ირინა შეიკი ფეხმძიმობის შესახებ პირველად ალაპარაკდა

ტოპ-მოდელი გამოტყდა, რომ დედობა ყოველთვის სურდა.


ამერიკის ყველაზე ლამაზი წყვილი, ბრედლი კუპერი და ირინა შეიკი პირველ შვილს ელოდება. ტოპ-მოდელის ფეხმძიმობის ამბავი ჯერ კიდევ დეკემბერში გახდა ცნობილი, თუმცა მომავალ მშობლებს ამ ამბავზე კომენტარი აქამდე არ გაუკეთებიათ.


ცოტა ხნის წინ, ჟურნალთან HOLA! ინტერვიუში შეიკმა პირველად ისაუბრა დედობის სურვილსა და საკუთარ განცდებზე.
31 წლის მოდელი გამოტყდა, რომ დედობასა და სრულფასოვანი ოჯახის შექმნაზე ყოველთვის ოცნებობდა. „ვფიქრობ, ოჯახი ცხოვრების აზრია. გამიმართლა, რომ ძალიან მეგობრულ ოჯახში დავიბადე - ჰყვება ირინა. - ჩემი მშობლები 20 წლის წინ

დაქორწინდნენ და შეუძლიათ მისაბაძი მაგალითი იყვნენ. ოჯახის შექმნა ნამდვილად მინდოდა, რადგან ეს სამყაროში ყველაზე მნიშვნელოვანი რამაა. ჩვენ, ყველა უნდა ვზრუნავდეთ ახლო ადამიანებსა და მეგობრებზე, რომლებიც გვიყვარს“.


ჟურნალისტებთან საუბრისას, შეიკმა ასევე აღნიშნა, რომ ქალის დედობისთვის ერთადერთი სწორი ასაკი არ არსებობს და ამ საკითხში უმნიშვნელოვანესი პარტნიორის სწორად შერჩევაა - მიიჩნევს ვარსკვლავი.
არ ვფიქრობ, რომ შვილის გაჩენისთვის იდეალური ასაკი არსებობს. ჯერ შესაფერისი ადამიანი, შენთვის იდეალური მამაკაცი უნდა იპოვო. ჩემმა დამ პირველი შვილი 22 წლის ასაკში გააჩინა და მისთვის ეს შესანიშნავი პერიოდი იყო. მე 31 წლის ვარ და შესაძლოა ჩემთვის იდეალური ეს ასაკია. ახლა ძალიან ბედნიერი ვარ! გამიმართლა, რომ მაქვს ყველაფერი, რაც მინდა“ - გულახდილად ისაუბრა სუპერმოდელმა.


აღსანიშნავია, რომ ირინა შეიკის ფეხმძიმობას მარტივად უმკლავდება და გადაღებებში მონაწიელობის მიღებასაც აგრძლებს. ბრედლი კუპერი საყვარელ ქალზე ძალიან ზრუნავს, დაჰყვება შემოწმებებზე და შვილის მოვლენას მოუთმენლად ელის. ბავშვის სქესი წყვილმა უკვე იცის, თუმცა გასაჯაროვებას არ ჩქარობენ.

იხილეთ ასევე:
როგორი იქნება ირინა შეიკის და ბრედლი კუპერის ქორწილი?

ანა ვერძაძე

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.