Trand Space თაკო ჩხეიძეზე სტატიას აქვეყნებს - როგორ ეწყობა მოდის კვირეული თბილისში?

თაკო ჩხეიძე ქართული მოდის ბაზარზე მნიშვნელოვანი ფიგურაა. სწორედ ის იყო პირველი მოდელი, რომელიც სამუშაოდ საზღვარგარეთ წავიდა. როდესაც სამშობლოში დაბრუნდა, სამოდელო სააგენტო - Geomodels Agency გახსნა.
მოგვიანებით, თაკომ თბილისის მოდის კვირეულის ორგანიზება ნულიდან მოახერხა, რომელიც უკვე 7 წელია, რაც წელიწადში ორჯერ ტარდება. თაკო ჟურნალ Nargis-ის მთავარი რედაქტორიც გახლავთ.


TrendSpace.ru დაინტერესდა, თუ როგორ შექმნა თაკო ჩხეიძემ თავისი მოდის იმპერია, რატომ არიან ქართველი დიზაინერები ასეთი პოპულარული და როგორ ეწყობა მოდის კვირეული თბილისში.


კაბა და ფეხსაცმელი სალომე ღვინიაშვილს ეკუთვნის


როგორ დაიწყო ყველაფერი?


მე მოდის

ინდუსტრიაში 15 წელი ვმუშაობ. ბევრს ვმოგზაურობდი, შვეიცარიაში ვცხოვრობდი და მოდელად ვმუშაობდი. როდესაც ოჯახთან ერთად საქართველოში დავბრუნდი, სამოდელო სააგენტო Geomodels დავაფუძნე. მინდოდა ჩემი გამოცდილება დამწყები მოდელებისთვის გამეზიარა.


2-3 წლის შემდეგ, ჩემთან მოვიდნენ მაშინდელი ივენთ მენეჯმენტის წევრები, რომლებიც ახლა ჩემი პარტნიორები არიან და შემომთავაზეს მოდის კვირეულის გაკეთება.
მე ძალიან გამიხარდა ასეთი თანამშრომლობა, რადგან ვიცოდი, რომ საქართველოში ბევრი ნიჭიერი დიზაინერია. მინდოდა ისინი ყველას გაეცნოთ...
ჩენ ყველაფერი ნულიდან დავიწყეთ. თავიდან მხოლოდ 3-4 დიზაინერი გვყავდა, ახლა კი 50-ზე მეტია. ჩენ მოვიფიქრეთ დიზაინერების კონკურსი, დავაფინანსეთ მოდელიორების კოლექციები, რადგან ბევრს არ ჰქონდა საშუალება, ხარისხიანი კოლექცია შეექმნა.


დღეს რას წარმოადგენს თბილისის მოდის კვირეული?
შეიძლება ითქვას, რომ მოდის კვირეულის პერიოდში, ქალაქში ნამდვილი დღესასწაული იწყება. აქ ბევრი უცხოელი სტუმარი ჩამოდის. 2-3 ჯერ ჩამოვიდა დემნა გვასალია, რომელიც ჟიურის წევრიც იყო.


რაშია ქართველი დიზაინერების პოპულარობის საიდუმლო?
ჩვენ გვყავს ბევრი კრეატიული ადამიანი, რომლებიც პატარა ატელიებში მუშაობენ და ყველაფერს ხელით აკეთებენ. ვფიქრობ, კლიენტებს ეს მოსწონთ. ამჟამად ქვეყანაში დიზაინერების ბუმი გვაქვს...


ვინ ასპონსორებს თბილისის მოდის კვირეულს?
თავიდან ჩვენ თვითონ ვაფინანსებდით ყველაფერს, ახლა სახელმწიფოც გვეხმარება. ეს დიდი პროექტია და შესაბამისად, დიდი მხარდაჭერაც სჭირდება.

იხილეთ ფოტოგალერეა 


ფოტოგრაფი: თაკო სკრიპნიჩენკო
სტილისტი: ანანო დოლაბერიძე
ვარცხნილობა: არტურ ივაკოვი
მაკიაჟი: ლალუ კობიაშვილი
ესაუბრა: იულია ჯიტაევა
მომზადებულია Trend Space. ru-ს მიხედვით

  • წინა
like
1

კომენტარები

lela 2016-06-08 13:37
takos es varcxniloba didad ar uxdeba

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.