მოდისა და სპორტის კომბინაცია - ლევან და ხატია მჭედლიძეების სხვა მხარე

OTHER SIDE BRAND

OTHER SIDE ახალი ბრენდია, რომელიც ყოფილმა მოდელმა ხატია მჭედლიძემ და ფეხბურთელმა ლევან მჭედლიძემ შექმნეს. საინტერესო კონცეფციის კოლექციის უკან, ხატიასა და ლევანის ხასიათი იმალება – დახვეწილი, ელეგანტური და სპორტული სტილის შესანიშნავი სინთეზი. თავად აღნიშნავენ, რომ მათი ნამუშევრებისწორედ იმიტომაა საინტერესო, რომ სტილს არ იცავენ. ასე იქცა ერთი ლამაზი წყვილის სიყვარულის ამბავი საინტერესო ბრენდის შექმნის ისტორიად, რომლის პირველი ნამუშევრების შეფასების საშუალებაც გვაქვს ექსკლუზიურად ჩვენს ჟურნალში.

- პრესაში ხშირად აღნიშნავენ, რომ ლამაზი წყვილი ხართ... როგორ გაიცანით ერთმანეთი?


ლევანი:


- იტალიაში სათამაშოდ ახალი

წასული ვიყავი. ერთ დღესაც, სოციალურ ქსელში აღმოვაჩინე ხატია. ბევრი არ მიფიქრია, მაშინვე მივწერე და აქედან დაიწყო ყველაფერი.


ხატია:
- ვიცოდი, რომ ლევანი ეროვნული ნაკრების წევრი იყო, თუმცა არ ვიცოდი იტალიაში, კონკრეტულად რომელ გუნდში თამაშობდა. როდესაც თბილისში ჩამოვიდა და ერთმანეთს შევხვდით, ყველა იუვენტუსის კარში გატანილ გოლზე ლაპარაკობდა. სრულ გაუგებრობაში
აღმოვჩნდი, არ ვიცოდი, რაზე საუბრობდნენ.


- მიმზიდველი გარეგნობის გარდა, ერთმანეთში რამ დაგაინტერესათ?
ლევანი:
- პატარები ვიყავით, ურთიერთობა რომ დავიწყეთ. ადვილად ვუგებდით ერთმანეთს, რაც მნიშვნელოვანი იყო.


ხატია:
- ლევანი რომ გავიცანი, 17 წლის ვიყავი. ფაქტობრივად, მასთან ერთად გავიზარდე. ოჯახის შექმნაზე ოთხწლიანი ურთიერთობის შემდეგ ვიფიქრეთ. ახლა ორი შვილი გვყავს და მათ აღზრდაზე ვართ გადართულები.


- ძირითადად, ემპოლიში ცხოვრობთ. როგორი ქალაქია ემპოლი და რამდენად საინტერესოდ მიდის თქვენი ცხოვრება?


ლევანი:
- ემპოლი პატარა ქალაქია. ფლორენციასთან ახლოს მდებარეობს და ბუნებრივია, თავისუფალ დროს იქ ვატარებთ. ორ ბავშვთან ერთად კარგად ვერთობით. მიყვარს ეს ქალაქი და თავს კომფორტულად ვგრძნობ. ყველაფერი ახლოსაა, მთელი ქალაქის მოვლა ფეხით შეგიძლია, თან თბილი მხარეა.


- მოდელის პროფესიიდან დიზაინერობამდე ერთი ნაბიჯია, ფეხბურთელის მხრიდან კი ცოტა უჩვეულოა. როგორ მიიღეთ ბრენდის შექმნის გადაწყვეტილება?


ლევანი:

 

- როცა ხატიამ კოლექციაზე მუშაობა გადაწყვიტა, მეც დავინტერესდი. უკვე ბევრი ადამიანისგან მოვისმინე, რომ დიზაინერობა ჩემგან წარმოუდგენლად მოეჩვენათ. დღემდე ვერ ვხვდები, რატომ შეექმნათ ჩემზე მსგავსი შთაბეჭდილება. ხატიამ გადაწყვიტა სამოსზე მუშაობა და მეც ვეხმარები. ამ საქმიანობაში ცუდს ვერაფერს ვხედავ. კი, კრიტიკული ვარ რად გან ჩაცმის სტილზე საკუთარი შეხედულებები მაქვს. შეიძლება ზოგს არ მოეწონოს, როგორ ვიცვამ, ან რა შეხედულება მაქვს, მთავარია, ხატიას საქმიანობა მომწონს და ყველაფერს ერთმა ნეთს ვუთანხმებთ. იმედია, ჩვენი საქმიანობა კარგად წარიმართება.


- რა წინააღმდეგობების გადალახვამ მოგიწიათ ამ გზაზე?
ხატია: - საქმიანობა ახალი დაწყებული გვაქვს და ამ მხრივ, წინააღმდეგობებს არ წავწყდომივართ. 


- რას გულისხმობთ „სხვა მხარეში“?


ლევანი:


- ვგულისხმობთ ჩაცმასა და ზოგადად, ამ საქმიანობასთან დაკავშირებით ჩვენს შეხედულებას. ვცდილობთ, სახელის შესაბამისად, ყველაფერი საინტერესო და განსხვავებული გამოვიდეს.

- სამუშაოს როგორ ინაწილებთ? შენიშვნები თუ გაქვთ ერთმანეთის ნამუშევრების მიმართ?

ლევანი:

- ჩვენს საერთო საქმეში მთავარი ხატიაა. მე ჩემი ძირითადი საქმიანობით, ფეხბურთით ვარ დაკავებული, შესაბამისად, ბევრი დრო არ მრჩება, რომ დიდი ყურადღება მაჩვენებს და ჩემს რჩევებს ითვალისწინებს.

ხატია:

- ლევანი ჩემი მთავარი მრჩეველია. მის გარეშე გადაწყვეტილებებს არ ვიღებ, რადგან ერთად უფრო ვხვდებით მიმართულებას, როგორ შეიძლება უფრო სრულყოფილი მოდელი მივიღოთ.


- რთულია მაღალი ხარისხისა და სექსუალური ქალის თეთრეულის შექმნა. როგორ მუშაობთ ამ მიმართულებაზე?

ლევანი:

- ქალის თეთრეული ერთჯერადად დავტესტეთ. მიგვაჩნია, რომ კარგი გამოგვივიდა. სეზონის გათვალისწინებით, საცურაო კოსტიუმების შექმნაზე გადავერთეთ.

- ქეჟუალი, რომელიც კომბინაციაშია მსუბუქად ავანგარდულსა და გლამურულ სტილთან... სადაც არასდროს ავიწყდებათ ქალის სექსუალურობა. ასეთია თქვენი ჩანაფიქრი?

 

ლევანი:


- ბრენდი თავისუფალ სტილზეა ორიენტირებული. თუმცა, ჩვენს კოლექციაში ყველა მიმართულებას შეხვდებით.

- გაქვთ ნამუშევრები, რომლებიც უნისექსს წარმოადგენს. ნამუშევრები შეკრულია და ერთ ხაზს ატარებს. როგორ ახერხებთ სტილის დაცვას?

ლევანი:

- ირჩევა ჩვენი კოლექციები.

- რატომღაც მგონია, რომ საკუთარ სამოსს სიამოვნებით ატარებთ. ეს თქვენი სტილია?

 

ლევანი:

მხოლოდ კომერციულ გათვლაზე არაა ორიენტირებული. გვიყვარს და გვსიამოვნებს ის საქმე, რასაც ვაკეთებთ.

- საქმიანობაში ერთმანეთის აზრს ითვალისწინებთ. იგივე მიდგომა გაქვთ შოპინგზე? დაასახელეთ ის ბრენდები, რომელსაც ირჩევთ?

- შოპინგზე ერთად იშვიათად დავდივართ. ლევანი ონლაინშოპინგს ანიჭებს უპირატესობას. მე მაღაზიაში სიარული მირჩევნია. ვერ ვიყიდი სამოსს, თუ არ მოვიზომე. ხშირად დებს, რომელიმეს ვერ გამოვყოფ. მთავარია, სამოსში თავი რომელიმე დიზაინერს ეკუთვნოდეს.

ხატია:  - Tom Ford Venetian Bergamot.
 ლევანი: -Kilian. OTHER SIDE

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.