სეზონის ტრენდი - ოდრი ჰეპბერნის მსგავსი მზის სათვალეები

ოდრი ჰეპბერნი - ყველა დროის მუზა - მან არაერთხელ გაამართლა მოდური ქალის სტატუსი.




ყველაფერი, რასაც ფილმებსა და რეალურ ცხოვრებაში ატარებდა, მალევე საკულტო ხდებოდა და ასეთივე დარჩა ათეულობით წლების შემდეგაც. საკმარისია
გავიხსენოთ სათვალეები, რომლითაც მსახიობი ეკრანზე და კამერების წინ გამოჩნდა. ყველა ეს მოდელი ახლა ყველა მოდის მიმდევარი ქალბატონის კოლექციაშია.



RAY-BAN

შავი „ვაიფარერები“

ჰეპბერნის ცნობილი გმირი - ჰოლი გოლაითლი - მთელი ფილმის „საუზმე ტიფანისთან“ განმავლობაში კლასიკურ შავ „ვაიფარერებს“ ატარებს. სათვალეებში გოგონა ყველა ცნობილ სცენაში ჩნდება. უდავოა, რომ ეს მსახიობის ყველაზე ცნობილი ფილმია და გასაკვირი არაა, რომ ეს სათვალეები პრაქტიკულად ყველა გოგონას აქვს.



PRADA

მრგვალი სათვალეები

ასეთ სათვალეებში ოდრი ჰეპბერნი ფილმებში შემჩნეული არ არის, თუმცა რეალურ ცხოვრებაში ის მსგავს სათვალეებს ხშირად ატარებდა.



 DIOR

რეტროფუტურიზმი

ამ ესთექიკას 2018 წელს მიმართეს Gucci-მ, Dior-მა და სხვა სერიოზულმა ბრენდებმა. მოდის მთავარმა მიმდევრებმა, ვინც პირველობისკენ ისწრაფვის, Dior-ის მსგავსი სათვალეები უკვე შეიძინეს, თუმცა ლაბორატორიის მეცნიერის სტილში გადაწყვეტილი ამ უჩვეულო სათვალის პირველი შემომტანი სწორედ ოდრი გახლდათ. 1967 წელს ის ფილმში „ორნი გზაზე“ გამოჩნდა - ეს კადრი კი ისე გამოიყურება, თითქოს წლევანდელ სეზონზეა გადაღებული.



 SAINT LAURENT

ოვალური „ჯაშუშური“ სათვალეები

სათვალეები 1963 წლის ფილმიდან „შარადა“, რომელში გამოწყობილიც ოდრი ფილმში თავის მეწყვილესთან ერთად დგას, გამოიყურება, როგორც წლევანდელი ზაფხულის მთავარი აქსესუარი. ოდრი მას თავსაფართან და კრემისფერ ქურთუკთან ერთად ატარებს - ნამდვილი ჯაშუშის არსენალი, რომელიც მიმდინარე სეზონზეც მისაღებია.



 CELINE

ფათო მართკუთხა სათვალე

მივლინების რომანტიკის ეტალონი - კოპლექტი, რომელშიც ოდრი ჰეპბერნის გმირი ფილმში „ორნი გზაზე“ პლაჟზე ცხოვრებით ტკბება. მაგრამ მთელ ყურადღებას არა ზოლიანი საცურაო კოსტიუმი, არამედ მართკუთხა ფორმის სათვალე იქცევს თეთრ ჩარჩოში. წლევანდელი საზღვაო სეზონისთვისაც უკეთესი ვარიანტის მოფიქრება გაგიჭირდებათ.



 ACNE STUDIOS

თეთრი ოვალური სათვალე

მიიჩნევა, რომ ეს შავ ლინზებიანი სათვალეები თეთრ პლასტმასის ჩარჩოში, პოპულარული 1990-იან წლებში გახდა, როცა ის კურტ კობეინმა მოირგო. თუმცა, გვსურს შეგახსენოთ, რომ ეს მოდელი საკულტო სათვალედ პირველ რიგში ოდრი ჰეპბერნმა, ჯერ კიდევ 1956 წელს აქცია. მსახიობი ამ სათვალით გამოჩნდა ფილმში „როგორ მოიპარო მილიონი“ და სამუდამოდ ისეთივე თამამი და მოდური დარჩა მოდის მოყვარულთა გულებში.


ანა ვერძაძე

ასევე დაგაინტერესებთ:

სამი მიზეზი იმისათვის, რომ ჯიჯი ჰადიდის სათვალეების ახალი კოლექცია შეგიყვარდეთ

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.