება 14 წელს გაგრძელდა.

ანა ვერძაძე
ნაომი ქემპბელს “შავი გოგონების“ სპეციალური ჯილდო გადასცეს!
48 წლის სუპერმოდელ ნაომი ქემპებლს გასულ ღამეს ნიუ-ჯერსიში „Black Girl Magic Award” გადასცეს, გაწეული საქმიანობისთვის სამოდელი ბიზნესში. დაჯილდოება ყოველწლიურია და გამოავლენს საუკეთესო ფერადკანიან ქალბატონებს სხვადასხვა ნომინაციებში. წლევანდელი დაჯილდოების წამყვანი ამერიკელი მსახიობი ქვინ ლატიფა იყო. ცერემონიაზე ჯილდოები ასევე გადასხეს მომღერლებს მერი ჯეი ბლაიჯს და ჯანეტ ჯექსონს, რომლებმაც სპეციალური პერფორმანსებით პატივი მიაგეს სოულის დედოფალს, ცოტა ხნის წინ გარდაცვლილ არეთა ფრანკლინს. შოუ სატელევიზიო ეთერში 9 სექტემბერს გავა BET ეთერში.



ნაომი ქემპბელი Calvin Klein-ის კაბაში



მერი ჯეი ბლაიჯი Roberto Cavalli-ის კაბაში



სიარა Balmain-ის კაბაში



ჯანეტ ჯექსონი Christian Siriano-ს კაბაში
რიანა ნიუ-იორკის მოდის კვირეულს უბრუნდება!
ოფიციალურად დაანონსდა, რომ ამერიკელი მომღერალი რიანა კვლავ მიიღებს მონაიწილეობას ნიუ-იორკის მოდის კვირეულზე. წინა სეზონის გამოტოვების შემდეგ, რიანამ გადაწყვიტა წარმოადგინოს ახალი კოლაბორაცია SAVAGE X FENTY. პრეზენტაცია სექტემბერს შედგება და წარმოადგენილი იქნება ქალის თეთრეული და ინტიმური აქსესუარები.



რიანას ახალი კოლექციის ფორმატი „See-now-buy-now” იქნება, რომელიც მთელი შემოდგომის განმავლობაში ხელმისაწვდომი იქნება SavageX.com-ზე. როგორც რიანას ახალ
ი კოლექციის პრეს რელიზში წერია კოლექციაში გაერთიანებული იქნება მომღერლის ყველა მუზა, ქალის სექსუალურობა და “Killer style”.



როგორც აღვნიშნეთ, პრეზენტაცია სექტემბერს მარკ ჯეკოპსის ჩვენების დამთავრების შემდეგ შედგება. ჯერ დაზუსტებული ლოკაცია ცნობილი არაა, მაგრამ გავრცელებული ინფორმაციით პრეზენტაცია მანჰეტენზე შედგება.

Birthday look: როგორი სამოსით აღნიშნავენ ვარსკვლავები დაბადების დღეს
გვისტოში დაბადების დღე აღნიშნეს დუა ლიპამ, კაილი ჯენერმა და მადონამ. პირადი დღესასწაულის აღსანიშნად სამივე ვარსკვლავმა გრანდიოზული წვეულება მოაწყო. შესამჩნევია, რომ სამივე იუბილარმა birthday party-თვის ვარდისფერში გადაწყვეტილი სამოსი შეარჩიეს.

დუა ლიპა
22 აგვისტოს ბრიტანელ ვარსკვლავს 23 წელი შეუსრულდა, ამის აღსანიშნად კი მან იბიცაზე მეგობრებთან ერთად წვეულება მოაწყო. გოგონა ორ სამოსში გამოწყობილი გამოჩნდა - ვარდისფერ თამამ ბოდესა და ღრმა დეკოლტიან ნაზ, თეთრ, გამჭვირვალე მაქმანებინ კაბაში.


მადონა
16 აგვისტოს მადონამ 60 წლის იუბილე დიდი ხმაურით აღნიშნა: მომღერალმა წვეულება მაროკოში მავრიტანულ სასახლეში გამართა. 40 სტუმარს მადონა Gucci-ის ვარდისფერ კაბაში შეხვდა. ტრადიციულმა თმის სამკაულმა და აქსესუარებმა მისი ჩაცმულობა უფრო აუთენტური გახადა.


კაილი ჯენერი
21 წლის იუბილეზე სამოსი კაილი ჯენერმაც რამდენჯერმე გამოიცვალა. დღესასწაულის პირველი ნაწილი მან ფუქსიისფერ ატლასის კაბაში გამოწყობილმა გაატარა, ბრენდის Dundas კოლექციიდან, რომელიც პიტერ დუნდასს ეკუთვნის. შემდეგ კი გოგონამ ვარდისფერი კომბინეზონი მოირგო, რაც Swarovski-ის 70 000 კრისტალით იყო გაწყობილი. სამოსს მან Christian Louboutin-ის ნაზი მაღალქუსლიანი ფეხსაცმელი შეუხამა.


ანა ვერძაძე


საიმონ ქოუელს ჰოლივუდში ვარსკვლავი გაუხსნეს!
გუშინ 22 აგვისტოს, 58 წლის პროდიუსერსა და უამრავი რეალითი შოუს ჟიურს საიმონ ჰოუელს ჰოლივუდის დიდების ხეივანში ვარსკვლავი გაუხსენს. საიმონი უამრავი მეგა შოუს პროდიუსერია, როგორებიცაა: American Idol, Pop Idol, The X Factor, America’s Got Talnet, The X Fctor UK და Britan’s Got Talent. საიმონის ვარსკვლავის გახსნის ცერემონიაზე იმოყოფებოდი უამრავი მომღერალი და ცნობადი სახე, რომლებიც სწორედ ამ გადაცემების მეშვეობით გახდნენ წარმატებულები და ცნობილები. ვარსკვლავის გახსნოს ცერემონიაზე სიტყვით გამოვიდა მომღერალი კელი კლარქსონი, რომელმაც 2002 წელს გაიმარჯვა კონკურს American Idol-ში. გახსნაზე ასევე იმყოფებოდნენ ამ შოუების წამყვანები, მონაწილეები და ძველი გამარჯვებულები: ადამ ლამბერტი, ლუის ტომლინსონი, ლეონა ლუისი, ჰეიდი კლუმი და სხვა.









რიანას ევოლუცია ბოლო 10 წლის მანძილზე
გთავაზობთ რიანას ევოლუციას 2008 წლიდან დღემდე.


2008



2009



2010



2011



2012





2013



2014



2015



2016



2017



2018




ასევე დაგაინტერესებთ:

როგორ იცვლება ანჯელინა ჯოლი 20 წლის მანძლზე

ირინა შეიკის ევოლუცია - პროვინციელი გოგოდან სუპერ მოდელამდე


პიკასოსეული ნატურა - როსი დე პალმა
მოდის სამყაროს გარდა, კინოინდუსტრიაშიც უდიდეს როლს თამაშობს ვიზუალი. სად შეიძლება შეგხვდეს ექტრავაგანტური გარეგნობის პერსონაჟები თუ არა ესპანეთის კულტურის გმირის, პედრო ალმოდოვარის, ფილმებში. მისი ფილმები განსხვავებული ადამიანების ურთიერთობებზეა აგებული. თუმცა, თითოეულ ნიუანსს თავისი ქვეტექსტი და სიმბოლური დატვირთვა აქვს. ალმოდოვარისთვის უმნიშვნელოვანესია პერსონაჟის არაორდინარულობა და ხასიათი. რეჟისორი მაყურებელზე მათრობელ ეფექტს ახდენს, თითქოს ამ პერსონაჟებს ყოველდღიურ ცხოვრებაშიც ვხვდებით. ამჯერად პენელოპა კრუზს არ შევეხები და ესპანელ მომღერალსა და მოცეკვავეს, როსი დე პალმას, გაგაცნობთ.
ედრო ალმოდოვარი პირველი იყო, ვინც როსის ექსტრავაგანტურობა აღმოაჩინა. მსახიობი იხსენებს, რომ ერთ ჩვეულებრივ დღეს, გენიალურმა რეჟისორმა მადრიდის კაფეში შენიშნა იგი და დაუფიქრებლად შესთავაზა როლი მომავალ ფილმში.
როსი დე პალმას ხშირად აიგივებენ პიკასოსეულ ნატურასთან, უნიკალური გარეგნობის მქონე ქალბატონმა ეკრანზე გამოჩენისთანავე დაამსხვრია სილამაზის სტერეოტიპები და შემდეგ უკვე ჟან პოლ გოტიეს და ტერი მიუგლერის მუზაც გახდა.


რით დავიწყო?
ეს კითხვა ისეთივე ბუნებრივია ნებისმიერი ავტორის ცხოვრებაში, როგორიც ნებისმიერი თქვენგანის ყავის რუტინა დილით ან მეგობრებთან გატარებული შაბათის საღამოები. გეთანხმები, უხეში და ცოტაც თავხედურია ჩემი დღევანდელი ბლოგის დასაწყისი. დასაწყისი, პირველი ნაბიჯის გადადგმა, როგორც პირველი წინადადების აზრობრივად გამართვა არასდროს არის ადვილი. მეტიც, დღეს გადავწყვიტე, შენობით მოგმართო და ყველაზე ნაცნობ შეგრძნებაზე გელაპარაკო, რომელიც თითქოს უცნობი გახდა ან ტაბუ ადევს შენს ცხოვრებაში.

ხშირად და მოუბეზრებლად ვუყურებ პედრო ალმოდოვარის ფილმებს, ის დღეც მახსოვს, როდესაც პირველად ვეზიარე მის კინემატოგრაფიულ ენას ფილმით "ესაუბრე მას".
"გულწრფელია!" - ეს იყო პირველი შთაბეჭდილება, რომელიც ალბათ იშვიათად მიმიღია სხვა კინორეჟისორების ნამუშევრებისგან. რთულია, იყო 21-ე საუკუნის რიტმს აყოლილი და ამავდროულად - გულწრფელიც. რთულია არჩევანის გაკეთება ორ უკიდურესობას შორის: სძულდე ისეთი, როგორიც ხარ თუ უყვარდე ისეთი, როგორიც არ ხარ? ეს ის შემთხვევაა, როდესაც ოქროს შუალედის პოვნა თითქმის შეუძლებელია, დილემა - მტკივნეული. წინასწარ ვერ განსაზღვრავ, რომელი უკიდურესობა იქნება შენი სწორად გადადგმული ნაბიჯი, დინების მიმართულებით გადაწყვეტ ცურვას თუ მის საწინააღმდეგოდ... მაგრამ აქაც შედეგზე ფიქრობ და მასზე ხარ ორიენტირებული.

ძალიან გვიან ვაცნობიერებთ, რომ ბედნიერება "წუთის მეასედებშია".

რაც უნდა გასაკვირი იყოს, ყველაზე ბანალური არაბანალურ თემებზე საუბარი გახდა. თავის დამკვიდრებას ყველა საკუთარი, წინასწარ შედგენილი დოქტრინითა და გაწერილი წესებით ცდილობს. სოციალური სტატუსის შექმნის თეორია ზოგადი მარკეტინგის "პირველი კლასია". თანამედროვე საზოგადოება ხომ პრაგმატულობით ხასიათდება. პრესტიჟის ან მატერიალური კეთილდღეობისკენ დაუოკებელი სწრაფვა ზოგ შემთხვევაში, გაუცნობიერებლად, საკუთარი თავის უარყოფის მაპროვოცირებელი ქმედება ხდება. უფრო თუ ჩავუღრმავდებით, მივალთ ტერმინამდე: "ადამიანის გაუცხოება", მოჩვენებითობა და სიყალბე, თავის გაყიდვა და სტატუსის ყიდვა. შესაძლებელია, ამ შემთხვევას არაფორმალური ფილოსოფიური მარკეტინგიც კი ვუწოდოთ: ჩვენ დეტალურად ვსწავლობთ, რისი მოთხოვნაა "ბაზარზე" და იმის მიხედვით ვგეგმავთ საკუთარ ცხოვრებას - საით წავიდეთ? რა იქნება ჩვენთვის პროდუქტიული ზემოთ ხსენებული წესებისა და დოქტრინების გათვალისწინებით? თითქოს ყველაფერი რიგზეა, და საერთოდაც, არ ჟღერს ეს ყველაფერი ნეგატიურად და არც პრობლემა ჩანს. პრობლემა კი "მოთხოვნაშია", რადგან პირველ პლანზე მისი გადმოწევით უარვყოფთ მოთხოვნილებას, ამით კი საკუთარ ცნობიერს ვბლოკავთ. არის იქ ჩვენი ადგილი, სადაც სტატუსის შეძენა გვიწევს? და თუ არის, რატომ ვყიდულობთ პრესტიჟს?

ენდის საინტერესო, ყველასთვის ცნობილი ისტორია მახსენდება ბესტსელერის - ”ეშმაკი ატარებს პრადას”- ეკრანიზაციიდან, სადაც ნიუ-იორკში ჩასული გოგონა კარიერულ განვითარებაზე ოცნებობს. შემთხვევით მოხვდება მოდის ყველაზე გლამურულ ჟურნალში და საკმაოდ წარმატებულად აუწყობს ფეხს ახალი ცხოვრების უცნაურ რიტმს. გაიაზრებს "მოთხოვნას" და ზოგჯერ გაუცნობიერებელი ბედნიერების შეგრძნებაც კი ახრჩობს, რომელიც ნელ-ნელა ავიწყებს "მოთხოვნილებას".

მირანდა პრისტლის როლი ფილმში ფენომენალურად გენიალურია. ძლევამოსილი და მომთხოვნი მირანდა ენდის მომავლის მკვეთრი ვიზუალიზაციაა, ეს კვანძი კი ფილმის ფინალურ ნაწილში იხსნება, როდესაც ენდი უარს ამბობს მოპოვებულ სტატუსზე და აცნობიერებს, რომ პირადი და ოჯახური ცხოვრების ხარჯზე გაკეთებული კარიერა მისთვის ბედნიერების მომტანი არ იქნებოდა. მან ხომ ყველაზე უკეთ გაიაზრა მირანდა პრისტლის რეალური ბუნება და მოიგო ომი საკუთარი თავთან, აირჩია რეალური ბედნიერება, რომელიც მისთვის ორგანული და კომფორტული იყო.
დღეს ძალიან ცოტა "ენდი" თუ შემხვდება. იმ აზრამდეც ვარ მისული, რომ არაცნობიერი "აისბერგის" ქვედა კი არა, ზედა ნაწილი მგონია, სხვანაირად ვერ ვიფიქრებდი ადამიანის ბუნებრიობისა და ორგანულობის ფენომენზე, ბედნიერებასა და "ბედნიერებაზე", რომ არა რაღაც სხვა შინაგანი ძალა, რომელსაც ჰარმონიაში მოჰყავხარ საკუთარ თავთან. რწმენა, რომელიც გაუაზრებლად გინათებს გონებას. ენერგია, რომელიც გავიწყებს "როლებს" და გიქმნის სასიამოვნო აურას. მიგიღებენ მაშინ, როდესაც საკუთარ თავს მიიღებ ისეთს, როგორიც ხარ და არა ისეთს, როგორიც გინდა, რომ იყო. სჯობს, ვძულდეთ ორგანული, ვიდრე ვუყვარდეთ მოჩვენებითი. შორს პირად ცხოვრებაში "ეგომარკეტინგისგან"! ბედნიერება ჩვენშია.

დათა ალექსეევი
ჟურნალი ბომონდი, აგვისტოს ნომერი
ყველაზე უგემოვნოდ ჩაცმული ვარსკვლავები MTV-ის წითელ ხალიჩაზე!
გთავაზობთ ტოპ 10 ყველაზე უგემოვნოდ ჩაცმულ ვარსკვლავს MTV-ის დაჯილდოების წითელი ხალიჩიდან.

1. Blac Chyna 



2. Amber Rose



3. Flyyy Sky



4. Snooki



5.  Tana Mongeau






6.Nico Tortorella



7.  Morgan Saint



8. Sofia Carson



9. Erica Mena



10. Lily Barrios



ასევე დაგაინტერესებთ:

ყველაფერი, რაც უნდა იცოდეთ 2018 წლის MTV-ის დაჯილდოების შესახებ!
საუკეთესო ლუქები MTV VMA-ს წითელი ხალიჩიდან!
ყველაფერი, რაც უნდა იცოდეთ 2018 წლის  MTV-ის დაჯილდოების შესახებ!
ჩვენი დროით დღეს დილის 8 საათზე ნიუ-იორკში დამთავრდა MTV-ის 2018 წლის მუსიკალური ვიდეოების დაჯილდოება. დაჯილდოება ყოველწლიურად იმართება და ავლენს საუკეთესო არტისტებსა და ვიდეობს მუსიკის სხვადასხვა ჟანრში. წლევანდელ ცერემონიაზე ყველაზე მეტი ნომინაცია ახალგაზრდა ქალ ჰიპ-ჰოპ შემსრულებელს ქარდი ბის ჰქონდა, რომელიც 12 ნომინაციაში იყო წარდგენილი. ის გასულ ღამეს დაჯილდოების ტრიუმფატორი გახდა და 3 ნომინაციაში მოიპოვა გამარჯვება: „ზაფხულის საუკეთესო სიმღერა“ „საუკეთესო ახალი შემსრულებელი“ და „საუკეთესო კოლაბორაცია“.


ასევე სამი ჯილდო მოიპოვა Childish Gambino-მ, ჰიტისთვის “This is America”. 2 მთავარ ნომიაციაში „წლის ვიდეო“ და „წლის საუკეთესო შემსრულებელი“ ახალბედა მომღერალმა კამილა კაბეიომ გაიმარჯვა, ჰიტისთვის „Havana”.



მას საუკეთესო ვიდეოს ჯილდო პოპის დედოფალმა მადონამ გადასცა, რომელიც სპეციალურად იყო მოწვეული ცერემონიაზე, რომ ესაუბრა რამდენიმე დღის წინ გარდაცვლილ არეთა ფრანკლინზე და ყოფილიყო წლის ვიდეოს ნომინაციის პრეზენტყატორი.



როგორც ჩვენთვის ცნობილი იყო მაიკლ ჯექსონის სახელობის ჯილდოს მფლობელი ლეგენდარული ჯენიფერ ლოპესი გახდა. ჯეი ლოს ცერემონიაზე სპეციალური პერფომანსი ჰქონდა, რომელშიც მომღერალს გაერთიანებული ჰქონდა თავისი ყველა დროს ყველაზე წარმატებული სიმღერები.



საუკეთესო ჰიპ-ჰოპ ვიდეოს ნომინაციაში გაიმარჯვა ლეგენდად ქცეულმა ქალმა რეპერმა ნიკი მინაჟმა. ეს ნიკის მესამე გამარჯვება იყო ამ კატეგორიაში.



საუკეთესო პოპ ვიდეოს ნომინაციაში ჯილდო მიიღო არიანა გრანდემ ვიდეოსთვის „No Tears Left to Cry”. დაჯილდოებაზე ასევე პერფორმანსები ჰქონდათ შონ მენდესს, ნიკი მინაჟს, არიანა გრანდეს, ჟენიფერ ლოპეზს, მალუმას და სხვა ვარსკვლავებს. 



ასევე დაგაინტერესებთ: 

საუკეთესო ლუქები MTV VMA-ს წითელი ხალიჩიდან!