ფეხსაცმლის 5 ტრენდი, რომლებიც 2019 წლის ზამთარს დაიპყრობს

გთავაზობთ “ბაიერების” მიერ არჩეულ 5 ტრენდულ ფეხსაცმელს, რომელიც ყველაზე ცივ სეზონზეც აქტუალური და საკმაოდ კომფორტულია.

1. ბოტფორდი

70-იანების მოდური ტრენდების დაბრუნებაზე მუხლსზემოთ ჩექმის აქტუალურობაც მოწმობს. ეს ფეხსაცმელი წლების განმავლობაში მოდური ფეხსაცმელების სიიდან ამოშლილი იყო, თუმცა ახლა საკუთარი ადგილი კვლავ დაიბრუნა.


2. ფეხსაცმელი ე.წ „ტრაქტორის ძირით“

ამ ფეხსაცმლის ტრენდულობას შეიძლება ითქვას, რომ სწორედ მისი პრაქტიკულობა განსაზღვრავს. იმის მაგივრად, რომ დროთა განმავლობაში ამ სტილის ფეხსაცმელმა აქტუალურობა დაკარგოს ნელ-ნელა სულ უფრო მეტ პოპულარობასა და მოთხოვნას იწვევს მომხარებელში. არასასურველი ამინდისათვის ეს ფეხსაცმელი იდეალური ალტერნატივაა.


3.ფეხსაცმელი კვადრატული ფორმის ცხვირით

ფეხსაცმელი კვადრატული ფორმის ცხვირით პირველად პოდიუმზე 2018 წლის გაზაფხულზე გამოჩნდა დიზაინერ Bottega Vaneta-ს ჩვენებაზე. როგორც ჩანს ეს დეტალი დიდხანს იქნება ტრენდული, რადგან მოდის სახლები ამ ელემენტს აქტიურად იყენებენ როგორც ჩექმის ისე საღამოს, მაღალქუსლიანი ფეხსაცმლის შექმნისას.


4. ცხოველების პრინტით გაწყობილი ფეხსაცმელი

ცხოველების პრინტი ახალი მეთოდა ლუქის მრავალფეროვნებისთვის. დიზაინერებისა და მოდის ბლოგერების აზრით, გრაფიკული გველის ან ნიანგის ტყავით გაფორმებული თამამ ფერებში, ან ზამთრის სეზონის მთავარ ფერში, ყავისფერში, გადაწყვეტილი ფეხსაცმელი ზამთრისთვის აუცილებელი ფეხსაცმელების სათავეშია.


5. ფეხსაცმელი წვეულებისთვის

თუ ბრჭყვიალებით გაწყობილი, მაღალქუსლიანი ფეხსაცმელი თქვენს სტილში არ ჯდება, „პუანტების“ მსგავსი ფეხსაცმელი ნამდვილი წლის ჰიტია. ამ სტილის ფეხსაცმელი საოცრად ქალური და დახვეწილია, ამიტომ დღესასწაულისა და წვეულებებისათვის შეიძლება ითქვას, რომ უნიკალური გადაწყვეტილებაა იმ შემთხვევაში თუ უპირატესობას დაბალქუსლიან ფეხსაცმელს ანიჭებთ.


დეა კოლოტაური
like
5

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.