თეთრი დენიმი - გაზაფხულის ყველაზე ტენდენციური ჯინსები

რა თქმა უნდა, არაფერია ლურჯ ჯინსებზე მეტად კომფორტული, ყოველდღიურობაში მითუმეტეს, თუმცა ამ სეზონზე დიზაინერებმა გადაწყვიტეს თეთრი ფერის ჯინსის მოდელებს მიანიჭონ უპირატესობა.


„ბომონდი“-ს რჩევით დროა შეავსო შენი მოდური გარდერობი ახალი ჯინსებით.



წლის მოდურ ტენდენციად უდაოდ შეიძლება ჩაითვალოს თეთრი ჯინსები, ხოლო სხვადასხვა მოდელის მეშვეობით კი გარდერობს მრავალფეროვნებას შემატებთ, ასეთი ჩაცმულობის ვარიანტი მაისამდე მოღრუბლულ და ნაცრისფერ ამინდებს ნამდვილად უფრო მეტ ხალისს დაუბრუნებს.

თუკი დაფიქრდი იმ საკითხზე, თუ რასთან შეიძლება ჩაიცვა თეთრი ჯინსი, გეტყვით რომ ნებისმიერ ზედასთან, განსაკუთრებით უხდება ტყავის თხელ ქურთუკებს, მასიურ და
მკაცრ შუზებს, რომელთა ფონზე საკმაოდ მოდურად და ლამაზად იქნებით მთელი დღის განმავლობაში.

ყველაზე თამამი გოგონებისთვის კი „total-white-look“ არსებობს, რომელიც ითვალისწინებს სრულ სითეთრეს, შეგიძლიათ შეუხამოთ თავისუფალი სტილის თეთრი თხელი ზედა და კომფორტული თეთრი კედები, რომელიც განსაკუთრებით უხდება შავგვრემნებს.

არ შეუშინდე მკვეთრი ფერების თამაშს, თეთრს იდეალურად ავსებს წითელი ფერი, შესაბამისად თამამად მოირგე თეთრ ჯინსზე ოვერსაიზ წითელი ზედა, საკმაოდ უხდება ვარდისფერი პიჯაკებიც, თამამად დაუმატე ხასხასა ყვითელი და მუქი ლურჯი ფერის ზედაც.

რჩევის სახით, გეტყვით, რომ ყურადღება გაამახვილეთ პასტელური ფერის მყარი ნაჭრის მქონე ზედებზე, რომელიც იდეალურად შეავსებს თქვენს მოდურ ლუქს, ამ შემთხვევაში ლუქსის და ელეგანტურობის შემთხვევაში საკმაოდ კარგი გადაწყვეტილებაა ყავისფერი ტონალობის ზედა.



და ბოლოს, სულაც არ არის საჭირო წვიმიან დღეებში ჩაიცვა თეთრი ჯინსები, უპირატესობა მიანიჭე ასეთ სტილზე გარეთ გასვლას მოღრუბლულ და მზიან ამინდებში, ხოლო ტალახიან ამინდებში კვლავ შენს მუქი შეფერილობის ჯინსებს შეგიძლია დაუბრუნდე.



ლიდია ამარიანი
like
0

კომენტარები

lasha
მოგიტყანთ ქართული, დენიმის მაგიერ ჯინსი რომ დაგეწერათ რა გოიმებად ჩაითვლებოდით?
2019-04-12 10:03

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.