როგორ გამოიყურება თანამედროვე ქალის იდეალური სხეული - შანხაიში Victoria’s Secret-ის შოუ გაიმართა

ტრადიციულად ჩვენებაზე თანამედროვეობის ყველაზე ლამაზი ქალები გამოვიდნენ, თითოეულმა მათგანმა უმკაცრესი ქასთინგი გაიარა.
ძველ ლამაზმანებთან - ქენდის სვეინპოლთან, ადრიანა ლიმასთან, კარლი კლოსთან და ალესანდრა ამბროსიოსთან ერთად შოუში მონაწილეობა მიიღეს ახალბედებმაც. ესენი გახლავთ: ნადინ ლეოპოლიდი, ფრიდა აასენი და მეგან უილიამსი.

უკვე მეორე წელია შოუს ორგანიზატორების მთავარი სახე ბელა ჰადიდი გახლავთ - შანხაიში თანამედროვეობის ყველაზე მოთხოვნადი მოდელის ახალი გამოსვლა კიდევ უფრო დამაჯერებელი გამოდგა, ვიდრე შარშანდელ პარიზის შოუზე.

ჩვენების კულისებში გადაღებული ფოტოები ნებისმიერ სიტყვაზე უფრო მეტყველია: ბელა შეუდარებელ ფორმაშია და ეს არა თავდაუზოგავი დიეტებისა და
შიმშილის, არამედ პირად ტრენერთან ერთად რეგულარული ვარჯიშის შედეგია. ლაკონური შავი მაქმანიანი საცვლები, რომელშიც ბელა Victoria’s Secret-ის შოუს პოდიუმზე წარსდგა, ეფექტურად წარმოაჩენდა მოდელის მკერდსა და თეძოებს.

დიდი ხნის შემდეგ Victoria’s Secret -ის პოდიუმზე პირველად დაბრუნდა „ფუშაფ“ ბიუსჰალტერები. საცვლების ყველაზე სექსუალური მოდელი, რაზეც ყველა მამაკაცი ჭკუას კარგავს. ცვლილებები შეეხო არა მხოლოდ სტილს, არამედ გოგონების სხეულსაც: ზედმეტი სიგამხდრე უფრო ქალურმა ფორმებმა, ლამაზად დამუშავებულმა კუნთებმა ჩაანაცვლა. ამის ნათელი მაგალითი წლევანდელი Victoria’s Secret-ის მონაწილე უკლებლივ ყველა მოდელია.



ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.