ყველაზე მოდური მოკლე ვარცხნილობები - იპოვეთ თქვენი საყვარელი სტილი

ყოველ სეზონზე პოდიუმებზე ვარცხნილობები სულ უფრო მეტად მოკლდება. უკვე გასულ წელს, ტრენდის შესაბამისად, ყველა მოდის მიმდევარმა გრძელი თმა დაიმოკლა. ახლა კი ექსპერიმენტული ცვლილებების დროა.

საზაფხულოდ ასეთი ვარცხნილობები ძალიან მოსახერხებელია. თმა მალე შრება - არავითარი თმის საშრობი და სხვა პრობლემები. დამოუკიდებელი სტილისტი და მილანში საკუთარი სტუდიის My Place Hair Studio დამფუძნებელი, ტომაზო ინკამიჩი რამდენიმე სახის მოკლე ვარცხნილობაზე გვიამბობს - აირჩიეთ ის, რომელიც თქვენთვისაა მისაღები.

1  Maison Margiela

„ეს ძალიან მოკლე ბობი გახლავთ, რომელიც არ ფარავს ყურებსა და კისერს, შთაგონებულია 90-იანი წლებიდან.
იდეალურია მათთვის, ვისაც უყვარს წინამო და მოკლე ვარცხნილობაშიც სურს მისი მორგება. ეს ვარცხნილობა იმ შემთხვევაში აირჩიეთ, თუ ძალიან სწორი თმა გაქვთ. ყველაზე მეტად მათ მოუხდება, ვისაც გრძელი სახე აქვს“.


2  Andrew Gn

„ვარცხნილობა, რომელიც უკვე 50 წელია მოდიდან არ გადადის. ამ ვარცხნილობაზე რეკომენდაციას ვაძლევ მათ, ვისაც ჩვეულებრივი ან გულის ფორმის სახე აქვს, ფართო შუბლითა და ბასრი ნიკაპით“.


3  Missoni

„ეს ვარცხნილობა „ვარსკვლავური გზის“ გმირებს მახსენებს. ამ ვარცხნილობის საიდუმლო მის არათანაბარ ფორმაშია, რის წყალობითაც მარტივია ვარცხნილობის შეცვლა და ნებისმიერ სიტუაციასთან ადაპტირება. ბევრი სხვა მოკლე ვარცხნილობისგან განსხვავებით, კისერი თმითაა დაფარული. ამიტომ, თუ თქვენ რაიმე მიზეზით არ გსურთ მისი გამოჩენა, ეს ვარცხნილობა აირჩიეთ“.


4  Marco de Vincenzo

“კლასიკური სტილის ვარცხნილობა მათთვის, ვისაც ხვეული თმა აქვს. მსგავსი ვარცხნილობით გოგონები ბერძნული ქანდაკებების გმირებს მოგაგონებთ. იდეალური ვერსიაა გრძელ კისრიანი ქალბატონებისთვის“.


5  MSGM

„საინტერესო ვარცხნილობა გვიანი 1980-იანი წლებიდან: მოკლე ბობი წინამოს გარეშე, რომელიც ფარავს ცალ ყურს ან შუბლს. შთაგონებისთვის შეგვიძლია გავიხსენოთ - ვაინონა რაიდერი. ამ ვარცხნილობას ვურჩევდი ყველას, ვისაც კვადრატული სახის ფორმა აქვს“.


6  Anrealage

„60-იანი წლების კლასიკური ვარცხნილობის ინტერპრეტაცია - ჯგუფის The Beatles სტილში. განსხვავებით იმ ვარცხნილობისგან, რომელიც Maison Margiela-ს ჩვენებაზე ვნახეთ, აქ ბევრად უფრო გრძელი წინამოა, რომელიც ფარავს წარბებს და ყვრიმალებს ეხება. უხდება მათ, ვისაც სწორი ან ოდნავ ხვეული თმა აქვს. არ ვურჩევ მათ, ვისაც საკმაოდ გრძელი ცხვირი აქვთ, რადგან წინამო ამას კიდევ უფრო მძაფრად კვეთს“.


7  Issey Miyake

„აქ „ბაკებთან“ თმა უფრო გრძელია, კისერთან კი ბევრად უფრო ბუნებრივი. რეკომენდებული არ არის მათთვის, ვისაც გრძელი სახე აქვს“.


Reconstructed

„ეს ძალიან ჰგავს ვარცხნილობას, რომელიც 90-იან წლებში სემ მაკნაიტმა პრინცესა დიანას გაუკეთა. ის მოუხდება ნებისმიერი სახის ფორმას. იდეალურია, თუ თქვენი თმა სწორი ან ტალღოვანია, მაგრამ გამოიჩინეთ სიფრთხილე - საჭირო არ არის ზედმეტი მოცულობა“.


9  Miu Miu

„გახსოვთ ლუიზა ბრუკსი? უხმო კინოს დივა და შესანიშნავი მაგალითი მათთვის, ვისაც მამაკაცური ვარცხნილობის მორგება სურს. ვერსია Miu Miu-ს ჩვენებიდან კიდევ უფრო მამაკაცურია, ვიდრე ბრუკსის შემთხვევაში - ის უფრო გრაფიკულია“.


10  Guy Laroche

„ის მილა იოვოვიჩის ვარცხნილობას მახსენებს, როცა ის ლუკ ბეზონის ფილმში ჟანა დარკს განასახიერებდა. ყველაზე ლამაზად ჩანს პროფილში, რამდენადაც ხაზს უსვამს კისერს“.


11 Louis Vuitton

„სტილისტების შთაგონება ამ შემთხვევაშიც 80-იანი წლები გახდა, თუმცა დევიდ ბოუვი მსგავს ვარცხნილობას ჯერ კიდევ 70-იანებში ატარებდა. Louis Vuitton-ის ჩვენებიდან მთავარი განსხვავება იმაში მდგომარეობს, რომ თავის ზედა ნაწილში თმა უფრო მოკლეა, ვიდრე ყურებთან“.


12  Simone Rochas

„ვარცხნილობა ისე გამოიყურება, თითქოს გოგონას თმა ჯერ გადაპარსეს, შემდეგ კი გააზრდევინეს. განსაკუთრებულად საინტერესოდ გამოიყურება, თუ თმის ძირები ბოლოებზე ცოტა უფრო მუქი ფერის იქნება“.

ანა ვერძაძე
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.