საუკეთესო თმის ფერები 2019 წლის ზაფხულისთვის

საზაფხულო მზადება მხოლოდ გარდერობის გადალაგებას როდი ნიშნავს.

ყველას სურს, რომ დიდი ხნის ნანატრი შვებულებისას საუკეთესოდ და განსხვავებულად გამოიყურებოდეს, ამიტომ საზაფხულო სამზადისი შესაძლოა თმის სტილის შეცვლასაც კი მოიცავდეს. ამ სტატიაში შემოგთავაზებთ 2019 წლის ყველაზე ტრენდულ თმის ფერებს, რომლებიც დამდეგ ზაფხულს გამორჩეულად გაგილამაზებთ.

1. ვარდისფერი


წინასწარ გეტყვით, რომ ამ სიაში პასტელურ ფერებს ხშირად შეხვდებით. ვარდისფერი ტონები წელს საოცარი პოპულარობით სარგებლობენ, ამიტომ გირჩევთ საზაფხულოდ მათი მორგება სცადოთ.


2. მეტალური ქვა


ამ სახელს ცისფერისა და ნაცრისფერის ნაერთს უწოდებენ. მსგავსი ტონები პასტელურ ფერებს მიეკუთვნებიან. აღსანიშნავია,
რომ ამ ფერს საკმაოდ უხდება არეული ტონები, შეგიძლიათ მათი გამოყენებით ომბრეც მოიხდინოთ.


3. პიტნისფერი


ვაღიარებ, მისი მოხდენა საკმაოდ რთულია, რადგან პიტნისფერი პრეტენზიული ფერია, მაგრამ იგი ამავდროულად ძალიან მხიარული, მიმზიდველი და გამორჩეულად მოდური ფერია. განსაკუთრებით უხდება მუქი ტონის კანს, ამიტომ ზაფხულის რუჯზე იგი იდეალურ ფერთა შეხამებას მოგცემთ.


4. მაყვლის ღვინო


პასტელური ფერების შემდეგ დროა მუქ ფერებზეც ვისაუბროთ. ამ ზაფხულს მოდაში იასამნისფერის ტონები იქნება, განსაკუთრებით კი მაყვლისფერი. მისი მოხდენა მარტივია, უხდება მუქ ფერებს, ამიტომ კარგად ეხამება შავი თმის ძირებსაც.


5. „ინფერნო“


ეს სახელი იტალიური სიტყვაა, ქართულად ჯოჯოხეთს ნიშნავს, მაგრამ სახელი ნუ შეგაშინებთ. „ინფერნო“ საუკეთესო შეხამებაა წითელი, ყვითელი და სტაფილოსფერი ფერებისა. ომბრეს სტილის მქონე თმა საოცრად განსხვავებული, მიმზიდველი და სახალისოა. მიუხედავად იმისა, რომ მისი მოხდენა ძალიან ძნელია, „ინფერნო“ წელს მაინც ტრენდულია.
like
0