ჟურნალი "ბომონდი"

ACHROMATOPSIA
ეგრძნებას ადამიანი აღქმის გარეშე არ განიცდის, ეს ფილოსოფიაა. რამდენად არის შესაძლებელი ნებისმიერი კოგნიტური წერტილის „აქრომატიზაცია“
- ეს უკვე სცდება მატერიალისტურ სამყაროს. არის თუ არა ფერი იქ, სადაც სინათლის სხივი არ იშლება ნაწილებად? დილემაში ორი მიმართულება გვაქვს: დავეყრდნოთ ფიზიკის კანონებს, ან მივყვეთ სუბიექტური აღქმის საკუთარ ინტერპრეტაციებს.






EDITORIAL BY DATA ALEKSEEV

Apparel – Vaska
Photo – Shotie BlackMore
Style – Data Alekseev
Make Up – Roman Mchedlishvili
Hair – Franck Provost
Models : Mariam Khorguashvili (Look Models)
George Gogokhia (IC.M Management)

A C H R O M A T O P S I A











მსოფლიოს ტრენდად ქცეული ემოციები - SOLD OUT !
თქვენ არ ხედავთ იმას, რაც აქამდე არ გინახავთ. არ ისმენთ, იმას რაც აქამდე არ გსმენიათ, თქვენ გაქვთ შესაძლებლობა, იფიქროთ შემოქმედებით მუხტზე, კულტურის არსზე, როგორც იარაღზე - თქვენ უბრალოდ კითხულობთ ქვეტექსტს, რაც აქამდე არ წაგიკითხავთ.
დათა ალექსეევი

ამბობენ, რომ პოლიტიკას ხელოვნებასთან არ აქვს არანაირი კავშირი. თუ ასეა, როგორ დამკვიდრდა ღირებულება „კულტურა როგორც სოციალური ინსტუმენტი“? ან „ხელოვნება როგორც იარაღი“? ვფიქრობ, ეს რიტორიკული შეკითხვა წერტილს დაუსვამს სოციალური ღირებულებებისა და კულტურის სფეროს გამიჯვნის არარეალურ თეორიას. ოდითგანვე, სანამ ტერმინი შემოქმედებითი ან კრეატიული ინდუსტრია დამკიდრდებოდა, კულტურა მსოფლიოს მართავდა, უარეს შემთხვევაში კი პირიქით. ამ დროს რევოლუციურ ნაბიჯებს გააჩნდა უპირატესობა ეპოქათაშორის მცირე, თუმცა უმნიშვნელოვანეს ცვლილებებში.



საიდან მოვდივართ?

ხშირად გვავიწყდება საიდან მოვდივართ, არ ვფიქრობთ მიზეზებზე, ვსაუბრობთ საბაბზე, ვივიწყებთ სასრულს და ვფიქრობთ უსასრულობაზე. შემოქმედების ყველაზე დიდი მუხტი ეგზისტენციის არქეტიპიდან მოდის. დემნა გვასალიას უახლესმა, 2019 წლის გაზაფხულის კოლექციამ ეს არგუმენტი ნამდვილად განამტკიცა.
VETEMENTS-მა კიდევ ერთხელ აალაპარაკა მსოფლიო, ამჯერად ყურადღების ეპიცენტრში საქართველო მოექცა .


ნოსტალგია, გენოციდი, პოლიტიკა, ომი

„ვფიქრობ, აქამდე არ მქონდა საკმარისი თავდაჯერებულობა, რომ ასეთი კოლექცია წარმომედგინა. 10 წლის ვიყავი, როცა ჩემი სახლი დაბომბეს და დევნილი აღმოვჩნდი ჩემს სამშობლოში. მე და ჩემი ძმა 90-იან წლებში გავიზარდეთ, ჩვენთვის მძიმე იყო ომი, რომელიც გადავიტანეთ. მინდოდა ჩემი ფობიები დამემარხა, მყარად დავდგომოდი შიშს, ბრაზს, ტკივილს, რომლის გახსენებაც აქამდე უბრალოდ არ მინდოდა. მე ვურჩიე ჩემს ფსიქოლოგს, დასწრებოდა ჩვენებას, რადგან ეს შოუ ბევრ პასუხგაუცემელ შეკითხვაზე გასცემდა მას პასუხს, დღეს კი შემოქმედებითად ბედნიერი ვარ“ - დემნა გვასალია

დემნა გვასალიას 2019 წლის კოლექციის ლაიტმოტივი არა, მოდური შოუ არამედ ქვეტექსტებად დაშლილი ფილმის ეპიზოდები იყო, რომელიც მტკივნეულად გადატანილ ემოციებზე მოგვითხრობდა. ანდერგრაუნდ კულტურის რუხმა კარდინალმა საქართველო მსოფლიო მოდის ასპარესზე გამოიტანა. კოლექციაში შეხვდებით ქართულ დროშას, გალაკტიონის ამონარიდებს, გენოციდზე გაკეთებულ აქცენტებს უახლეს ისტორიასთან ერთად “We dance toghether, we figth together”. თითქოს წლების განმავლობაში დაგროვილი პროტესტი, „რუსული ჩექმით“ დაწყებული „მტირალი აფხაზეთით“ დამთავრებული ერთ ლიმიტირებულ კოლექციად გადაიქცა, რომელიც „წუთ-ნახევარში“ გაყიდული იქნება“

იყიდება ისტორია!

ხშირად ამბობენ, რომ როდესაც სპეციალური ასორტიმენტის ტიპის პროდუქტს ვყიდულობთ, ხარისხზე მეტად ღირებულება, მისი შინაარსი, ისტორია და ფასეულობა გვაინტერესებს. წარმოგიდგენიათ ხვალინდელი დღე? მსოფლიო მოდის ინდუსტრიაში რევოლუციონერი ქართველი დიზაინერის ახალი „ტანსაცმელი“ მოდის დედაქალქების ქუჩებსა და კვირეულების „სთრითსთაილს“ დაიპყრობს, უამრავი ქვეტექსტით, იარაღით, რომლის შესახებაც არაფერი გინახავთ, არაფერი გსმენიათ, უბრალოდ ახლა კითხულობთ.

ჟურნალი „ბომონდი“
ივლისის ნომერი




მაკა ცინცაძე - საეთერო სამოსიდან რეტრომდე (ინტერვიუ)
ესანიშნავად ირგებს სხვადასხვა იმიჯს და მისი წარმოდგენა შეგიძლიათ Fashion ინდუსტრიაში, თუმცა იგი პირველი არხის პოლიტიკური ტოქშოუს წამყვანია.
მაკა ცინცაძე - საეთერო სამოსიდან რეტრომდე (ვიდეო)
ჟურნალ “ ბომონდის” მარტის ნომერში თქვენ ნახავთ:
ზაფხულის ლიტერატურა
ხატვრული ლიტერატურის კითხვის დროს შექმნილი განწყობა და შთაბეჭდილებები ახალი სამყაროს კარის გასაღებს ჰგავს, რომლის ზღურბლს იქით უამრავი თავგადასავალი და თითქოს ჩვენს თავზე მოთხრობილი ამბები და შეგრძნებები იმალება.
RANDOM WEAR - თავისუფლება, ფუნქციონალურობა და შემთხვევითობა
ხშირად მიფიქრია, არის თუ არა ტენდენციები მკაცრი აუცილებლობა და სტანდარტული ჩარჩო საზოგადოებისთვის, რომელიც მასებს მართავს?
მოდა, რომელიც თამარ მეფის გავლენით დამკვიდრდა - როგორი იყო საქართველოს ერთადერთი ქალი მეფის ჩაცმის სტილი
მოდა მემატიანეა, რომელიც არა ტექსტებით, არამედ დიზაინით, ქსოვილებით, სამოსით და აქსესუარებით გადმოგვცემს ისტორიას.
წვეულება მხოლოდ ქალებისთვის - ყატარის ავიახაზებისა და „ბომონდის“ დაუვიწყარი წვეულება
„ბო­მონ­დი“ პირ­ვე­ლი ფე­რა­დი ჟურ­ნა­ლია სა­ქარ­თვე­ლო­ში, რომ­ლის ის­ტო­რი­აც უკვე 22 წელს ით­ვლის. გა­მო­ცე­მა თა­ვის მკი­თხველს ხში­რად ანე­ბივ­რებს პარტნი­ო­რებ­თან ერ­თად გა­მარ­თუ­ლი გლა­მუ­რუ­ლი წვე­უ­ლე­ბე­ბით.
MATHILDA
EDITORIAL BY DATA ALEKSEEV
Apparel - JANASHIA

ოქროსფერი სეზონის დადგომისთანავე მოდის ინდუსტრიაში და არამარტო, ახალი ეპოქა ახალი ინსპირაციითა და შეგრძნებებით იწყება. შეუცვლელი რიტმის განმეორებადი სიმულაცია ყველაზე მეტად მოდის კვირეულების განმავლობაში ვლინდება. კრიტიკოსები ხშირად საუბრობენ პლაგიატიზმზე, მიმბაძველობაზე. აკრიტიკებენ პროექტებს, ჩვენებებს, კონკრეტულ „ლუქებს“. ერთი შეხედვით ეს ყველაზე მსხვილი ინდუსტრიის მნიშვნელოვანი და ორგანული ნაწილია, თუმცა ვფიქრობ, ცოტა ღიმილის მომგვრელია 21-ე საუკუნეში ილაპარაკო იდეაზე, რომელიც მოპარულია. ქაოსში, სადაც ერთმანეთის აზრებს ნაკლებად ითვალისწინებენ და ისიც შესაძლებელია, რომ მეგობრული რჩევა გახდეს საპირისპირო პოზიციის მაპროვოცირებელი. მოკლედ, დავსვათ კითხვა: შესაძლებელია თუ არა ორ ადამიანს მსგავსი იდეა დაებადოს? ისე, რომ არც ერთმა იცოდეს ამის შესახებ.
- ა თქმა უნდა შესაძლებელია! მთავარია წინასწარ განზრახულ პლაგიატიზმთან არ გვქონდეს საქმე, თორემ დროის კონკრეტულ მონაკვეთში ვისი ფიქრები დაემთხვევა ერთმანეთისას, ამაზე საუბარი ხომ უხერხულიც არის.
ჩემთვის ძალიან სანტერესო მიმართულება გამოიკვეთა ეპოქაში, სადაც თითქმის შეუძლებელია შექმნა ის, რაც არ არსებობს. „იდეა, იდეის გარეშე“. პროვოკაციულად ჟღერს, თუმცა კონკრეტული ინსპირაციის უგუნებელყოფაც ხომ იდეაა. თუ მეტად ჩავუღრმავდებით, ალბათ უარყოფის უარყოფის კანონამდე მივალთ, რომელიც დიალექტიკის პრინციპებამდე დაიყვანს მოდის ქაოსურ ინდუსტრიას. ამ ყველაფერს ჯობია ნაკლები ვიფიქროთ წესებზე და გაბატონებულ სტანდარტებზე. დავაფასოთ ის რაც იქმნება მითითებების გარეშე და გულწრფელი სიყვარულით. შეიძლება იდეა მოიპარო, სტატუსი იყიდო, მაგრამ სიყვარულის გარეშე საქმის კეთებით ვერავინ ვერ „აირეკლავს“ იმ სხივებს, რომლებიც სასიცოცხლოდ მნიშვნელოანია.



Photo – Lucas Pantskhava
Style – Data Alekseev
Assistant - Xosilita
Hair &Make Up – Franck Provost
Model: Mathilda Gvarliani (Look Models Management)

Location – ART VILLA GARIKULA







ხელოვნება დღეს - კონტემპორარის ნეორომანტიკული აბსტრაქციები
ხშირად მიფიქრია ხელოვნების ნიმუშზე რომელიც მე-20 საუკუნის ბოლო პერიოდის გადმონაშთია 21-ეში, გაურკვეველი ვიზუალით, ფორმითა და იდეით.
დათა ალექსეევის ბლოგი - ადამიანი ხელოვნებაა, ხელოვნება კი ემოციების ჯაჭვით შემორტყმული კარის გასაღები
არ არსებობს ადამიანი, რომელიც ერთხელ მაინც არ ყოფილა „მატერიულ ჩიხში“, რომელსაც ეგზისტენციალური კრიზისი ჰქვია.
BABUKHADIA-ს ახალი მიმართულება
თამამად შეგვიძლია ვთქვათ, რომ ქართველი დიზაინერები მთელ მსოფლიოში საკმაოდ წარმატებულები არიან.