სამი მიზეზი იმისათვის, რომ ჯიჯი ჰადიდის სათვალეების ახალი კოლექცია შეგიყვარდეთ

გარეთ სულ უფრო მეტად ჩამოცხა, ყველგან იხსნება საზაფხულო ვერანდები და როგორც იქნა შესაძლებელია შიშველი ფეხებით გავლა, მაგრამ შეიძლება კი სეზონი გახსნილად გამოცხადდეს, თუ ახალი მზისგან დამცავი სათვალე ჯერ შერჩეული არ
გაქვთ? თანაც მაშინ, როცა ყველასთვის საყვარელმა მოდელმა, ჯიჯი ჰადიდმა სათვალეების ახალი კოლექცია Vogue Eyewear გამოუშვა.


განგიმარტავთ, თუ რატომ უნდა გაამახვილოთ ყურადღება მის სათვალეებზე:


1. ჯიჯი ჰადიდი კოლექციის შექმნის ყველა პროცესში იღებდა მონაწილეობას: სათვალეების დიზაინით დაწყებული სარეკლამო კამპანიის გადაღებებით დამთავრებული

როგორც ჭეშმარიტი კალიფორნიელი გოგონა ჯიჯი იშვიათად იხსნის სათვალეებს და რაღა თქმა უნდა, მათზე ყველაფერი იცის. Vogue Eyewear-ს საკუთარ კოლექციაში მოდელმა მხოლოდ ის მოდელები წარმოადგინა, რომლებსაც თავადაც სიამოვნებით ატარებს. სარეკლამო გადაღებებისთვის ჯიჯიმ იბიცას პლაჟები აირჩია.



2. სათვალეები ჯიჯის ახალი კოლექციიდან დაგეხმარებათ იდეალური საზაფხულო სტილის შექმნაში

მცირე ზომის ან იდეალურ მრგვალ სათვალეებს ეძებთ 70-იანი წლების სტილში?
Gigi Hadid x Vogue Eyewear კოლექციაში შემავალი შვიდი ვარიანტიდან თქვენ აუცილებლად შეარჩევთ ისეთს, რომელიც თქვენს ინდივიდუალურ სტილს გამოხატავს. საზაფხულო კაბებსა და ესპადრელებს კი ყველაზე მეტად მოუხდება „კატის თვალის“ ფორმის სათვალე.



3. ჯიჯი კლასიკური ფორმის სათვალეებს ათანამედროვებს

როგორც ჯიჯი ჰადიდმა დაამტკიცა კლასიკური სათვალეების მისი ახალი ინტერპრეტაცია კოლექციაში Gigi Hadid x Vogue Eyewear სუპერ აქტუალური იქნება 2018 წელსაც. მხოლოდ უნდა გაერკვეთ, რომელი ეპოქაა თქვენთვის ყველაზე ახლო: „კატისებრი“ ჩარჩო 60-იანი წლების მოდას მოგაგონებთ, მრგვალი სათვალეები ბოჰემურ 70-იანებში გამოგზაურებთ, მინიმალისტური მართკუთხა ჩარჩოთი სათვალეებში კი შეგიძლიათ თავი 1980-იანი წლების საავტომობილო მოგზაურობის გმირად იგრძნოთ. ვიდრე თქვენ ირჩევთ, ჯიჯი ჰადიდი გაჩვენებთ, თუ როგორ შეიძლება ატაროთ სათვალეები სხვადასხვა ეპოქიდან მოდურად წლევანდელ ზაფხულს.



ანა ვერძაძე


ასევე დაგაინტერესებთ:


ყველაზე მოდური ვიკი
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.