The Fashion Awards  2017-ის გამარჯვებულთა სია გამოვლენილია!

"The Fashion Awards " 1989 წლიდან დღემდე ტარდება გაერთიანებულ სამეფოში და ავლენს ადგილობრივ და მსოფლიო საუკეთესო დიზაინერებსა და მოდელებს სხვადასხვა კატეგორიაში.
ცერემონიაზე ვარსკვლავები, დიზაინერები და მოდელები მსოფლიოს სხვადასხვა კუთხიდან იყრიან თავს.

გასულ ღამეს, დაჯილდოება ლონდონის ალბერტ-ჰოლში გაიმართა და 2017 წელს მოდის ინდუსტრიაში მოღვაწე წარმატებული ადამიანები გამოავლინა.




აღსანიშნავია ის ფაქტიც, რომ მიუხედავად შარშანდელი ტრიუმფისა, წარმოშობით ქართველი დიზაინერი დემნა გვასალია და მისი ძმა გურამ გვასალია წელსაც იყვნენ ნომინირებულნი.

რა თქმა უნ
და, ცერემონიას წინ სდევს წითელი ხალიჩა, რომელსაც უამრავი ადამიანი ელოდება და დიდი განკითხვისა და მითქმა-მოთქმის საგანი ხდება ხოლმე.



ალბათ არავის გაუკვირდა, რომ როგორც ყოველთვის, ვარსკვლავების ჩაცმულობაში იტალიური ბრენდი Versace ჭარბობდა. დაჯილდოებას ესწრებოდა ბრენდის კრეატიული დირექტორი დონატელა ვერსაჩე, რომელსაც ნაომი კემპბელის ხელით, სპეციალური Fashion Icon-ის ჯილდო გადასცეს. ასევე, ვიდეო ჩართვით, დონატელაზე კომენტარი გააკეთეს ჯენიფერ ლოპესმა, ლედი გაგამ და ბრუნო მარსმა.



დაჯილდოების ტრიუმფატორი Jonathan Anderson-ი გახდა, რომელმაც ორ ნომინაციაში შეძლო გამარჯვება, როგორც საუკეთესო ბრიტანელი დიზაინერი ქალის ტანსაცმლის ხაზით, ბრენდით JW Anderson და წლის საუკეთესო აქსესუარების დიზაინერი, ბრენდისთვის Loewe.



წლის საუკეთესო მოდელად ბრიტანელი Adwoa Aboah დასახელდა, რომელიც მიმდინარე წლის ერთ-ერთი ყველაზე მოთხოვნადი მოდელი გახლდათ. მას ნომინაციაში კონკურენციას უწევდნენ გასული წლის გამარჯვებული ჯიჯი ჰადიდი და მისი და ბელა.

სვაროვსკის ჯილდოს მფლობელი იტალიელი დიზაინერი Maria Grazia Chiuri გახდა. ალბათ არავის გაკვირვებია, რომ ბიზნეს ლიდერის ჯილდო წელს მარკო ბიცარის გადაეცა ბრენდისთვის Gucci.

და რაც მთავარია, პრიზი წლის საუკეთესო დიზაინერისათვის 49 წლის ბელგიელმა არტისტმა Raf Simons-მა მიიღო. შეგახსენებთ, რომ დიორის სახლის შემდეგ, რაფი 2016 წლიდან სათავეში ჩაუდგა კელვინ კლაინის მოდის სახლს.

ტექსტი: ივანე ქეშიკაშვილი

აქვე გთავაზობთ წითელი ხალიჩის საუკეთესო ლუქებს:
like
1

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.