ყველაზე გემოვნებიანი ატრიბუტები: წლის მთავარი 5 ტრენდი

2019 წლის პირველი ნახევარი უკვე დასრულდა და ამ 6 თვის განმავლობაში საკმაოდ ბევრი ტრენდი ვიხილეთ მოდის ინდუსტრიაში, ნეონური ფერებით დაწყებული, გველის პრინტებით დამთავრებული.

ამ წლის მეორე ნაწილი ტანსაცმლის მოყვარულებისთვის არანაკლებ საინტერესო იქნება, რადგან ახალი ტრენდები ძალიან სახალისო ლუქებს გვპირდებიან.



ამ სტატიაში გაეცნობით ფერებს, ფორმებსა და პრინტებს, რომლებიც ამ წლის მეორე ნაწილში ყველაზე მოთხოვნადი იქნება.

1. მინი ჩანთა

დიახ, მინიატურული ზომის ჩანთების ტრენდი პოპულარობის დაკარგვას წელს საერთოდ არ აპირებს, არამედ პირიქით, უფრო მოთხოვნადი ხდება. მცირე ზომის ხელჩანთების უკვე უამრავი ვარიაცია ვნახეთ
და შეგიძლიათ დარწმუნებულები იყოთ, რომ კიდევ ძალიან ბევრ დიზაინს ვიხილავთ მომავალში მოდის სახლებისგან.


2. მარგალიტი

მომავალ თვეებში მარგალიტის თვლებს ძალიან ხშირად გადააწყდებით ინსტაგრამ პოსტებსა და ცნობილი სახეების პაპარაცულ ფოტოებში. თუ გსურთ, რომ ტრენდული აქსესუარები გქონდეთ, დროა მარგალიტების მორგება დაიწყოთ-შეგიძლიათ შეიძინოთ მარგალიტით გაწყობილი თმის სამაგრები, საყურეები და ყელსაბამები.


3. ისამნისფერი

ერთ-ერთი ყველაზე დახვეწილი ფერი მოდის სამყაროს უბრუნდება. გასულ თვეებში იასამნისფერი ფეხსაცმელების ტრენდის წამოწყება შეინიშნებოდა, ამიტომ შეგვიძლია ვივარაუდოთ, რომ ამ ფერს შემდეგ სეზონებზე უფრო ხშირად შევნიშნავთ.


4. დიდი ზომის სათვალე

ამ ტრენდს რიანას უნდა ვუმადლოდეთ, რომლის ერთმა ლუქმაც მინი სათვალეების პოპულარობა თითქმის მთლიანად გააქრო. ამ ზაფხულს დიდი ზომის მზის სათვალეები ყველაზე მოთხოვნადი აქსესუარია და ასე გაგრძელდება შემდეგი თვეების განმავლობაშიც.


5. ბენდენა

რაც არ უნდა გასაკვირი იყოს, ბენდენები ისევ პოპულალური ხდება, ამჯერად უფრო დახვეწილი და მიმზიდველი დიზაინით. მათი გამოყენება დამატებით აქსესუარად შეგიძლიათ, მაგალითად გაუკეთეთ იგი თქვენს ჩანთას.
like
2

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.