კვების სასარგებლო ტენდენციები: 2018 წლის 7 super food-ი

ამერიკულმა სასურსათო გიგანტმა Whole Foods Market გასულ დღეებში „სუპერფუდების“ სია გამოაქვეყნა, რომლებიც პოპულარული იქნება 2018 წელს. გაეცანით ყველაზე საინტერესო ტრენდებს ახლავე, რათა უკვე ახალი წლისთვის ყველაფერი სამზარეულოში იქონიოთ:

ვეგეტარიანობა

ვეგეტარიანული პროდუქტები უკვე საკმაოდ მომრავლდა, თუმცა მეცნიერება ვითარდება და ვეგეტარიანელებს ტრადიციული კერძების სულ უფრო მეტ, ჯანსაღ ალტერნატივას სთავაზობს.


ფხვნილები

სამკურნალო ფხვნილის საყვარელ კერძზე ან სასმელზე დამატება მარტივია. ის ინკოგნიტოდ დარჩება, მაგრამ ჩვეულებრივი კერძი უამრავ სასიცოცხლო ბონუსს მიიღებს. მატჩა, პერუს ყაყაჩო, კაკაო, კურკუმა და სპირულინა დიდიხნის ნაცნობ წვნიანს, კოქტეილს ან ლატეს დაამზადებენ.

ყვავილები



ყვავილები - რესტორნის სტუმრებისთვის უკვე ჩვეული ინგრედიენტებია, 2018 წელს კი ისინი სამზარეულოებშიც გამოჩნდებიან. პირველ რიგში ეს ლამაზია და რაც ყველაზე მთავარია - სასარგებლოა. ბუტკოები და მტვრიანები ზეთებსა და ადამიანისთვის საჭირო მიკროელემენტებს შეიცავენ. კენკრის ყვავილი ყველაზე სასარგებლოა და გამოიყენება კოქტეილების მოსამზადებლად.

ჩიფსი

კარგი ამბავი - წასახემსი საკვები სასარგებლო ხდება. ჰაეროვანი და მშრალი ჩიფსი ახალ არომატებსა და ტექსტურას შეიძენს. მათ ბრუსელის კომბოსტოსგან, ძირთეთრასა და ჯეკამას ფესვებისგანდაამზადებენ, რაც წაბლის გემოს მოგაგონებთ.


აღმოსავლეთი - დელიკატური საკითხია

ჰუმუსი, ფალაფელი და პიტა - კერძები, რომლებიც მსოფლიომ უკვე შეიყვარა. დადგა დრო ახლო აღმოსავლეთის სამზარეულო უფრო კარგად შევისწავლოთ, ის კი სანელებლების გარეშე წარმოუდგენელია. მათი მოხმარება აჩქარებს ნივთიერებათა ცვლას და კერძებს პიკანტურობას ჰმატებს. გირჩევთ გაცნობა ილით, ჰარისასა და ზატარის სანელებლებით დაიწყოთ.

ფესვები და ზედა ნაწილები

ჯერჯერობით უჩვეულო, მაგრამ ახლადფეხადგმული ტენდენცია - ბოსტნეულისა და ხილის მირთმევა სრულად, ფოთლების, ღეროებისა და კანის ჩათვლით.


ბუშტები

ჯანსაღი კვების სამყარო უკვე დიდი ხანია რაც ტკბილ გაზიან სასმელებს ებრძვის, თუმცა პოზიციებს მაინც არ თმობს. Whole Foods-ის ექსპერტები პროგნოზირებენ, რომ 2018-ში ბაზარზე საკმაოდ ბევრი გაზიანი სასმელი გამოჩნდება - თუმცა არა შაქრის, არამედ არყის წვენის, ნეკერჩხლის სიროფისა და კენკრის ყვავილების ექსტრაქტზე დამზადებული.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.