სუვი მარია კოპონენი - ფინური ზღაპრის კონკია

დღეს იგი სამართლიანად მიიჩნევა ფინეთის ყველაზე წარმატებულ მოდელად. მოდის ანალიტიკოსები ერთხმად აღიარებენ, რომ XX საუკუნის 70-80-იან წლებში არც ერთ ფინელ მოდელს არ მოუპოვებია ამდენი წარმატება საერთაშორისო არენაზე. სუვი კოპონენმა 2014 წელს, საიტის, Mოდელს.ცომ-ის სარეიტინგო გამოკითხვით - "მსოფლიოს საუკეთესო მოდელები", მერვე ადგილი დაიკავა...

მიზანდასახული გოგონა
1988 წელს დაიბადა, 26 მარტს, ფინეთის ქალაქ ვანტააში. ლამაზი ბავშვი იყო, ქერათმიანი, ჭკვიანური გამოხედვით. პატარაობიდანვე გამოირჩეოდა სიდინჯით და მიზანდასახულობით. ისე სწრაფად იზრდებოდა სიმაღლეში და ისეთი ასხლეტილი სხეული ჰქონდა, ყველა მოდელობას უწინასწარმეტყველებდა.
პატარა სუვიც ყველას, ვინც შეეკითხებოდა, ვინ

უნდა გამოხვიდე, როცა დიდი გაიზრდებიო, მოკლედ და სხარტად პასუხობდა - მოდელი, თან ისეთი სერიოზული სახით, კითხვის დამსმელს გაღიმების მეტი არაფერი რჩებოდა.


მიზნისთვის არ გადაუხვევია. სკოლის დამთავრების შემდეგ მალე ფინეთის ერთ-ერთ სამოდელო სააგენტოს მიაშურა და გულმოდგინედ შეუდგა მოდელის პროფესიის დაუფლებას.


პირველი წარმატება
საფრანგეთში, იტალიაში, ან ამერიკაში, რომ დაბადებულიყო, ალბათ უფრო ადრეულ ასაკში გახდებოდა პოპულარული. მართალია, ფინეთში პოპულარობა არ დაჰკლებია, მაგრამ საერთაშორისო აღიარება მხოლოდ 2005 წელს მოიპოვა. ეს ის წელია, როცა ფინეთში ყოველწლიური ტელეპროექტის Mallikoulu (ამერიკული America"ს Next top Model-ის ფინური ანალოგი) მორიგი გამარჯვებული გახდა. იმ დღიდან მხოლოდ მისი სახელი ეკერა ყველას პირზე. სუვი აქ, სუვი იქ...

ყველგან იწვევდნენ, სამუშაოდ ეპატიჟებოდნენ, სთხოვდნენ, ეხვეწებოდნენ, საქმიან გარიგებებს სთავაზობდნენ... მან კი, ქერათმიანმა, მკაცრი გამომეტყველების ლამაზმანმა, კონტრაქტი სააგენტო Fინნისჰ Pაპარაზზი-სთან გააფორმა, თუმცა თანამშრომლობამ მხოლოდ ერთ წელს გასტანა. მიუხედავად იმისა, რომ მსხვილ სარეკლამო პროექტში მონაწილეობდა, 2006 წელს კონტრაქტი გაწყვიტა, რადგან Mოდელ Aგენცყ ჭომენ-სთან ხელშეკრულების გაფორმების შემდეგ 2006-2007 წლის შემოდგომა-ზამთრის კოლექცია უნდა წარედგინა. იმ დღიდან მოდელის კარიერის სახიფათო კიბეზე მთელი სერიოზულობით დაიწყო ასვლა. ყველას მასთან სურდა თანამშრობლობა.

მაშინ 17 წლის და უკვე მოთხოვნადი მოდელი იყო.

იმავე წელს პირველად გამოჩნდა დიდ პოდიუმზე და ისეთი მოდის სახლების ჩვენებებზე გამოვიდა, ბევრი რომ ინატრებდა, თანაც სად! _ მილანის მოდის კვირეულზე, Prada-სა დაMIU-MIU-ს სამოსის დემონსტრირებას ახდენდა. აქედან მოყოლებული, აქტიურად შეუდგა მუშაობას. "პრადაში" სუვის რეკომენდაცია შუპრემე-ის დამფუძნებელმა, პოლ როულენდმა გაუწია, რომელმაც მოდელი ჯერ კიდევ ნიუ-იორკში გაიცნო და აღფრთოვანდა.

ფოტოგრაფებმაც არ დაახანეს, მათ მახვილ თვალს კონკიასავით ჰაეროვანი სუვის შემჩნევა არ გასჭირვებიათ. და დაიწყო ფოტოსესიები ცნობილი მოდის ჟურნალებისთვის არა მხოლოდ ფინეთში, არამედ მის საზღვრებს გარეთაც. დროთა განმავლობაში არაერთხელ დაუმშვენებია იტალიური, ფრანგული, ფინური, რუსული თუ კანადური Vogue-ის გარეკანები... და არა მხოლოდ Vogue-ის...
სუვი იქ, სუვი აქ...

აღმასვლა
2007 წელს გოგონა უკვე საერთაშორისო დონეზე გახდა ცნობილი - ფრანგული, იტალიური და ამერიკული Vogue-ის ფურცლებიდან არ ჩამოდიოდა. შემოდგომაზე Balenciaga-ს სარეკლამო სახე გახდა, ოდნავ მოგვიანებით კი ნატალია ვოდიანოვა შეცვალა ცენტრალური მოდელის "პოსტზე" და Calvin Klein-ის სარეკლამო კომპანიის სახე გახდა. ზედიზედ კიდევ რამდენიმე ფოტოსესიაში მიიღო მონაწილეობა, რომელიც ისევ და ისევ Vogue-ის ფურცლებზე დაიბეჭდა.

ეს წელი ერთობ დატვირთული აღმოჩნდა. დიზაინერებს იმდენად მოსწონდათ სუვი, რომ Nina RiCCi-მ პარიზის მოდის კვირეულზე კოპონენს დაახურვინა ჩვენება. Nina Ricci-ს არც ღობერტო ჩავალლი ჩამორჩა და სუვის მილანის მოდის კვირეულის დახურვაც ხვდა წილად. ასევე, თავს იწონებდა ისეთი ცნობილი ლეიბლების ჩვენებებზე, როგორიცაა: Chanel, Hermes, Jil Sander. ხოლო Marc Jacobs-მა მოდელი ჩვენების გასახსნელად მიიწვია. ეს მოხდა თებერვალში. შემოდგომაზე კი Blumarine-ს საგაზაფხულო სარეკლამო კამპანიაში ჩაერთო, რომელსაც Mulbery მოჰყვა.

სუვი იქ, სუვი აქ...

ამბავი შედევრისა
2008 წელს ბრენდმა Calvin Klein-მა კვლავ მიიწვია სუვი კოპონენი მორიგ სარეკლამო კამპანიაში გადასაღებად, რათა მარკის სახე გამხდარიყო. სწორედ მაშინ დაიწყო მოდელმა თანამშრომლობა ბრენდებთან: Blumarine, Anna Sui, Vera Wang, Marc Jacobs, Donna Caran, Anne Klein დაLouis Vuitton.
ჩალვინ Kლეინ-ს გრძელი სარეკლამო ისტორია აქვს, რომელიც ყოველთვის გამორჩეულია და თვალისთვის მიმზიდველი. და აი, 2013 წელსაც, დიდი ხნის მოლოდინის შემდეგ, ბრენდმა მორიგი შედევრი შესთავაზა თავის კლიენტებს, რომელიც ცნობილმა რეჟისორმა და ფეშენფოტოგრაფმა, ფაბიენ ბარონმა გადაიღო. ბრენდის უახლესი კოლექციის დემონსტრირება კადრებში მომხიბვლელი ფინელი მოდელის დახმარებით მოხდა.

ფაბიენ ბარონი მოდის სამყაროში ერთ-ერთი ყველაზე გავლენიანი დირექტორია. იგი თანამედროვე ფოტოგრაფიის გენიად მიიჩნევა, განსაკუთრებით მოდურ რეკლამებში. სწორედ მისი რგოლების საშუალებით ხდებიან უფრო პოპულარულები მსოფლიოს ცნობილი მარკები და მოდის სახლები. მას სხვანაირი მიდგომა აქვს რეკლამის გადაღების დროს.

სარეკლამო ფილმში `პროვოკაციები"  სუვი მარია კოპონენს, უკვე მსოფლიოში აღიარებულ მოდელს - პარტნიორობა გაუწია პოპულარულმა მსახიობმა ალექსანდრ სკარსჰარდმა. ბრენდის მიერ რეკლამისთვის შექმნილი გაზაფხული-ზაფხულის 2013 წლის კოლექცია გამაოგნებელი იყო, 10-წუთიანი მოკლემეტრაჟიანი ვიდეოს ნახვის შემდეგ, რომელსაც დამაინტრიგებელი სახელწოდება ჰქონდა, დარბაზში ტანსაცმლის შეძენის მსურველთა რიგი დადგა. ან კი ვის შეეძლო თავის შეკავება, როცა თავად სუვი კოპონენი და ალექსანდრ სკარსჰარდი წარდგნენ მსოფლიოს წინაშე, თან ასეთი მაცდუნებელი სამოსით და ასეთ მგრძნობიარე პოზაში. ფაბიენ ბარონს უდავოდ ესთეტიკური ხასიათის ვიდეორგოლი გამოუვიდა. სუვი პოპულარობის ზენიტში აღმოჩნდა და მასზე მოთხოვნა ერთიორად გაიზარდა. წამოვიდა ახალი შეთავაზებებიც...
სუვი იქ, სუვი აქ...

რეზიუმესმაგვარი
2007 წელს ჟურნალმა New York Magazine -მა ყოველწლიური გამოკითხვა ჩაატარა და მსოფლიოს ათ ყველაზე პერსპექტიულ მოდელს შორის სუვი მარია კოპონენი მესამე ადგილზე აღმოჩნდა. იგივე შედეგი იმავე წლის სექტემბერში ბრიტანულ `ვოგიშიც" გაიმეორა.

ბევრი მისი კოლეგისგან განსხვავებით, მას წონის პრობლემა არ აწუხებს და დიეტები არ სჭირდება. "მირჩევნია, მუშაობა შევწყვიტო, ვიდრე იძულებით დიეტაზე დაჯდომამ მომიწიოს", _ განაცხადა მოდელმა ერთ-ერთ ინტერვიუში.

სუვი დღემდე წარმატებული მოდელია. სწორედ მან გახსნა ნიუ-იორკში ღეემ Aცრა-ს საგაზაფხულო ჩვენება. სწორედ ის გამოიძახეს კაროლინა ჰერერას კოლექციის ჩვენებაზე. ნიუ-იორკიდან სუვი მილანში გაემგზავრა, სადაც ალბერტ ფერეტისთან, ანა მოლინარისთან, ფენდისა და რობერტო კავალისთან იმუშავა.

2016 წლის თებერვალში კი რუსული "ვოგის" გარეკანზეც გამოჩნდა და მონაწილეობა მიიღო ფოტოსესიაში, რომლის სახელწოდებაა"ჭრელი ყვავილები", სადაც მოდელს შიფონის კოსტიუმები და ლენტებიანი ფეხსაცმელები ეცვა. მან მსოფლიო ბრენდების სხვადასხვა აქსესუარსაც გაუკეთა რეკლამა. ფოტოები სებასტიან კიმმა გადაიღო.

იგი მაღალი კლასის მოდელია და ამით ამაყობს. უმუშავია მსოფლიოს საუკეთესო დიზაინერებთან და მოდის სახლებთან, როგორიცაა: ანა სუი, ვერა ვონგი, მარკ ჯეიკობსი, დონა კარანი, კელვინ კლაინი, ლუი ვიტონი, ნინა რიჩი და პრადა.
სუვი იქ, სუვი აქ...


სვეტა კვარაცხელია

ჟურნალი ბომონდი

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.