გოთური პრინცესა - შემოდგომის სეზონზე აქტუალობის პიკში იქნება

პარიზში გამართული Louis Vuitton-ის ფონდის ცერემონიალში ახალგაზრდა დიზაინერებისათვის LVMH პრემიის გადაცემა გაიმართა, სადაცგამარჯვება სამხრეთ აფრიკის წარმომადგენელს ტებე მაგუგუს ერგო, ჯილდო კი გადასცა ალისია ვიკანდერმა, რომელიც ბრენდ Louis Vuitton შავ დრამატულ ლუქში იყო გამოწყობილი.

ალისიამ დაჯილდოვებისთვის შეარჩია გოთური პრინცესას იმიჯი, რომელიც ამ სეზონზე - პოპულარობის პიკში იქნება.

თუკი სკოლის პერიოდში გოთი იყავით და უსმენდით Siouxsie და the Banshees- სწორედ ის დროა ამოალაგოთ გარდერობიდან შავი ტუჩსაცხი და ჯვრებიანი ყელსაბამები.

„ბომონდი“ გიზიარებთ წლევანდელი აქტუალური ლუქის სწორად ჩაცმის ვარიანტს: ინსპირაცია ეძებეთ Alexander McQueen, Balenciaga,
Comme des Garçons, Olivier Theyskens, Prada და Preen by Thornton Bregazzi-ს მოდის სახლების კოლექციებში. დაუმატეთ გარდერობს შავი აბრეშუმის ტანსაცმელი, დრამატული კორსეტები და ნაჩვრეტებიანი ზედებიც თამამად მოიმარაგეთ. ყურადღება გაამახვილეთ შავ დრამატულ ქვედაბოლოებსა და მაისურებზე, გამჭვირვალე შავი კაბები კი უხეშ ფეხსაცმელებზე (შუზებზე, დაბალყელიან ჩექმაზე) მოირგეთ.

  • წინა
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.