საახალწლო სამოსი ოქროს ჰოლივუდის სტილში

ახალი წლის ღამეს შეგიძლიათ ნებისმიერ გმირად გარდაისახოთ. მაგ: ოქროს ჰოლივუდის დივად, როგორებიც იყვნენ ვივიენ ლი ან მარლენ დიტრიხი.
დღესასწაულისთვის მზადება ძალიან სასიამოვნო იქნება. პირველ რიგში გადახედეთ ფილმებს- "ქარწაღებულნი", "ხიდი ვატერლოოზე", "მაროკო", "შანხაის ექსპრესი" ან სხვა ნებისმიერი, ამ ლეგენდარული მსახიობების მონაწილეობით. შეისწავლეთ გმირების მანერები - შეიძინეთ შარმი. შემდეგ, შთაგონებულები კი ახალი ნივთების შესაძენად გაეშურეთ.

ვივიენ ლი



არამიწიერი სილამაზის მქონე ლი ყოველთვის გამორჩეული იყო. მას განსაკუთრებით უხდებოდა 40-იანი წლების ვიწრო, ტანზე მომდგარი კაბები, ზომიერად დახურული, რაც კიდევ უფრო მომზიდველს ხდიდა. ვივიენი აღმერთებდა
ჰაეროვან ბლუზებსა და ქვედაბოლო-გოდეს. ასე რომ, განუმეორებელი მსახიობის სტილში გარდასახვა შეგიძლიათ არა მხოლოდ ახალი წლის ღამეს, არამედ ჩვეულებრივ კორპორაციულ საღამოებზეც. საოფისე ლუქს დაუმატეთ რამდენიმე მდიდრული სამკაული, მაგ: მარგალიტის საყურეები და მზად ხართ.

მარლენ დიტრიხი



მარლენ დიტრიხის ყველაზე დასამახსოვრებელი როლი ალბათ ფილმში "მაროკო" განსახიერებული ემა ჟილის გმირია. სმოკინგი, ცილინდრი, ბაფთა - 30-იან წლებში მამაკაცის კოსტიუმის ქალზე მორგება ნამდვილი გარდატეხა იყო. მაგრამ მარლენს, მის დაბალ ხმასა და მამაკაცურ სექსუალურობას ეს ძალიან უხდებოდა.



დღესასწაულისთვის გთავაზობთ კომპრომისს სმოკინგსა და კაბას შორის - კომბინიზონი კოსტიუმის ნაჭრისგან. დაე არჩევანი იყოს ქალური - მაღალი ხელთათმანები, ბეწვის ყელსახვევი, ოქროსფერი ფეხსაცმელიდა წითელი პომადა.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.