როგორ შეარჩიოთ ქუდი სახის ფორმის მიხედვით

გარეთ აცივდა, რაც იმას ნიშნავს, რომ საუკეთესო დროა ქუდზე იფიქროთ. ბევრი ქუდს სულაც არ ატარებს, რადგან მიიჩნევენ, რომ არ უხდებათ. სინამდვილეში, ქუდის შერჩევის კრიტერიუმები პირდაპირკავშირშია სახის ფორმასთან.

შევარჩიოთ ქუდი სახის ფორმის მიხედვით

ოვალური სახის ფორმისთვის


ოვალური სახის ფორმის იღბლიან ადამიანებს შეუძლიათ ნებისმიერი ტიპის ქუდი ატარონ. თუ ბერეტის ტარებას გადაწყვეტთ, უმჯობესია ასიმეტრიული ფორმით დაიხუროთ. ამ ტიპის შუბლი უკეთესია დაფარული იყოს. mountain hat ტიპის და უბრალოდ მაღალი ქუდები, რაც სახეს აგრძელებს, გამორიცხეთ.

მრგვალი
სახისთვის


ასეთ სახეს უხდება ქუდები, რომლებიც შუბლს ხსნის და სახის პროპორციებს ვიზუალურად ჭიმავს.მომცრო ზომის ნაქსოვი მრგვალი ქუდები და მაღალი შლაპები დავალებას თავს წარმატებით გაართმევენ. ასევე მისასალმებელია ვერტიკალური ფორმის ქუდები და პომპონები. დასაშვებია ბერეტიც, თუ მას შუბლზე არ ჩამოიწევთ.

მართკუთხა სახის ფორმა


სახის უხეში ფორმებისა და სიგრძის დასაფარად დაგეხმარებათ, მოცულობითი ე.წ „უშანკები“, მსხვილად ნაქსოვი თავსაბურავები წარბებამდე ჩამოწეული, კეპები და ფართოფარფლიანი შლაპები - ყველა მათგანი მაღალ შუბლს დაგიმალავთ.

კვადრატული სახის ფორმა


შესანიშნავად მიდის უკან გადაწეული ქუდი-წინდები, რომელიც შუბლს ხსნის. კარგი ვარიანტია ყურებდაწეული „უშანკებიც“, მოდელები ჩამოკიდებული პომპონებით, პატარა მრგვალი ფორმის ქუდები.

სამკუთხა სახის ფორმა


სამკუთხა სახის ფორმის დროს, ძირითადი აქცენტი ყვრიმალებზე უნდა გაკეთდეს. ძალიან მოუხდება ბერეტები, გასკვნილი „უშანკები“, მჭიდრო, არამოცულობითი ქუდები, ასიმეტრიული ფორმის თავსაბურავები.

რომბისებრი სახის ფორმა


ამ შემთხვევაში გამონაკლისის გარეშე დასაშვებია ნებისმიერი ტიპის კეპები, ჰელსინკი სქელი ნართით, მსხვილად ნაქსოვი ქუდები, ასევე ბეწვის პომპონიანი და ა.შ.

მსხლისებრი ფორმის სახე


ვიწრო შუბლისა და განიერი ნიკაპის დასაფარად გამოგადგებათ სწორი ფორმის ან ოდნავ ამაღლებული ტიპის ქუდები. ცივ დღეებში უმჯობესი იქნება მსხვილად ნაქსოვი თავსაბურავები ან კაპიუშონი.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.