ფოტოგრაფ გაი ბორდინის ზე-რეალიზმი, ეროტიკა და აგრესია...

ეჭვგარეშეა, სიურრეალიზმის გავლენამ დიდი როლი ითამაშა მოდის ფოტოგრაფიაში.womens nike shoes
ზე-რეალიზმი, ეროტიკა, აგრესია... ეს ფრანგი მხატვრისა და ფოტოგრაფის, გაი ბორდინის შეომქბმედების მთავარი კომპონენტებია...
ბორდინმა 70-იანი წლების მძაფრი იუმორი, ეროტიზმი და სექსუალური ქალი აიღო მთავარ ინსპირაციის წყაროდ.



გაი ბორდინის ფოტოებში განსაკუთრებულია ქალბატონის მკაცრი ხასიათი, სენსიტიური ბუნება და სიმდიდრისაკენ ლტოლვა. მაღალმხატვრული პასტელური ფერებით მისი ნებისმიერი კადრის მარტივად იდენტიფიცირებაა შესაძლებელი. დაუვიწყარია 70-იან წლებში ბორდინის გადაღებული ფოტონამუშევრები ჩარლ ჯორდანის ფეხსაცმელისთვის, რომელიც სარეკლამო ხასიათის იყო და
ასევე თანამედროვე ხელოვნების შესაბამის კონტექსტშიც ჩანდა.



საყოველთაოდ ცნობილია, რომ მისთვის იმდენად მნიშვნელოვანი იყო ადამიანის ხასიათი, რომ მხოლოდ განსაკუთრებული ასტროლოგიური ნიშნის მქონე მოდელებთან მუშაობდა. ბორდნის ტექნიკაზე ბევრი ჭორ-მართალიც არის გავრცელებული - ერთ-ერთი გადაღებისას მან მოდელს მკვდარი ფრინველი დაასვა ფეხზე, რომ რეალური ტირილის ემოცია გადაეღო. მისთვის უტყუარი ემოცია უპირატესი იყო. ასევე ფოტოგრაფმა 20 წლის მოდელი წებოში ამოავლო და ისე მიამაგრა მარგალიტები სხეულზე.



შეიძლება ითქვას, ფოტოგრაფის პროვოკაციული ხედვა ადრეულ ასაკში მომხდარი ტრაგედიებმაც განაპირობა. დედამ იგი ჩვილ ბავშვობაში მიატოვა, ხოლო მეუღლისა და შემდეგი სიყვარულის ადრეულმა სიკვდილმა თითქოს ყოველდღიურობას დააპირისპირა და საბოლოოდ მისცა ირეალურ სამყაროს. მისი შემოქმედება დილემის ქვეშ აყენებს ჩვენს ფანტაზასა და არაცნობიერს. რთულია ყურადღება მხოლოდ ერთ დეტალზე გაამახვილო.


ფოტოგრაფმა კარგად იცოდა, თუ როგორ მიეპყრო საზოგადოების ყურადღება. გაი ბორდინის ერთი კადრი თითქოს სქელყდიანი გადაშლილი წიგნია, რომლის კითხვისას აუცილებლად განეწყობი შოკისკენ.



ბორდინი თანამედროვე მრავალფეროვნების გავლენით სარგებლობდა და თავს არ იკავებდა ნათლად ეჩვენებინა გრაფიკული სექსუალობა, ამით მან მაღალი რევოლუციური სტანდარტები დაამკვიდრა, რომელმაც დანერგა ახალი ვიზუალური ლექსიქა მოდის ფოტოგრაფიაში.

დათა ალექსეევი




like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.