ტოპ 5 ქართველი „it girls”, რომლებიც ყურადღებას იმსახურებენ. რას წერს Vogue

მოდის დამფუძნებლის თანამდებობა, ამჯერად ქართველმა, დემნა გვასალიამ დაიპყრო (Balenciaga-ს კრეატიული დირექტორი), რამაც ქართველ it girls-ზე ინტერესი გაზარდა.


გამოვყოფთ 5 გოგონას, რომლებმაც Vogues-ს ყურადღება დაიმსახურეს.


1. თაკო ნაცვლიშვილი


თაკო ქართველი it girl-ია, რომელსაც შეუძლია მსოფლიო აღიარებით იამაყოს. ნაცვლიშვილმა სამოდელო კარიერა 14 წლის ასაკში დაიწყო და ჯერ 20 წლისაც არ არის. მონაწილეობას იღებდა Calvin Klein, Giorgio Armani, Versace, Dolce & Gabbana და Yohji Yamamoto-ის ჩვენებებში. წერდნენ, რომ Armani-ს ერთ-ერთ ჩვენებაზე გოგონამ ლეონარდო დიკაპრიოს ყურადღებაც მიიქცია.



2. ნინო ელიავა


МГИМО-სა და London College

of Fashion-ის კუსდამთავრებული წარმატებული ბიზნეს-ლედია. ნინო საქართველოში პოპულარულ ინტერნეტ მაღაზიას More is Love ხელმძღვანელობს, რომელიც მომხმარებელს, როგორც ქართველი, ისე ევროპელი დიზაინერების სამოსს სთავაზობს. ნინო ელიავას მოდური რჩევით, მოდის მოყვარულებმა მეტი ყურადღება უნდა დაუთმონ ვინტაჟურ საგნებს, უმეტესად ქსოვილებსა და სამკაულს.



3. ელენა მეტრეველი


ელენა მეტრეველი - მხატვარი, ბრენდის Fetiche კრეატიული დირექტორი და მაღაზიის „უცენზუროდ“ არტ-დირექტორია. უყვარს ორიგინალური აქსესუარები. ელენა ცნობილ დიზაინერებთან, მათ შორის ალექსანდრე არუთუნოვთან და რია ქებურიასთან თანამშრომლობს. ის ბრენდების - Nina Donis, Bohemique, Yohji Yamamoto, Comme des Garcons, Tsumori Chisato, Louis Vuitton-სა და Margiela-ს თაყვანისმცემელია. მეტრეველი მიიჩნევს, რომ მოდის მოყვარული გოგონას გარდერობში ჩვეულებრივ სამოსთან ერთად აუცილებლად უნდა იყოს სამოსი, რომელიც თავისთავად ხელოვნებაა.



4. თამუნა წიკლაური


თამუნა - დიზაინერი, show-room Iconique-ის თანამფლობელი. გოგონა საკუთარ სტილს საკმაოდ მოკრძალებულად აღწერს: „ჩემს გარდერობში ავანგარდულზე მეტად, კლასიკური სამოსი ჭარბობს. ძირითადად მშვიდი ფერები. ყველაზე ხშირად შავ, თეთრ და კრემისფერს ვატარებ. სამოსის გახალისებას ხშირად ნათელი წითელი პომადითა და აქსესუარებით ვცდილობ“. ცნობილ ბრენდებს შორის წიკლაური Celine, Maison Martin Margiela-სა და Stella McCartney-ის გამოყოფს.



5. ანკა ციციშვილი


ანკა ციციშვილი მოდის ცნობილი ექსპერტი და შოუ-რუმის Indexflat თანამფლობელია. გოგონამ სახელი ქუჩის უნიკალური სტილით გაითქვა. მისი ლუქები ანდერგრაუნდის თანამედროვე სტილის შესანიშნავი მაგალითია. ანკა აღნიშნავს, რომ უმეტესად განწყობის მიხედვით იმოსება და მის გარდერობში არაკომფორტული სამოსი არ არის. ქართველ დიზაინერებს შორის, ის რია ქებურიას გამოყოფს. გოგონა მიიჩნევს, რომ არაფერი აკეთილშობილებს სტილს ისე, როგორც ვინტაჟური აქსესუარები, რომლებიც გარკვეულ ისტორიას ატარებენ.


ანა ვერძაძე

წყარო look.tm

like
2