5 ახალი წიგნი მოდაზე, რომლებსაც 2018 წელს წაიკითხავთ

რალფ ლორენისა და ჯოვანი ბატალის მემუარები, მონოგრაფიის პირველი ილუსტრაცია, რომელიც ჩარლზ ვორტის სახლის ისტორიას ეძღვნება, და არა მარტო...

Ralph Lauren: 50 Years of Fashion: Reported by WW


1967 წელს რუსეთში მცხოვრები ღარიბი ებრაელი ემიგრანტების ვაჟმა, რალფ ლორენმა 50 ათასი დოლარი ისესხა მაღაზიის გასახსნელად, სადაც ბრენდ Polo-ს ჰალსტუხებით ვაჭრობა დაიწყო. წარმატება მალევე მოვიდა - სულ რაღაც ერთი წლის შემდეგ მას ლეგენდარულ სავაჭრო ცენტრში Bloomingdale's-ში საკუთარი ადგილი ჰქონდა. მას შემდეგ ნახევარი საუკუნე გავიდა და Ralph Lauren-ის ბრენდი ამერიკული მოდის სინონიმად იქცა. მოდის
სახლის 50 წლის აღსანიშნავად, WWD-ის აღმასრულებელმა რედაქტორმა, ბრიჯიტ ფოლიმ მთელი ისტორია ერთ ტომად გამოსცა, წიგნი ილუსტრირებულია აქამდე გამოუქვეყნებელი საარქივო ფოტოებით. წიგნის გამოცემა მაისში იგეგმება.

Gio-Graphy, 2017


უხვად ილუსტრირებულ წიგნში Gio-Graphy-ში, ჯოვანი ბატალიმ - მოდელმა,სტილისტმა, მოდის მიმომხილველმა და ქუჩის ფოტოგრაფების მოყვარულმა პირველად ისაუბრა გულწრფელად და ხალისით მოდაში განვლილ გზაზე, გაამხილა საიდუმლოებები, თუ „რა ხდება მის გადარეულ თავში“. როგორც თავად ჯოვანი განმარტავს, მას ბავშვობიდან სურდა ყველასგან განსხვავებული ყოფილიყო. მას შემდეგ ჯოვანისთვის მოდა სამსახურიცაა, დასვენებაც, ყველა დაავადების მკურნალი და თავის გამოხატვის საშუალებაც. მარტივად რომ ვთქვათ - მთელი ცხოვრება. „მაინც ყოველდღე ვიცვამთ - მაშინ რატომ არ უნდა მივიღოთ ამისგან სიამოვნება?“

Dior Images: Paolo Roversi, 2018



თებერვალში Dior-ი გამოსცემს წიგნს, სახელად Dior Images: Paolo Roversi. ალბომის 168-ე გვერდზე ცნობილი ფოტოგრაფის, პაოლო როვერსის ფოტოებია, რომელიც მრავალი წელია მოდის სახლთან თანამშრომლობს. სპეციალურად Dior Images: Paolo Roversi-თვის მის ობიექტივში კრისტიან დიორისა და მისი მემკვიდრეების მიერ შექმნილი კაბები მოირგეს სუპერმოდელებმა - ნაომი ქემბელმა, ნატალია ვოდიანოვამ და ლეტიცია კასტამ.

All About Yves, 2017



შემოდგომაზე გაყიდვაში გამოვიდა მოდის ისტორიკოსის, კატრინ ორმენის წიგნი, რომელიც ივ სენ-ლორანს ეძღვნება. All About Yves - ნამდვილი სახელმძღვანელოა ლეგენდარულ დიზაინერზე. წიგნში შევიდა მისი პირადი წერილები, პოლაროიდები, ესკიზები, ნახატები, პრეს-რელიზები, ასევე ქაღალდის თოჯინები, ქაღალდის გარდერობთან ერთად, რომელიც დიზაინერმა 1950-იან წლებში დახატა.

The House of Worth: The Birth of Haute Couture



კიდევ ერთი ნოემბრის რელიზი - The House of Worth: The Birth of Haute Couture გახლავთ, პირველი ილუსტრირებული მონოგრაფია, რომელიც ჩარლს ფრედერიკ ვორტის წარმატებას ეძღვნება. 1845 წელს პარიზში ყოფნისას, როცა ვორტი 20 წლის იყო და ჯიბეში მხოლოდ რამდენიმე ფრანკი ედო, ის 20-ე საუკუნის ისტორიაში ერთ-ერთი ყველაზე წარმატებული მოდის სახლის დამაარსებელი გახდა, პირველმა გადაწყვიტა მდიდარი მომხმარებლებისთვის საკუთარი გემოვნება შეეთავაზებინა და არ ემსახურა მათი ახირებებისთვის. მონოგრაფია ქრონოლოგიურადაა დალაგებული და ილუსტრირებულია დიზაინერის 500 საუკეთესო ქმნილება მსოფლიოს მუზეუმების კოლექციებიდან, ფოტოგრაფებისა და ოჯახური არქივის დოკუმენტებიდან.

ტექსტი: ანა ვერძაძე

ასევე დაგაინტერესებთ:

10 წიგნი, რომელიც უნდა აჩუქო საყვარელ ადამიანს ვალენტინობის დღეს
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.