ANUKA KEBURIA შემოდგომა 2017

8 მაისის ჩათვლით, თბილისი კიდევ ერთხელ გადაიქცა მსოფლიო მოდის ინდუსტრიის "ცხელ წერტილად": 4 მაისს ავთანდილმა Mercedes-Benz Fashion Week-ის მე-5 სეზონი გახსნა.



შეიძლება ითქვას, ეს ყველაზე მასშტაბური მოდის კვირეული იყო, რაც კი აქამდე თბილისში ჩატარებულა (წაიკითხეთ დაწვრილებით)

ANUKA KEBURIA შემოდგომა 2017

სიახლეები ანუკა ქებურიას კოლექციაშიც ვიხილეთ: ტანსაცმელს, ფეხსაცმელს და ჩანთებს სამკაულებიც დაემატა. დიზაინერმა ქართული ეროვნული სამოსით შთაგონებული კოსტიუმები მძივებით, სამაჯურებით და საყურეებით გააფორმა. ვერცხლის საყურეებს ძველი ქართული ორნამენტები ამშვენებს.

მკაცრი, მასკულინური აქცენტებით კონსტრუირებული კოლექცია შავ, კრემისფერსა და თეთრ ფერებშია გადაწყვეტილი: კოსტიუმების თარგებში

ნაბადის მხრები და აჭარული ყაბალახის დეტალებია დატანებული, ორნამენტებში კი უმეტესად ჩოხის ელემენტები ჭარბობს. ზოგადად, კოლექცია ლამაზ დეტალებზეა ორიენტირებული, - ქართული, ზომიერი ორნამენტებით და იდეალურად დამუშავებული ტყავის ნაწარმით. კოსტიუმები შალის, თხელი ბამბის, ტილოს და ნაქსოვი მასალებითაა შეკერილი. თითქმის ყოველი მათგანი დიდი ზომის, თასმებიანი ან სამკუთხედი საყელოებითაა გაფორმებული. საომარი მუზარადის კონტურებს ქმნის ქუდზე ან დამოუკიდებლად, თავზე დამაგრებული მძივები, შეერთებულ საყურეებთან ერთად. კოლექციის ნაზი, ქალური შტრიხის ფუნქცია ოსური კაბის სახელოებმა შეითავსა. კოსტიუმების გასაფორმებლად დიზაინერმა ძველი ქართული ორნამენტებით ამოტვიფრული ვერცხლის ღილები სპეციალურად ოქრომჭედლებს დაამზადებინა.


ქებურიამ საშემოდგომო კოლექცია წიგნის კონსტრუქციის, ბუნებრივი ტყავის ჩანთებით გაამდიდრა, რომელთა ზედაპირიც ქართული ორნამენტებითაა მოჭედილი. ამ ჩანთებს დიდი ისტორია აქვთ: მათი შთაგონება მესტიის მუზეუმში დაცული წიგნი გახდა, რომელიც დიზაინერმა სვანეთში მოგზაურობისას აღმოაჩინა. წიგნს მეტალით მოჭედილი ტყავის ზედაპირი აქვს. დაბალძირიანი ქოშების, მაღალყელიანი ჩექმებისა და კოჭის სიმაღლის შუზებისთვის, ქებურიამ ხელნაკეთი ფეხსაცმლის ურთულესი დეტალი - ტყავის რანტი გამოიყენა. ჩექმები და საბოების ნაწილი სადა, შავ ფერშია გადაწყვეტილი; ზოგიერთი საბო კი - წიგნი-ჩანთების ზედაპირის მსგავსად, მეტალით მოჭედილი.

MERCEDES-BENZ FASHION WEEK-ის აქცენტები: AVTANDIL შემოდგომა 2017

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.