ანატომიური აქსესუარები - ტრენდი ყველაზე გაბედულებისა და თამამებისათვის

ადამიანის სხეული ყოველთვის ინსპირაციის წყარო იყო ხელოვანი ადამიანებისთვის - მხატვრებით დაწყებული დიზაინერებით დასრულებული.

თუმცა ამჯერად შეიძლება ითქვას, რომ იუველირებმა მისცეს ბიძგი დიზაინერებს ახალი ტენდენციის ასათვისებლად.

მაშ ასე, „ბომონდმა“ მოაგროვა ადამიანის ანატომიური ნაკეთობების ყველაზე მოდური აქსესუარები გაბედული და თამამი ლამაზი ქალბატონებისთვის.

ამ სეზონზე სხეულის ანატომიური დეტალები გამოჩნდა Marni-ს კოლექციის ჩვენებაზე, რომელსაც არც Paola Vilas-ს მოდის სახლი ჩამორჩა. ამ უკანასკნელის აქსესუარები კი ქალის ლამაზ ფორმებს უსვამს ხაზს. მიხვდით, თუ რა იქნება წლევანდელი ზაფხულის და შემოდგომის მოდის ახალი გამოძახილი?

- დიახ,
არც მეტი არ ნაკლები, მოემზადეთ დაიხუნძლოთ მძიმე და მასიური აქსესუარებით, ეს იქნება ქალის თუ მამაკაცის სხეულის ფორმის სამკაული, საყურის, ყელსაბამის თუ სამაჯურის სახით. განსაკუთრებით ეფექტურად გამოიყურება ოქროსფერი ნაკეთობა.

რასთან ვატაროთ?

ამ შემთხვევაში გეტყვით, რომ თამამად ატარეთ ნებისმიერ ტანისამოსთან, ეს იქნება მონოქრომული ლუქი თუ სხვადასხვა ფერში გადაწყვეტილი ტანისამოსი, ასეთი დეტალი იდეალურად ავსებს პერანგის საყელოებს, უხდება გახსნილ კაბებს, ხოლო ყოველდღიურ ლუქს სამაჯური შემატებს განსაკუთრებულობას. ექსპერიმენტებს არ შეუშინდა საიუველირო სახლი Y/Project, რომელმაც არც მეტი არ ნაკლები, სამაჯურზე ორალური სექსის სცენა გამოაცოცხლა და თამამად მოარგო მკვეთრ წითელ სამაჯურს.



თუკი თქვენს ზარდახშაში ჯერაც არ მოიპოვება სხეულის ფორმის აქსესუარები, კიდევ ერთი მიზეზი გამოგიჩნდათ საშოპინგოდ.
ჩვენ კი გირჩევთ არ შეუშინდეთ ექსპერიმენტებს და თქვენს ლუქს შემატოთ მეტი ექსტრავაგანტულობა სახის ფორმის საყურეებით, მამაკაცის და ქალის სხეულის ანატომიითა და სხვადასხვა ტიპის სხეულის ფორმის სამკაულის მორგებით.

  • წინა
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.