საუკეთესო საქორწინო კაბები მაღალი მოდის კვირეულიდან

გასულ თვეს ევროპაში მაღალი მოდის კვირეული მოეწყო და ჩვენთვის საყვარელმა დიზაინერებმაც ახალი კოლექციები წარმოადგინეს.
როგორც წესი, მაღალი მოდის კვირეულის პოდიუმზე საქორწინო კაბებსაც ვხვდებით, ამიტომ, დღევანდელ სტატიაში კაბების ახალ ტრენდებსა და საყვარელ მოდის სახლებს შემოგთავაზებთ.

1. Elie Saab
ელი სააბი სწორედ ის დიზაინერია, რომელმაც მილიონობით ქალის საოცნებო კაბები შეკერა. ბოლო კოლექციაში განსაკუთრებული ყურადღება ვერცხლისფერსა და ოქროსფერ დეტალებში გაწყობილმა კაბამ მიიქცია, რომელიც ზღაპრულად გამოიყურება.


2. Valentino

ყველაზე დიდი გამოხმაურება ამ სეზონზე ვალენტინოს ჩვენებას მოჰყვა. პიერპალოს დიზაინით შექმნილმა კაბებმა ყველანი მოგვხიბლა.


3. Dior

მართალია მარია გრაციას ახალმა კოლექციამ დიდი მოწონება ვერ დაიმსახურა, თუმცა რამდენიმე კაბამ მაინც მიიქცია ხალხის ყურადღება.


4. Georges Hobeika

სამეფო ქორწილისა და მეგან მარკლის წყალობით, შიშველი მხრები საქორწინო კაბების მთავარი ტრენდია და მსგავსი დიზაინით შეკერილი კაბების დიდი არჩევანიც გვაქვს.


5. Zuhair Murad
თუ სიტყვა „ზღაპრულის“ მნიშვნელობა გაინტერესებთ, უბრალოდ ამ მოდის სახლის ჩვენებებს გადაავლეთ თვალი. დახვეწილი ფორმები, საოცარი დეტალები და უმშვენიერესი პატარძლები-ზუჰაირ მურადის კოლექცია ამ ყველაფერს აერთიანებს.


6. Ziad Nakad
ამ დიზაინერის კაბები მართლაც რომ ღვთაებრივია. პარიზში გამართული ჩვენება საქორწინო კაბით დაიხურა, რომელმაც ნამდვილი ფურორი მოახდინა.


7. Ralf & Russo
მსოფლიოს მასშტაბით ცნობილი ბრენდის ჩვენებას ბევრი ელოდა. საკმაოდ ფერადი, მდიდრული და დახვეწილი კოლექციის კულმინაცია საპატარძლო კაბაა, რომელსაც ვერცხლისფერი ორნამენტები ახლავს თან.


ბაკა ალავიძე
like
0