Avtandil-ის ახალი კოლექცია თბილისის Mercedes-Benz-ის მოდის კვირეულზე

თბილისში შემოდგომის Mercedes-Benz-ის მოდის კვირეული 5 ნოემბერს ავთანდილის ჩვენებით გაიხსნა. კოლექცია არა მხოლოდ სტუმრების ფავორიტ სამოსს წარმოადგენდა, არამედ გაზაფხულის მსგავსად, განახლების სიმბოლოს დატვირთვასაც ატარებდა: დიზაინერმა სრულიად ახალი იდეები ფერწერული ქსოვილებით და საკუთარ კონსტრუქციებზე ადაპტირებული მსოფლიო ტენდენციებით გადმოსცა.

კოლექციაში 3 ძირითადი მიმართულებაა: ყოველდღიური სამოსი - 2 ნაწილისგან შემდგარი კოსტიუმები, საღამოს კაბები და საგაზაფხულო ლაბადები.
ზოგი კოსტიუმი ჯინსის ქსოვილით, ზოგი კი - საგაზაფხულო თხელი შალითაა შექმნილი. მათი შემადგენელი კაბები და ქვედაბოლოები მინიმალისტურად, ვერცხლისფერი მბრწყინავი მასალებითაა გაფორმებული. ორიგინალურ გადაწყვეტას წარმოადგენს ორმაგი კაბები -

 ზოლებით გაფორმებული კოსტიუმები.

ჰორიზონტალური თუ ვერტიკალური, ერთ თუ ბევრ ფერში გადაწყვეტილი, თხელი თუ სქელი ზოლები 2016 წლის გაზაფხულის გამოკვეთილი ტენდენციაა და ამ სეზონზე აქტიურად იყენებენ: Dior, Stella McCartney, Salvatore Ferragamo, Ralph Lauren, Tommy Hilfiger, Dolce & Gabbana, Alexander Wang, Emporio Armani, Milly, No.21, Max Mara, და, რაღა თქმა უნდა, Marni


ავთანდილის ხელწერის ერთ-ერთი მნიშვნელოვანი ხაზი ჯინსია, რომელსაც თითქმის არასოდეს ღალატობს. შემოდგომა-ზამთრის კოლექციისგან განსხვავებით, დიზაინერი ამჯერად ჯინსის თხელ, ღია ფერის ქსოვილზე ფოკუსირდა და გრძელი, ასიმეტრიული კოსტიუმები შექმნა. საღამოს კაბებშიც 2 მიმართულებაა - Flapper-ების სტილის, მოკლე ან გრძელი. კაბების ძირითადი ქსოვილი მაღალი ხარისხის, ატლასის ფაქტურის აბრეშუმია. ამ სტილს Bedroom (საძინებელი) ეწოდება და 2016 წლის საგაზაფხულო კოლექციებიდან Vogue-ის მიერ დასახელებული ერთ-ერთი ყველაზე პოპულარუ¬ლი ტენდენციაა. მისი დამ¬კვიდრება Celine-ის დიზაინერ პოებ ფაილოს (Phoebe Philo) და ალექსანდერ ვონგის (Alexander Wang) სახელებს უკავშირდება.

ტენდენცია ინტენსიურად აიტაცეს მოდის სახლებმა და bedroom-ის სტილის კაბები Givenchy-მ, Marcs Jacobs-მა, Heidar Ackermann-მა, Saint Lauren-მა, Balenciaga-მ, Burberry-მ და Calvin Klein-მა შემოგვთავაზეს.
საღამოს კაბების მეორე ნაწილი მონოქრომატულია და ორი სხვადასხვა ფაქტურის - მაღალი ხარისხის კოტონის და მბრწყინავი ქსოვილის სინთეზს წარმოადგენს.


რთული და ორიგინალური ტექნოლოგიითაა დამზადებული ფერადი ლაბადები: დაპრინტული ქსოვილების ზედა ფენა მთლიანად ლაქითაა დაფარული და შედეგად ერთგვარი 3D გამოსახულება მიიღება. ლაბადებმა სტუმრების ერთსულოვანი აღიარება გამოიწვია და ერთ-ერთი მათგანი ჩვენების დღესვე მოირგო დალი ჩიტალაძემ.


კოლექციის სრულყოფილებიდან გამომდინარე, მართლაც რთულია, ფავორიტი ლუქები გამოარჩიო, თუმცა, ყველაზე მეტად ყურადღებას მაინც 2 მათგანზე გავამახვილებ:
ერთ-ერთი ასიმეტრიული დეტალით გაფორმებული აბრეშუმის კრემისფერი კაბაა - დიზაინერმა დრაპირების მიუხედავად ხელწერას არ უღალატა და საოცრად ქალური სილუეტი შექმნა, რომელშიც ასიმეტრიული დეტალი ორგანულადაა ინტეგრირებული.
ასევე, გამორჩეული და საოცრად ახალგაზრდულია წითელი ტყავის ბერმუდას ბაზაზე აწყობილი ლუქი: კრემისფერი, ბადის ფაქტუ¬რის ტოპით და წითელივე პრინტებით გაფორმებული ჯინსის ჟილეტით.

 

პოდიუმის სექციის ფოტოგრაფი: დავით ჭალიძე

ჟურნალი "ბომონდი" 

მარტის ნომერი

like
3

კომენტარები

Roqsi 2017-10-07 13:58
Dzalian momwons rogor viyido

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.