პერსონა

 UNICEF SUMMER GALA-ს წითელი ხალიჩა!
გუშინ ღამე იტალიის ქალაქ პორტოში მდებარე ვილა ვიოლინაში UNICEF SUMMER GALA გაიმართა. გალა დაეხმარა და თანხა შეუგროვა ყველაზე დაუცველ ბავშვებს მსოფლიოში. რა თქმა უნდა საღამოზე უამრავმა ვარსკვლავმა მოიყარა თავი. ასევე საინტერესო იყო მათი ჩაცმულობაც „წითელ ხალიჩაზე“. UNICEF SUMMER GALA-ზე, პერფომანსები ჰქონდათ რიტა ორას, რიკი მარტინსა და სოფია კარსონს. გთავაზობთ ფოტოებს წითელი ხალიჩიდან:

რიტა ორა


 



ჰაიდი კლუმი და  ტომ კაულიტცი

რიკი მარტინი და  ჯოენ იუზეფი




 

ნიკოლ შერზინგერი




 

ემილი რატაკოვსკი





მიშელ როდრიგესი


ჟასმინ სანდერსი


სოფია კარსონი





ჟასმინ ტუკესი

 

 

 

კაილი ჯენერი გუშინ საკუთარ დაბადების დღეზე ოჯახთან ერთად ახალი იმიჯით წარსდგა!
ყველაზე პოპულარული ოჯახის ერთ-ერთ წევრს კაილი ჯენერს დღეს 21 წელი შეუსრულდა. ახალგაზრდა გოგონამ, რომლის ქონებაც უკვე 1 მილიარდ ამერიკულ დოლარს შეადგენს, გუშინ ღამით ოჯახის წევრები Delilah-ის კლუბ\რესტორანში დაპატიჟა. კარდაშიანები და ჯენერები დაიკოს დაბადების დღეზე სრული შემადგენლობით იყვნენ მისულები. კაილიმ წვეულებამდე ცოტა ხნით ადრე, საკუთარ ინსტაგრამზე განათავსა ფოტო სადაც გოგონა ახალი იმიჯით წარსდგა. მან თმა ქერად შეიღება და საღამოსთვის ვარდისფერი აბრეშუმის კაბა მოირგო. ნახეთ მიმავალი ოჯახის პაპარაცული ფოტოები კაილის სადაბადებისდღეო ვახშმზე.

კაილი ჯენერი





კიმ კარდაშიანი



კორტნი კარდაშიანი და კენდალ ჯენერი



კორტნი კარდაშიანი



ხლოე კარდაშიანი



კრის ჯენერი

ირინა შეიკის საყვარელი მისამართები მალდივებზე - სად საუზმობს მოდელი, როგორ იღებს ფოტოებს და რას კითხულობს სანაპიროზე
თუ ირინა შეიკს დიდხანს ვერ იხილავთ ვარსკვლავურ წრეში ან პაპარაცულ ფოტოებზე, შეგიძლიათ დარწმუნებული იყოთ, რომ მოდელი მალდივებზე ისვენებს. ირინას ინტერვიუებში არაერთხელ აღუნიშნავს, რომ ეს დედამიწაზე მისი საყვარელი ადგილია, სადაც ის განტვირთვისა და შთაგონებისთვის ხშირად ბრუნდება. ფრანგულ Vogue-ს ირინა შეიკმა ყველა პაროლი და ნიშანი გაუმხილა - რას მიირთმევს, სად დადის და რით არის დაკავებული მარჯნის კუნძულებზე.

საყვარელი სასტუმრო მალდივებზე?

მხოლოდ Four Seasons Maldives.



სად არის მალდივებზე ყველაზე გემრიელი საუზმე?

მე სასტუმროში მიყვარს საუზმობა, რაც შეიძლება ახლოს ოკეანესთან.

ლანჩი?

აირჩიეთ ადგილი ახალი ზღვის პროდუქტებით.

რომელია საუკეთესო სანაპირო?

ერთი საუკეთესო აქ არ არის, ყველა სანაპირო იმდენად კარგია, რომ სუნთქვა მეკვრება.



საუკეთესო აუზი?

მე მომწონს ზღვის წყლით.

რა წავიკითხოთ პლაჟზე?

მე კიდევ ერთხელ ვკითხულობ დოსტოევსკის „იდიოტს“.

და რას უსმენ?

კლასიკურ მუსიკას.



რა უნდა გქონდეს სანაპირო ჩანთაში აუცილებლად?

ბოთლით წყალი, C ვიტამინი, ტუჩის ბალზამი, ქუდი და თხელი ქსოვილი სახის დასაფარად, რათა მზისგან დავიცვა. ყოველთვის თან მიმაქვს მზისგანდამცავი საშუალება SPF50 და ვარდისფერი წყალი.

რა გაცვია?

LoveShackFancy-ის ჰაეროვანი საზაფხულო კაბები, „შლოპანცები“ და Hermès-ის ქუდი.

ზაფხულის საუკეთესო კოქტეილი?

ქოქოსის წყალი.



საყვარელი კერძი, რომლის მომზადება შეიძლება მალდივებზე?

პომიდვრის სალათი ზეითუნის ზეთით.

იდეალური საზაფხულო ფილმი, რომელიც დასვენებისას უნდა ნახო?

ფილმებს სერიალები მირჩევნია. ამჟამად მომწონს “მხევლის წიგნი“.

მალდივებზე სად გამოდის ყველაზე კარგი სურათები?

წყალში მზის ჩასვლის დროს.



ანა ვერძაძე
დაპირისპირება ანჯელინა ჯოლისა და ბრედ პიტს შორის ისევ გრძელდება!
უკვე 2 წელია ულამაზესი წყვილი რაც დაშორდა და დაიწყო დიდი პრობლემები მათ ცხოვრებაში. ამ ხნის მანძილზე მათ შორის მიმდინარეობს უდიდესი დავა და გარჩევები  ადვოკატების დახმარებით. მას შემდეგ რაც ბრედის იურისტების გუნდმა პრესაში წარადგინა ფურცელი, რომელშიც მოცემულია, რომ მას გადახდილი აქვს მილიონობით დოლარი შვილებისთვის და მათი კომფორტისთვის, გუშინ ანჯელინას იურისტებმა გაავრცელეს ინფორმაცია, რომ ის ვალდებულებები რაც დაკისრებული აქვს ბრედს ყოფილი ცოლისა და შვილების მიმართ ბოლომდე არ ასრულებს.



2016 წლის სექტემბერში, როდესაც ანჯელინას და შვილებს მოუწიათ გადასულიყვნენ სხვასთან, ადვოკატებმა ბრედს სთხოვეს დახმარებოდათ მეუღლესა და შვილებს ბინის შეძენაში. ბრედიც დაეხმარა მათ და 8 მილიონი დოლარი გადაურიცხა და გადაუხადა ყველა გადასახადი. ანჯელინას იურისტის განცხადებით, მსახიობი ძალიან მადლიერია ამ ვალით, რომელიც მოხმარდა ერთობლივ შვილებს და მათ კეთილდღეობას.

ახლა ანჯელინა ბრედს საჯაროდ სთხოვს, რომ მიიღოს შვილების აღზრდაში მონაწილეობა. დაფაროს შვილების ხარჯების 50%. ბოლო ორი წლის განმავლობაში ზემოთ ნახსენები ინციდენტის გარდა ბრედს არ მიუღია მონაწილეობა შვილების აღზრდაში. ამერიკული კანონების თანახმად კი, ბრედი ვალდებულია 50% მიიღოს მონაწილეობა შვილების ცხოვრებაში. ანჯელინას იურისტმა განაცხადა: „ჩვენ ძალიან დიდი იმედი გვაქვს, რომ მოლაპარაკება შედგება მალე და არ მოგვიწევს საქმის გართულება და შეხვედრების სასამართლოში გაგრძელება“.
ანნა მარგველაშვილი - როგორია იყო პრეზიდენტის ქალიშვილი
ანნა მარგველაშვილი არაერთხელ აღმოჩენილა საზოგადოების ყურადღების ცენტრში. არაერთგვაროვანი დამოკიდებულების მიუხედავად, ყოველთვის გამოირჩეოდა თავისუფლებით და საკუთარი პოზიციის დაცვით. ეს თვისებები აქვს ჩვენს პრეზიდენტსაც. საპრეზიდენტო ვადა მალე იწურება. რა იქნება ჩვენს პოლიტიკურ ცხოვრებაში, უახლოეს მომავალში არჩევნები განსაზღვრავს. როგორ შეიცვლება პრეზიდენტის და მისი ქალიშვილის ცხოვრება?...
მარგველაშვილები, - პოლიტიკის, ინტრიგებისა და საპრეზიდენტო რეგალიებს მიღმა...

- ანნა, ბატონი გიორგი ყოველთვის იქცევდა საზოგადოების ყურადღებას, ჯერ როგორც პოლიტიკურ პროცესებში ჩართული პიროვნება, ხოლო შემდეგ, როგორც ჩვენი ქვეყნის პრეზიდენტი. შესაბამისად, თქვენც არაერთხელ აღმოჩნდით საზოგადოების ყურადღების სამიზნე. ხომ არ გაღიზიანებდათ მის ჩრდილში ყოფნა და თვითდამკვიდრების გზებს ხომ არ ეძებდით?

- არასდროს დამჭირვებია თვითდამკვიდრებისთვის ბრძოლა. შეიძლება იმიტომ, რომ თავისუფლად ვიზრდებოდი და ყოველთვის მქონდა საკუთარი პოზიცია და ხმა ოჯახში. მამა ყოველთვის მეამაყებოდა, ყოველთვის ვთვლიდი, რომ მამა ყველაზე ჭკვიანი იყო და ყველას ჯობდა. დღემდე ამ დამოკიდებულებას ვინარჩუნებ მის მიმართ. მგონია, რომ ოჯახის წევრებში ძალიან გამიმართლა.



- ვის და რა თვისებებით ჰგავხართ, ან განსხვავდებით მამისგან?

- გარეგნობით მას ვგავარ. ხასიათით, ალბათ უფრო დედას. მამას ვგავარ იმით, რომ ორივეს ემოციური, ფეთქებადი ხასიათი გვაქვს. ხდება ისეც, რომ ზოგჯერ ერთმანეთთან კომუნიკაცია გვიჭირს, კომპრომისზე მე მივდივარ. თავად პრინციპული ადამიანია, მისი აზრი ყოველთვის არგუმენტირებულია. ამდენად, თავის პოზიციას მყარად იცავს. ეს პოზიცია ეხება ყველას. ზოგადად, სამყაროს თუ ადამიანების მიმართ გაანალიზებული, ობიექტური, დასაბუთებული შეფასება აქვს. ცდილობს, ასე იყოს... თავის პრინციპებს არ ღალატობს.

- რა იყო თქვენი სასაუბრო თემა, რა საკითხს განიხილავდა თქვენთან?

- მახსენდება ის, რომ პირველივე წინააღმდეგობასა თუ პრობლემაზე მამას მივმართავდი. 15 წლის ასაკში, თუნდაც პირად ცხოვრებაში არსებული პრობლემების შესახებ მამამ ყველაფერი იცოდა. ჩემს აზრს ყოველთვის ვუზიარებდი. ყოველთვის მაძლევდა ჩემთვის მნიშვნელოვან რჩევას. დღემდე მახსოვს მისი ფრაზები, რომელსაც მიზიარებდა როგორც ცხოვრებისეულ კრედოს.

- ასეთი ფრაზებიდან რომელს გაიხსენებდით?

- მასწავლიდა პრინციპულობას. რაც ყველაზე მეტად ჩამრჩა გონებაში, თავმოყვარეობას ეხება - საკუთარი თავმოყვარეობა არასდროს არ უნდა შემელახა.

- ამასობაში თქვენს ცხოვრებაში პოლიტიკა შემოვიდა. როგორი გავლენა მოახდინა პოლიტიკამ თქვენს ცხოვრებასა და ურთიერთობაზე?

- პოლიტიკური ზეგავლენა ნაკლებად შეგვეხო... უფრო ის არის, რომ ურთიერთობისთვის ნაკლები დრო რჩება. მე თბილისში ვცხოვრობ, მამა დუშეთშია. ერთად ცოტა დროს ვატარებთ. თუმცა, როცა მასთან საუბარი მსურს, ყოველთვის გამოძებნის დროს. არაფერი შეცვლილა ჩვენ შორის.



- როგორ ფიქრობთ, პრეზიდენტის პოზიციაში რა იყო მისთვის მომხიბვლელი და თქვენ რას ელოდით?

- პოლიტიკაში უცებ არ აღმოჩენილა. პოლიტიკურ პროცესებში აქტიურად იყო ჩართული. წინა ხელისუფლების რეჟიმს ხშირად აკრიტიკებდა და ყოველთვის აფიქსირებდა თავის პოზიციას. ამ კითხვის ნაწილზე, ალბათ თავად უნდა გიპასუხოთ. ამ თემას არასდროს შევხებივართ. რაც შეეხება ჩემს მოლოდინს... ძალიან ნეგატიური რეაქცია მქონდა. პირდაპირ ვიტყვი, პოლიტიკური სიტუაციებიდან გამომდინარე, ძალიან შემეშინდა, მის სიცოცხლეს საფრთხე არ შეჰქმნოდა. მახსოვს, ბებიას დავურეკე და ვეუბნებოდი, რად გვინდა ეს ყველაფერი-მეთქი. ძალიან ვინერვიულე. მის გადაწყვეტილებას, რასაკვირველია, პატივს ვცემ და მას შემდეგ ამ საკითხს აღარ შევხებივარ, თუნდაც იმიტომ, რომ მის გადაწყვეტილებებში არასდროს შემიტანია ეჭვი. ეს ნაბიჯი გადადგა, რადგან ასე ჩათვალა საჭიროდ.

- რა შეიცვალა ანა მარგველაშვილის ცხოვრებაში?

- ამ კითხვას ყველაზე ხშირად სვამენ, რომელზეც პასუხი არასდროს მაქვს. რაღაც შეიცვალა იმ მხრივ, რომ უცებ ყურადღების ცენტრში აღმოვჩნდი. განსაკუთრებით ჟურნალისტების ყურადღება მივიქციე. თავიდან ძალიან არ მომწონდა, რომ ჩემი პირადი ცხოვრება განხილვის საგანი გახდა. მანამდე სოციალურ ქსელში აქტიურად ვიყავი ჩართული. ეს ყველაფერი იმდენად მოულოდნელი რაკურსით შემომიტრიალდა, რომ... ყველამ ჭკუის დარიგება დამიწყო. თავიდან ყველაფერი მაღიზიანებდა. მერე, მივეჩვიე. უფრო სწორად, ყურადღებას რადგან არ ვაქცევდი, თავისთავად განელდა ჩემ მიმართ ინტერესი. ვთვლი, რომ ჩემი თემა აღარ არის საზოგადოებაში აქტუალური.

- მოახდინა თუ არა საზოგადოებრივმა აზრმა თქვენზე გავლენა და შეზღუდა თქვენი თავისუფლება?

- არა. ადრეულ ასაკში მქონდა პერიოდი, როცა დავდიოდი კლუბებში, ვერთობოდი. ეს ყველაფერი ასაკობრივი იყო. შემდეგ გავთხოვდი, გამიჩნდა შვილი და სხვა ინტერესები გამიჩნდა. ვიდეოს ჩაწერის და სიმღერის სურვილმა გადამიარა. ამიტომ შედარებით მშვიდად დავიწყე ცხოვრება.

- ახლა რა ინტერესები გაქვთ, როგორია ანა პოლიტიკური რაკურსის და პრეზიდენტის ქალიშვილის იმიჯის გარეშე?

- ვმუშაობ. ამდენად, ჩემი ყოველი დღე სამსახურში წასვლით იწყება. შინ დაბრუნებული დროს შვილთან ვატარებ. ორი წლის გახდა. შესაბამისად, მეტი ყურადღება სჭირდება. მეც მეტ პასუხისმგებლობას ვგრძნობ. მინდა, მას არაფერი, მათ შორის ჩემი ყურადღება არ მოვაკლო. შაბათ-კვირას მეგობრებთან ვატარებ. ამ დღეებში ბავშვი მამას მიჰყავს და ახლაც, გადაღებაზე წამოსულმა ბებიასთან დავტოვე. ასეთია ჩემი ყოველდღიური ცხოვრება.



- ამასობაში, თავისუფლების სიყვარული, რაც თქვენში იგრძნობოდა, ხომ არ დაკარგეთ?

- სილაღეს არ ვიზღუდავ. საკუთარ პოზიციასაც ყოველთვის ვაფიქსირებ საზოგადოებაში. შეიძლება გავიზარდე. თქვენ თუ ჩაცმის გამომწვევ სტილს გულისხმობთ, ასე არასდროს მცმია. განა იმიტომ, რომ ვიღაცის აზრს ვითვალისწინებ, ასეთ სამოსში თავს კომფორტულად ვერ ვიგრძნობ. საცურაო კოსტიუმში გადაღებულ ფოტოებს დღემდე ვაზიარებ სოციალურ ქსელში. თუ ამას გულისხმობთ თავისუფლებაში...

- ტატუებს, რომელსაც ატარებთ, თავისი ისტორია აქვს?

- თითქმის ყველა ტატუ ორი წლის განმავლობაში გავიკეთე. ვფიქრობ, ტატუმ გამიტაცა და შევყევი... სიამოვნებით მოვიცილებდი ამ ჯვარს... თუნდაც იმიტომ, რომ ვერ ვხსნი, რატომ უნდა ვატარო. მეგობრებმა ერთნაირად გავიკეთეთ. მერე, იმან მოიცილა, მაგრამ მე დავიტოვე. ტატუს მოცილება ნაიარევს ტოვებსო და თავი შევიკავე. სხვა ტატუები ჩემი საყვარელი მულტფილმების გმირებია, რომლებიც მიყვარს. `არნოლდიდან~ მაქვს ჰელგა, რომელიც ჩემი საყვარელი პერსონაჟია. მაქვს მიკი მაუსებიც. მეორე ხელზე მამას ხელმოწერა გავიკეთე. რომელიც ყოველთვის მომწონდა. ერთხელაც მივედი მასთან და ხელი მოვაწერინე ისე, რომ არ იცოდა ჩემი ჩანაფიქრი. მეორე დღეს ტატუთი გამოვეცხადე.

- როგორი რეაქცია ჰქონდა?

- გაეცინა. ასეთ გადაწყვეტილებებში ჩემთვის წინააღმდეგობა არასდროს გაუწევია.

- ყოველთვის თავისუფლად გზრდიდათ?

- ყოველთვის მქონდა შეგრძნება, რომ ზრდასრული ვიყავი და ჩემი აზრი უნდა მქონოდა. თავად უნდა მიმეღო გადაწყვეტილებები.



- ასეთი მიდგომა დაგეხმარათ თუ ხელის შემშლელი აღმოჩნდა ცხოვრებაში?

- უფრო დამეხმარა, ასე გავიზარდე. მიჩვეული ვარ დამოუკიდებლობას. არც კი ვიცი, სხვანაირად რა უნდა ყოფილიყო. არასდროს გავუკონტროლებივარ ზედმეტი სატელეფონო ზარებით. მხოლოდ ერთი ამბავი მახსენდება... გარდატეხის ასაკში გამიბრაზდა და დამინიშნა დრო, რომლისთვისაც არ უნდა გადამეცილებინა. ეს იყო ღამის 11 საათი და ამ შეთანხმებას ყოველთვის ვიცავდი.

- საპრეზიდენტო ვადა იწურება... როგორ ხვდებით ახალ რეალობას?

- დაძაბული არაფერში ვარ, ვერ ვიტყვი, რომ რამე შეიცვლება. საპრეზიდენტო ვადა რომ იწურება, ძალიან მიხარია. პოლიტიკა მაინც პირადი ანგარიშსწორებისა და ინტრიგების სარბიელი მგონია. ეს განსაკუთრებით აშკარა ხდება, როცა საინფორმაციო საშუალებებს ისმენ. მამას მიმართ გამოთქმულ არასასურველ აზრს ყოველთვის ემოციურად აღვიქვამ, როგორც ყოველთვის, უსამართლოა. ისიც ვიცი, რატომ. აბსოლუტურად ყველა, ნებისმიერი მხარე პირადი ინტერესებიდან გამომდინარე მოქმედებს. ამ დროს ისეთი აგრესია მიჩნდება... ცუდად ვხდები. ეს რომ დასრულდება, მიხარია. დავისვენებ. მისი პოზიცია ნაკლებად ვიცი, არ მიკითხავს, რა ემოციით ტოვებს პრეზიდენტის სავარძელს. ეს მისი საზოგადოებრივი ცხოვრებაა და მისი გადასაწყვეტია. პოლიტიკაზე ჩვენ არასდროს გვისაუბრია. პოლიტიკით თავადაც არ ვარ დიდად დაინტერესებული. ისიც არ ვიცი, შემდგომ რას აპირებს, რისი გაკეთება სურს. მის გადაწყვეტილებას, ნებისმიერ შემთხვევაში, პატივს ვცემ. მე ვიქნები მისი პოზიციის გამტარებელი და ყოველთვის გვერდში ვეყოლები.

- რით იყო თქვენთვის მომხიბვლელი პრეზიდენტის ქალიშვილობა? როგორც ჩანს, არასდროს გამოგიყენებიათ ეს სტატუსი, რადგან არ დატოვებდა საზოგადოება უყურადღებოდ...

- ისევ მამას პიროვნებიდან გამომდინარე, მისი სტატუსი როგორ უნდა გამომეყენებინა, ვერც კი წარმომიდგენია. მის ირგვლივ, მგონი, არავის გამოუყენებია. არც არავის მოსვლია აზრად და არც თავად მისცემდა ამის უფლებას, არავის.



- როგორი სტილის სამოსი მოგწონთ, რაშიც თავს კომფორტულად გრძნობთ?

- მომწონს თავისუფალი სტილის სამოსი. უნდა იყოს აუცილებლად კომფორტული. ვერ ვიტყვი, რომ ეს ბოლომდე სპორტული სტილია... სამსახურისა და მამას ოფიციალური შეხვედრების გამო მიწევს კლასიკური სტილის სამოსის ტარებაც. ვფიქრობ, ეს სტილიც მოვიხდინე. კაბებს იშვიათად ვატარებ. რატომღაც, ვერ შევარჩიე. კლასიკური სტილიდან პიჯაკები, პერანგები და შარვლები მომწონს.

- როგორ ისვენებთ?

- ვისვენებ, ძირითადად, მეგობრებთან ერთად. ხშირად ერთად ვსეირნობთ, ხშირად ძაღლთან და ბავშვთან ერთად ვსეირნობ. უკან ჩამოვიტოვე აქტიური, კლუბური გართობა. აღარ მიზიდავს.

- არაჩვეულებრივი ხარისხის თმა გაქვთ. როგორ უვლით?

- არ ვიღებავ. ვცდილობ, არ მივიკარო უთოც. იყო პერიოდი, როცა სალონის ხშირი სტუმარი ვიყავი და სულ ვივარცხნიდი. შესაბამისად, ძალიან დავიზიანე. ახლა პირიქით, ბუნებრივად ვიშრობ და ზედმეტად არ ვეხები.

- სახის კანს როგორ უვლით?

- რა გითხრათ... საშინელებები მაქვს გადატანილი. მკურნალობის სპეციალური კურსის მერე მომიწესრიგდა. ახლა განსაკუთრებულად აღარც ვუვლი.

- თავს როგორ უვლით, სპორტით თუ ხართ დაკავებული? ფორმას როგორ ინარჩუნებთ?

- სპორტულ დარბაზებში სიარულის დრო არ მაქვს. მგონია, რომ დადგება ის ეტაპი, როცა სპორტული ცხოვრება დამაინტერესებს. რამდენიმე წელია, სწორი კვების რეჟიმს ვიცავ. როცა ასე ვიკვებები, ფიზიკურადაც თავს კარგად ვგრძნობ. ამოღებული მაქვს რაციონიდან ტკბილეული, ცომეული და გაზიანი სასმელები. როცა ამ რეჟიმს ვარღვევ, ძალიან ცუდად ვგრძნობ თავს, ორგანიზმი ვეღარ ეგუება.


ტექსტი: ქეთი დარჩია

Photo: Ika Khargelia
Mua/Style: Teko Shenken
Hair: Georege Eliadze
Apparel: Eloshi, Bessarion.



პროვინციელი გოგოდან სუპერ მოდელამდე

რუსმა მოდელმა, ირინა შეიკმა პრაქტიკულად შეუძლებელი შეძლო. ჩვეულებრივი გოგონა, ჩელიაბინსკის რაიონის პატარა ქალაქიდან, მსოფლიოს ერთ-ერთი ყველაზე მოთხოვნადი მოდელი გახდა. 

2018 წელს დანიშნული ვარკსვლავები
2018 წელი ვარსკვლავური ნიშნობების წელი არმოჩნდა. წლის ბოლომდე 4 თვეა დარჩენილი და უკვე უამრავი ნიშნობისა თუ სამეფო ქორწილის მოწმეები გავხდით. გთავაზობთ ვარსკვლავური წყვილების სიას, რომელთა ნიშნობებმაც მსოფლიოში დიდი ხმაურით ჩაიარა.

1. სუპერმოდელი კარლი კლოსი და ამერიკელი ბიზნესმენი ჯოშუა კუშნერი.



ნიშობის შესახებ კარლიმ საკუთარი ინსტაგრამის საშუალებით გვამცნო, რომელსაც პატარა ტექტი დაურთო: „ისე მიყვარხარ, რომ სიტყვებით ვერ გადმოვცემ. ჯოშ შენ ხარ ჩემი საუკეთესო სულიერი მეგობარი. მსურს მთელი ცხოვრება ერთად გავატაროთ, დიახ მილიონი წელი“.

2. მომღერალი არიანა გრანდე და მსახიობი პიტ დევიდსონი.



ხანგრძლივი რომანტიული ურთიერთობის შემდეგ წყვილი 21 ივნისს დაინიშნა.

3. მომღერალი ჯასტინ ბიბერი და მოდელი ჰეილი ბალდვინი.



გოგონების გულთა მპყრობელი მომღერალი და 21 წლის მოდელი 7 ივლისს ბაჰამაზე დაინიშნენ. ვრცელდება ჭორები, რომ წყვილმა დაახლოებით ერთი კვირის წინ ჩუმად იქორწინა.

4. მომღერალი ელი გოულდინგი და კასპარ ჯოპლინგი.



სხვა წყვილებისგან განსხვავებით მომღერალმა ელიმ ნიშნობის შესახებ ტრადიციულად გაამჟღავნა მსოფლიოში. მან თავისი და კასპარის ნიშნობის შესახებ გამოცემა “London Times“-ის მეშვეობით გაახმაურა.

5. მომღერალი ნიკ ჯონასი და მსახიობი პრიანკა ჩოპრა.



ამერიკელი მომღერალი ნიკ ჯონასი და ინდოელი მსახიობი პრიანკა ჩოპრა 2თვიანი ურთიერთობის შემდეგ დაინიშნენ. 25 წლის მომღერალმა ხელი პრიანკას 36 წლის იუბილეზე სთხოვა ლონდონში. ნიკმა თავის საცოლეს Tiffany & Co-ს ნიშნობის ბეჭედი აჩუქა.

6. მოდელი დევონ უინძორი და ჯონი დექსი.



24 წლის მაერიკელი მოდელი სულ ცოტა ხნის წინ ბაჰამის კუნძულებზე დაინიშნა. დევონი დარწმუნებული იყო, რომ ბაჰამაზე გადაღებისთვის მიდიოდა. იქ ჩასულს კი მისმა ბოიფრენდმა ჯონიმ სიურპრიზი მოუწყო და თავის რჩეულს ხელი სთხოვა.

7. მსახიობი ტარაჯი პ. ჰენსონი და ფეხბურთელი კელვინ ჰაიდენი.



ტარაჯი და ამერიკული ფეხბურთის მოთამაშე კელვინი დედის დღეს დაინიშნენ. ნიშნობის შესახებ მსახიობმა ინსტაგრამის მეშვეობით შეატყობინა მსოფლიოს.

8. მოდელი იზაბელ გოულარტი და ფეხბურთელი კევინ ტრაპი.



5 ივლისს ვიქტორია სეკრეტის ანგელოზი იზაბელი და გერმანელი ფეხბურთელი კევინი დაინიშნენ. მოდელმა ინსტაგრამზე ვიდეო გაავრცელა სადაც მას ნიშნობის, ბრილიანტის ბეჭედი უკეთია.
ლეგენდარული ბიონსე "მოდის ბიბლიის" გარეკანზე!
22 გრემის მფლობელი, ამერიკელი მომღერალი ბიონსე Vogue-ის ამერიკული გამოცემის სექტემბრის ნომრის გარეკანზეა. ჟურნალისთვის ფოტოგაფი თავად მომღერალმა აარჩია. ბიონსეს რჩეული 23 წლის აფროამერიკელი ფოტოგრაფი ტაილერ მიტჩელი გახდა. აღსანიშნავია ის ფაქტიც, რომ ვოგის 126 წლიან ისტორიაში, პირველად გადაიღო შავკანიანმა ფოტოგრაფმა ყდის ფოტოსესია.



ჟურნალი ორი სხვადასხვა ყდით გამოჩნდება. ერთ-ერთზე ბიონსეს იტალიური ბრენდის Gucci კაბა აცვია (ფოტო1), ხოლო თავსაბურავი შექმნა Lynn Ban-მა. მეორეზე გარეკანზე მომღერალს ამშვენებს Alexander McQueen-ის კაბა და კორსეტი.(ფოტო 2)



ფოტოსესიაში გამოყენებულია Lynn Ban-ის, Bulgari-ს, Anthony Vaccarello-ს, Lorraine Schwartz-ის და Philip Treacy-ს აქსესუარები და სამკაულები. გადაღების ედითორი Tonne Goodman-ია, რომელმაც ფოტოსესიისთვის ვარსკვლავს მოარგო Louis Vuitton-ის, Alberta Ferretti-ს, Valentino-ს, Dior-ისა და Wales Bonner-ის კოსტიუმები.


ასევე დაგაინტერესებთ:

რიანა Vogue-ს სექტემბრის ნომრის ყდაზეა!
პოპის დედოფალი, უბერებელი მადონა Vogue-ის გარეკანზეა!
ბიონსემ წამოზრდილი შვილები რუმი და სერა გამოაჩინა

ნახეთ გალერეა: 


პრინცესა დიანას 10 ციტატა

„მე ყოველთვის ვიცოდი, რომ არ ვიქნებოდი შემდეგი დედოფალი. მე მინდა ვიყო ადამიანთა გულების დედოფალი, მაგრამ ვერ ვხედავ თავს ამ ქვეყნის დედოფლად“.

რიანა Vogue-ს სექტემბრის ნომრის ყდაზეა!
ბრიტანული Vogue-ს სექტემბრის ნომრის ყდაზე ამერიკელი მომღერალი რიანაა. სპეციალური 400 გვერდიანი სექტემბრის ნომერი მოგითხრობთ ყველაფერზე თუ რითი უნდა შეიმოსოთ, რა უნდა ატაროთ და რა უნდა შეიძინოთ. ალბათ ყველამ იცით, ჟურნალის სექტემბრის ნომერი ყოველთვის წლის მთავარი გამოშვებაა. რიანასთვის და ვოგისთვის Makoto Azuma-მ სპეციალურად შექმნა ყვავილებისგან დიდი თავსაბურავები, რომელიც ფოტოსესიაში ერთ-ერთ მთავარ როლს შეადგენს.



აღსანიშნავის ის ფაქტიც, რომ რიანა პირველი ფერადკანიანი მანდილოსანია, რომელიც ბრიტანული ვოგის სექტემბრის ნომრის სოლო ყდაზეა დაბეჭდილი. ფოტოსესია ფოტოგრაფ ნიკ ნაითს ეკუთვნის, ხოლო სტილი თავად ბრიტანული ვოგის რედაქტორს ედვარდ ენინფულს. ფოტოსესიაში გამოყენებულია მთავარ ლუქად ალექსანდრ მაკ-ქუინის პიჯაკი, ასევე ლუქები ეკუთვნით მარკ ჯეიკობსს, პრადას, ლოევს, ნოირ ქეი ნინომიას და სხვა.



ასევე დაგაინტერესებთ:

პოპის დედოფალი, უბერებელი მადონა Vogue-ის გარეკანზეა!
ჰიპ-ჰოპის დედოფლი ნიკი მინაჟი Harper's Bazaar-ის გარეკანზე



ნახეთ გალერეა:
ჯეი ლოს მაიკლ ჯექსონის სახელობის ჯილდოს გადასცემენ!

ზუსტად  ორ კვირაში ნიუ იორკი MTV-ის ვიდეოების დაჯილდოებას უმასპინძლებს.  უკვე გახდა ცნობილი, რომ ყოველწლიური მაიკლ ჯექსონის სახელობის აიკონის ჯილდო ამჟამად 49 წლის ჯენიფერ ლოპესს გადაეცემა, მუსიკაში დაგროვილი წვლილისთვის. მომღერალმა წელს რიგით მეცხრე სტუდიური ალბომი დააანონსა, რომლიდანაც რამდენიმე ჰიტად ქცეული სიმღერის მოსმენა უკვე შეგვიძლია.



მომღერლის ბოლო ჰიტი სახელწოდებით „Dinero”, რომელიც კოლაბორაციაა ქარდი ბისთან და დიჯეი ქალედთან ერთად, მსოფლიო ჩარტებში მოწინავე პოზიციებს იკავებს. 20 აგვისტოს ჯეი ლო სპეციალურ პერფორმანსს შესთავაზებს მაყურებელს, რომელიც მომღერლის ყველა ჰიტს კიდევ ერთხელ გაგვახსენებს.

ასევე დადასტურდა ინფორმაცია, რომ დაჯილდოებაზე პერფორმანსები ექნებათ არიანა გრანდეს, შონ მენდესსა და ლოჯიქს, რომლებიც თავიანთ ახალ სიმღერებს შეასრულებენ.


ასევე დაგაინტერესებთ:

2018 წლის MTV-ის დაჯილდოების ნომინაციები ცნობილია!

თეთრი ზედა - შავი ქვედა: დედოფალ ლეტიციას შესანიშნავი ლუქი
მალიორკას კუნძულზე ესპანელი მონარქების შვებულება გრძელდება. დონა ლეტიცია დღისით თეთრი კაბით გამოჩნდა, პერფორაციებით, საღამოსთვის კი მან უფრო ელეგანტური ლუქი შეარჩია. აშკარაა, რომ სასკოლო სტილი დღემდე წარმატებით მოქმედებს.

მევიოლინე არი მალიკიანის კონცერტისა და ოჯახური ვახშმისთვის, ლეტიციამ ატლასის თეთრი, ბრეტელებიანი მაისური და აბრეშუმის შავი შარვალი შეარჩია. დედოფლის განსაკუთრებული უნარია - რთული მატერიის იდეალურ მდგომარეობაში შენარჩუნება, გვიანი და ხანგრძლივი ვახშმის შემდეგაც კი.


ანა ვერძაძე