ტენდენციები

Jimmy Choo-ს არასტანდარტული იმპერატორი

რამდენიმე წელიწადი გავიდა მას შემდეგ, რაც ცნობილი ფეხსაცმლის ბრიტანული მარკა, Jimmy Choo, თანადამფუძნებელმა თამარა მელონმა დატოვა. კომპანიის დიზაინს სათავეში სანდრა ჩოი ჩაუდგა, ნათესავი იმ ჯიმი ჩუსი, რომელმაც 90-იან წლებში ბრენდი შექმნა. კრეატიული დირექტორის თანამდებობაზე ორი შვილის დედა, 46 წლის სანდრა თავდაჯერებულად გრძნობს თავს და ბოლომდე დარწმუნებულია საკუთარ შესაძლებლობებში. იგი მარკის დაარსების დღიდან მუშაობდა ჯიმისთან სხვადასხვა პოზიციაზე, ხოლო დაახლოებით ექვსი წლის წინ ოფიციალური "კურთხევა" მიიღო და დღეს კომპანიის კრეატიული დირექტორი და მარკის მთავარი სახეა.




- Jimmy Choo-ს ერთ-ერთი დამფუძნებელი ბიძაჩემი ჯიმი ჩუც იყო და სწორედ მან მიმიწვია კომპანიაში სამუშაოდ 1996 წელს, მისი დაარსების პირველივე დღიდან. მაშინვე დამეკისრა პასუხისმგებლობა, ახალი მოდელების შექმნის პროცესისთვის თვალყური მედევნებინა. სანამ სენტ-მარტინის სკოლაში ვსწავლობდი, ბევრი ფიქრობდა, რომ მენეჯერობა ჩემთვის შესაფერისი იქნებოდა. ერთადერთი ადამიანი მარკის იმჟამინდელი კურატორი იყო, რომელიც დაბეჯითებით მიმტკიცებდა, რომ დიზაინერობის უდიდესი ნიჭი მქონდა. მიხარია, რომ, განგების ნებით, წარმატებით შევუთავსე პირველი პროფესია მეორეს.



პირველ წლებში პატარა გუნდი გვყავდა, მთლად გაწაფულნი არ ვიყავით, ამიტომაც გადაწყვეტილებებს თითქმის ინსტინქტურად ვიღებდით. ნელა მივიწევდით წინ, ყოველთვის ვერ ვასწრებდით, რომ ცვლილებისთვის დროულად აგვეწყო ფეხი. მაგრამ გავიდა დრო, გამოცდილება შევიძინეთ და ბევრად კრეატიულები გავხდით _ ახლა თავად შთავაგონებთ სხვებს ტრენდულ იდეებსა და მოდურ ტენდენციებს.

დროთა განმავლობაში, ქალის ფეხსაცმლის ხაზის პარალელურად, მამაკაცის ხაზიც განვავითარეთ, ასევე - ჩანთების, აქსესუარებისა და პარფიუმერიის, მაგრამ ფეხსაცმელი ჩვენთვის ყოველთვის პრიორიტეტული იქნება.



რა თქმა უნდა, რთულია, როცა ოჯახურ კომპანიაში მუშაობ და მთელი პასუხისმგებლობა მხრებზე გაწევს, ყველას მოლოდინი უნდა გაამართლო, ყველაფერს უნდა გასწვდე, მაგრამ ვახერხებ. ჩემთვის ეს პროცესი ჟონგლიორობასავითაა - რამდენიმე ამოცანას თავს ერთდროულად ვართმევ, არა მარტო დიზაინზე ვფიქრობ და ვზრუნავ, არამედ ინტერვიუების მისაცემადაც კი მრჩება დრო, შეხვედრებზეც დავდივარ. ვისწავლე ბალანსის დაცვა და სწორედ ეს არის ჩემი უდიდესი პასუხისმგებლობა, ამავდროულად ჩემი მთავარი სიამაყე.
კარგად ვიცნობ ჩვენი კომპანიის შიდა სამზარეულოს და, როცა მას სათავეში ჩავუდექი, არ გამჭირვებია, ჩემი ფანტაზიისთვის გასაქანი მიმეცა. თუმცა, მთლიანად არაფერი შემიცვლია, აქ ისედაც კარგადაა ყველაფერი აწყობილი. ჩემი მიზანი მხოლოდ ერთია - მარკის სახელი და დიდება გავამყარო და პროდუქციის დიზაინი გავაუმჯობესო. ყოველ წვრილმანში კრეატიულობის მარცვალი უნდა იგრძნობოდეს. ჩვენ უამრავ ფეხსაცმელს ვყიდით, იგი ფანტასტიკური ხარისხისაა. ჩვენ საუკეთესო ბრენდი გვაქვს - ვინც მის სახელს გაიგონებს, თვალები უბრწყინდება.



ახლა მთავარია წინ წასვლა და განვითარება. საუკეთესო მაღალქუსლიან ფეხსაცმელს ვკერავთ, მაგრამ ირგვლივ სხვა ბევრი რამეც არსებობს - დაბალქუსლიანი ფეხსაცმელი, ლანჩის ძირები, გლუვზედაპირიანი... თუნდაც კედები, ბოტასი...

გვყავს ისეთი კლიენტებიც, რომლებიც ამ მარკის ფეხსაცმელების სრულ კოლექციას აგროვებენ. და ასეთი კლიენტურა ასობით ადამიანს შეადგენს.

ისეთ სარეკლამო კამპანიას ვაწარმოებთ, იმდენად ფართომასშტაბიანს, რომ ბევრს ეს ბრენდი ამერიკული ჰგონია და უკვირთ, როცა იგებენ, რომ ბრიტანელები ვართ. პირველ რიგში Jimmy Choo დღესასწაულია, ეს არის ლამაზი ფეხსაცმელი, რომელსაც მაშინ ირგებ, როცა მნიშვნელოვანი რამ უნდა აღნიშნო. არ ვილტვით იმისკენ, რომ რომელიღაც კონკრეტულ ქვეყანას წარმოვადგენდეთ, ჩვენი ბრენდი, პირველ რიგში, გლობალური ბრენდია. ასე ვთქვათ, კოსმოპოლიტები ვართ.



დღეს ძალიან შემაშფოთებელია ბრეკსიტის (ინგლისური ნეოლოგიზმი, რომელიც ორი სიტყვის პრეფიქსების გაერთიანებაა - "ბრიტანეთი" და "ექსიტ", გასვლა, რაც მიგრაციას ნიშნავს) ტენდენცია. სამწუხაროდ, შეუძლებელია წინასწარ ამის გამოცნობა და კონტროლი, მაგრამ ამან მოდაზე გავლენა არ უნდა მოახდინოს, წინ უნდა ვიაროთ და ვაკეთოთ ის, რაც საუკეთესოდ გამოგვდის: დავამზადოთ ხარისხიანი ფეხსაცმელი, რომელიც ჩვენს კლიენტებს ძალიან მოსწონთ, და განვავითაროთ ბიზნესი _ იტალიის ფაბრიკიდან დაწყებული, მსოფლიოს სხვადასხვა ქვეყანაში გახსნილი მაღაზიებით დამთავრებული.

ხშირად საყვედურობენ მოდის მესვეურთ, ბოლო წლებში მოდა პოლიტიზებული გახდაო. ვერ დავეთანხმები ამ მოსაზრებას - ეს არ არის ბოლო წლების `გამოგონება~. მოდის დიზაინერები ყოველთვის რეაგირებდნენ ისტორიულ პროცესებსა და პოლიტიკურ სიტუაციებზე, ამაზე არაერთი დისერტაცია და წიგნი დაწერილა. გავიხსენოთ თუნდაც 90-იან წლებში რა გააკეთეს ვივენ ვესტვუდმა და კეტრინ ჰემნეტმა.



მიუხედვად იმისა, რომ Jimmy Choo ერთობ ახალგაზრდა ბრენდია, ჩვენი ფეხსაცმელი ქალებისთვის უდავოდ სტატუსის მატარებელი გახდა, როგორც სიმბოლო დამოუკიდებლობისა. ეს ყველაფერი კონკიას ზღაპრიდან მოდის და ყველას ბავშვობიდან გვაქვს ჩაგონებული, რომ ქალის ფეხსაცმელი ზღაპრული ნივთია. ამიტომაც გვეცვა ბავშვობაში ჩვვენი დედების მაღალქუსლიანი ფეხსაცმელი, რათა თავი ზრდასრულ ქალად გვეგრძნო. დროთა განმავლობაში კი, რაც უფრო გვემატება ასაკი, ეს ჯადოსნული ძალა არსადაც არ ქრება, პირიქით, რეალურ კონტურებს იძენს: დღისით ჩასაცმელი სამოსი მხოლოდ ფეხსაცმლის მეშვეობით შეიძლება საღამოს კოსტიუმად გადააქციო.



ხშირად მეუბნებიან, Jimmy Choo-ს იმპერიის იმპერატორი ხართო. აბა, რომელი იმპერატორი მე ვარ? ჩემი ყველაზე საყვარელი საქმიანობაა, დავჯდე და ესკიზები ვხატო. ამის კეთება არასდროს მბეზრდება. შემიძლია ვთქვა, რომ სრულიად არასტანდარტული იმპერატორი ვარ. გამორჩეულად არასდროს მაცვია, შემიძლია, ბოტასით გავიდე ქუჩაში და ვერასდროს ვერავინ მიხვდება, რომ ამხელა კომპანიას ვუდგავარ სათავეში.



კარიერის დასაწყისში არნახულად გამიმართლა - შევძელი სრულფასოვნად დავტვირთულიყავი დიზაინერის საქმიანობით ჯერ კიდევ სენტ-მარტინის სკოლაში სწავლის პერიოდში, მე ხომ ბიძაჩემთან ვცხოვრობდი და მის სტუდიაში ვმუშაობდი. ყოველთვის მადლობელი ვიქნები ამისთვის მისი, თუმცა, ხშირად ვნანობ, რომ ადრე მომიწია სწავლის მიტოვებამ და ბევრი ჩემი თანატოლის ახლოს გაცნობა ვერ მოვასწარი. ნებისმიერ ახალბედას ვურჩევდი, ვისაც მოდის სფეროში კარიერის აწყობა სურს, კარგად ისწავლოს თავისი პროფილით, თანაც - კარგ სკოლაში, თუნდაც იმიტომ, რომ სწორი მიმართულება აიღოს, საჭირო კავშირები დაამყაროს, რაც ძალიან წაადგება მომავლის მოწყობაში.
და კიდევ - ყოველთვის ენდეთ საკუთარ ინტუიციას - ნდობის გარეშე მოდის სამყაროში არავის არაფერი ესაქმება!


სვეტა კვარაცხელია

Adidas
TOP სერიალები
უყურო სამყაროს წამოწოლილმა, თავით გადაეშვა კაცობრიობის იდუმალ ისტორიებში, ერთობ აზარტული და, თქვენ წარმოიდგინეთ, სასარგებლოცაა.
Kids Running Shoes
საუკეთესო ლუქები და ყველაფერი მეთ გალას შესახებ
მოგეხსენებათ ყოველ წელს მაისის პირველ ორშაბათს, კოსტიუმების ინსტიტუტი ნიუ-იორკის მეტროპოლიტენ მუზეუმში იმართავს მოდის ყველაზე დიდ ივენთს MET GALA.Air Jordan IX 9 Shoes
დღის ფოტო: ფეხმძიმე ირინა შეიკი ბრედლი კუპერთან ერთად პლაჟზე

გასულ კვირას, პაპარაცებმა ირინა შეიკი და ბრედლი კუპერი კალიფორნიის ერთ-ერთ სანაპიროზე, რომანტიკული პიკნიკის დროს დააფიქსირეს.

NEW NIKE SHOES
იმიჯის გასაუმჯობესებლად ანჯელინა ჯოლიმ PR მენეჯერები დაიქირავა

მსახიობს აღელვებს ის ფაქტი, რომ საზოგადოებას ბრედ პიტი ჯერ კიდევ უყვარს.

CAMPO
რით გაუმასპინძლდებიან "ოსკარი 2017"-ის სტუმრებს?

რიგით 89-ე კინოპრემიამდე ერთ კვირაზე ოდნავ მეტი დარჩა. ლოს-ანჯელესში უკვე ემზადებიან ვარსკვლავთცვენისთვის.

Adidas NMD R1
სამოდელო ბიზნესის რუხი კარდინალები

მსოფლიო მოდამ წლების განმავლობაში არაერთი ცვლილება განიცადა. ამ მხრივ "მოდურ ამინდს" ყველაზე მსხვილი "მოთამაშეები", ანუ დიზაინერები ქმნიან. მათი პროფესიონალიზმი და გამოცდილება მოდის სამყაროს სრულიად სხვაგვარად წარმოგვიდგენს.Jordan ULTRA.FLY
Hermès-ის კლოგები, Kenzo-ს გეტა, ქოვბოის ჩექმები Isabel Marant-ისგან, დიზაინერები აქტიურად იყენებენ ეროვნული კოსტიუმების ელემენტებს და არ უშინდებიან კულტურული აპროპრიაციის დადანაშაულებაში.



მოდის კვირეულების დასრულების შემდეგ დროა გავითვალისწინოთ აქტუალური ტრენდი ფეხსაცმელებშიც და ფინანსების ყველაზე სწორი ინვესტირება მოვახდინოთ საუკეთესო მოდელებში.



როგორც ჩანს 2020-ის შემოდგომა/ზამთარი და 2021-ის სეზონი სრული მრავალფეროვნებით გაგვანებივრებს, ნადეჟ ვანე-ციბულსკიმ ჰერმესიდან წლევანდელი კოლექციით შემოგვთავაზა მინიმალისტური კლოგების ტარება, პოდიუმზე გამოსული მოდელების შემხედვარე კი როგორც ჩანს კომფორტი გარანტირებული გვაქვს.
იზაბელ მარანმა კვლავ ექსპერიმენტისთვის ქოვბოის ჩექმები აიღო, რომელსაც ჟოლოსფერი შემატა, დაამშვენა ბისერებითა და ნაქარგით, კენზოს ახალმა კრეატიულმა დირექტორმა ფელიპე ოლივეირა-ბაპტისტამ კი მოდის სახლის ფესვებში გადაეშვა ინსპირაციისთვის და ტრადიციული გეტა სანდლების ხელახალი ვარიაცია შემოგვთავაზა.



სამივე მაგალითი ნაციონალური კოსტიუმის ელემენტებიდან არის აღებული, ჰოლანდიური, ამერიკული და იაპონური. კენზოსთან ყველაფერი გასაგებია, ბრენდი იაპონიდან არის და ფეხსაცმელიც იაპონურია, ხოლო იზაბელ მარანთან და ჰერმესთან კულტურულ მემკვიდრეობასთან დაკავშირებით შესაძლოა კითხვები გაჩნდეს, როგორც ჩანს დიზაინერებმა სხვისი კოდები გამოიყენეს თავის კოლექციებში რაც საკმაოდ ლამაზად და ელეგანტურად გამოუვიდათ.



ყურადღების გამახვილებას სამი მოდელის გარდა გირჩევთ კოპერნის სანდლებზე, და შანელის ლოფერებზე მონოგრამით, ხოლო „გლადიატორები“ მყარ ქუსლზე ქლოესგან საუკეთესო ინვესტირებაა, არ დაგავიწყდეთ ჰიბრიდი ფეხსაცმელები და ბოტასები მიუ-მიუსგან.

ლიდია ამარიანი
დროა თავით გადაეშვათ უდარდელ ბავშვობაში.
ყველაზე ტრენდული და ელეგანტური ვინტაჟური აქსესუარები შემოდგომის სეზონისთვის

2021 წლის მოდის კვირეულების განმავლობაში სტილის უამრავი ვარიაცია ვიხილეთ.

5 ყველაზე ტრენდული ნივთი საშემოდგომოდ, რომელიც აუცილებლად უნდა გქონდეთ გარდერობში

სეზონიდან-სეზონამდე ტენდენციები იცვლება. კოვიდ-პანდემიით გამოწვეულმა კრიზისმა, არამარტო დიზაინერებს, არამედ ქუჩის სტილის ვარსკვლავებსაც უბიძგა სიახლეებისკენ.

გასული მოდის კვირეულების განმავლობაში, ძალიან ბევრი თვალსაჩინო ახალი დეტალი აღმოვაჩინეთ სტილში, საიდანაც 5 საუკეთესო მათგანს გაგაცნობთ.

1. მაღალყელიანი ფეხსაცმელი „ჩელსი“ ცივი ამინდებისთვის


მსგავსი სტილის ფეხსაცმელი პირველად Balenciaga-ს 2020 წლის ზამთრის კოლექციაში ვიხილეთ. ამ სეზონზე კი "Botega venetta"-მ გადაწყვიტა 90-იანი წლების სტილის განსხვავებული ინტერპრეტაცია, რომელიც წარმატებით მოირგო ირინა შეიკმა, ელსა ჰოლსკმა და ჯიჯი ჰადიდმა.

2. თეთრი შარვალი


წელს, ისე როგორც არასდროს თეთრი ყველაზე ძლიერი ფერი აღმოჩნდა. 21-ე საუკუნის მოდა მინიმალისტური ხასიათით, სისადავიტ და კომფორტულობით გამოირცევა. თეთრი ჯინსიც სწორედ ასეთია - ულტრამოდური და უნივერსალური, რომელიც ნებისმიერი სტილისა და ფერების კომბინაციას მოუხდება.

3. ნარინჯისფერი მოსაცმელი



პარიზის მოდის კვირეულზე ნარინჯისფერი ნამდვილად ჭარბობდა. მსგავსი სტილის საშემოდგომო მოსაცმელები მოდურთან ერთად ძალიან კომფორტულია. განსაკუთრებით კი უხდება შემოდგომის ფერები: ღვინისფერი, ყავისფერი, ზეთისხილისფერი.

4. თბილი ფერებით გაჯერებული სამეული



უკვე რამდენიმე სეზონია რაც „ბეჟი“ ფერის ტენდენცია ტრენდების „ტოპ“ სათავეებშია, თუმცა ამ სეზონზე ლონდონის, მილანისა და პარაზის მოდის კვირეულებზე ყველაზე გავლენიანი გამოცემების ფოტოგრაფებმა, ყველაზე ხშირად დააფიქსირეს თბილი ფერებით გაჯერებული კლასიკური სამეული. მსგავსი ჩაცმულობის უნიკალურობა მის მრავალმხრივ მორგებაში მდგომარეობს, „ბეჟი“ ნებისმიერ ფერს უხდება, მსგავსი სტილი კი ტრენდულია, როგორც კლასიკურ, ასევე სპორტულ ფეხსაცმელზეც.

5. მწვანე კაბა



მოდის კრიტიკოსები ამბობენ, რომ 2021 წელს ყველაზე ტრენდული ფერი ზეთისხილისერი იქნება. მწვანე და მისი გრადაციები ამჯერად ატლასის სამოსზე ჭარბობდა.

მთავარია ყურადღება გაამახვილოთ პროპორციებსა და ფერთა კოორდინაციაზე.