მთავარი Victoria Beckham-ის ჩვენებიდან, რომელიც ნიუ-იორკში გაიმართა

„ეს არის კოლექცია თავისუფლებაზე, თავდაჯერებულობაზე, სიძლიერესა და ოპტიმიზმზე.

სამოსი რეალური ცხოვრებისა და რეალური ქალისთვის“ - აღწერს ვიქტორია ბექჰემი საკუთარ საშემოდგომო კოლექციას და ამით აქტუალური მოდის მთავარ კოდს იყენებს.
მისი სამოსი მართლაც იდეალურად ეთავსება თანამედროვე გარდერობს. აქ არის მამაკაცური შტრიხიც, ცოტა უფრო მეტად თავისუფალი, ვიდრე სევილ როუზეა მიღებული, მაგრამ იდეალური იმისთვის, რომ ამ პიჯაკებსა და შარვლებში თავი თავისუფლად იგრძნოთ. კოსტიუმი ფრიალა, შიფონისა და ჯერსეს კაბებთან, თუმცა ამ სამოსს არავითარი კავშირი არ აქვს ვიქტორიას წინა, პროვოკაციულ ცნებებთან.


ამ კოლექციაში აშკარად ჩანს ბექჰემის,

როგორც დიზაინერის ევოლუცია. აღსანიშნავია ისიც, რომ ჩევენებაზე მაღალქუსლიან ფეხსაცმელს ვერ შეამჩნევთ, თავად ვიქტორია კი დაბალძირიან ფეხსაცმელს არასდროს ატარებს. სწორედ მსგავსი დეტალები განასხვავებს Spice Girls-ის ყოფილი წევრის გარდერობს საკუთარი ბრენდისგან - თანამედროვე ქალი დამკვიდრებულ მოდას არ მისდევს და საკუთარ სტილს თავად ქმნის.

ფოტოგალერეა


ანა ვერძაძე

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.